Aus der aktuellen Ausgabe vom Freitag, 17 Februar 2017

„Supergute Tage oder Die sonderbare Welt des Christopher Boone“ rěka inscenacija Budyskeho Němsko-Serbskeho ludoweho dźiwa­dła, kotraž ma dźensa premjeru. 15lětny Christopher nańdźe susodźic psa mortweho a stajnje so zdobom podhladny. Spěšnje so wujasni, zo je njewinowaty. Policija pak přestanje slědźić, a Christopher započina sam winika pytać. To njeje lochko, dokelž je wón aspergerski awtist a dóstawa mjez ludźimi paniku. W režiji Stefana Wolframa agěruja na jewišću mjez druhim Marvin George, Tomaš­ Cyž a Pauline Leitner (wotlěwa). Dalše předstajenje budźe jutře w 19.30 hodź. Foto: Mirosław Nowotny

Pjatk 17.2. do 19.2.  Lan-party w Chrósćicach

  19:30 Hłowna zhromadźizna Serbskeje pčólnicy w Chróšćanskim Dučmanec hosćencu

Sobotu 18.2. 13:00 120. zapust w Drjejcach

  14:00 Zapust w Barbuce

  14:00 Zapust w Njabožkojcach (Naundorf) a Długach (Fleißdorf)

  14:00 Bjesada wo serbskich medijach w Praskim Serbskim seminarje

  16:00 Zapust w Rogowje

  19:30 Maskowy bal w Kulowje

  19:30 1. kapičkowy wječor Serbskopazličanskeho karnewaloweho towarstwa w Njebjelčanskej „Bjesadźe“

  19:45 Koncert z ruskej spěwarku Tatjanu Kuzinej-Bogomolowej w Chróšćanskej putniskej hospodźe

Njedźelu 19.2. 10:00 Dźeń eksperimentow z jantarom w Hórnikečanskej energijowej fabrice

  12:00 Walentinowy brunch w Hórčanskim Młynkec hosćencu

  13:00 Zapust w Dešnje

  14:30 Měnjenska bursa symjenja na žurli Njebjelčanskeho gmejnskeho zarjada

  15:00 Póstnicy seniorow w Njebjelčanskej „Bjesadźe“

Póndźelu 20.2. do 23.2.  Prózdninska zaběra za šulerjow 3. do 6. lětnika w Hornjohajnkowskim domje Jurja Brězana (stajnje wot 8 do 11.30 hodź.)

 20.2. do 24.2.  Kurs „Profesionalnje awdijowu produkciju zhotowić“ w Budyskim SAEK

 20.2. do 24.2.  Tydźeń za dźědow a wowki z wnučkami w Smochčanskim Domje biskopa Bena

  13:00 Zapust w Hochozy

njedźelu, hornjoserbsce

11:00 Łužica tutón tydźeń

11:20 Generaciska změna w serbskich institucijach

11:45 Nowa serbska CD: Jazz

12:00 Nabožne wusyłanje

 (Wito Sćapan)

po tym zbožopřeća

delnjoserbsce

12:30 Aktualny magacin, mjez druhim wo posedźenju serbskeho wuběrka wokrjesa Sprjewja-Nysa

13:00 Serbske korjenje:

Urbanskec swójba

13:30 Nabožne wusyłanje

 (Bernd Pittkunings)

po tym zbožopřeća

Nory swjeća

Njebjelčicy. Z prěnim kapičkowym wječorom startuje Serbskopazličanske towarstwo jutře, sobotu, w 19.30 hodź. w Njebjelčanskej „Bjesadźe“ do horceje fazy 47. sezony. Nazajtra w 15 hodź. su na samsnym městnje wuměnkarjo na póstnicy seniorow přeprošeni. Tohorunja w „Bjesadźe“ budu štwórtk, 23. februara, wot 19.30 hodź. žonjace póstnicy. 25. februara wotměja 2. kapičkowy wječor w „Bjesadźe“.­

Za kubłanske dny so přizjewić

Worklecy. Kubłanske dny serbskeje młodźiny budu wot 17. do 19. měrca w Schmiedebergu. Na wobdźělnikow čakaja duchowne impulsy, kreatiwna za­běra a zabawa. Jako swójski přinošk płaća šulerjo 15 eurow, wučomnicy a studenća 17 a wuwučeni 21 eurow. Zajimcy njech přizjewja so hač do 22. februara e-mailnje pod adresu abo na Facebooku pod www.facebook.com/DekanatneDusepastyrstwo.

Hudźbna chłóšćenka

Koparske dypkowe hry

19.02. 11:00 Rakečanske ST

  – Módro-běli Kulow

19.02. 14:00 HZ Kinspork/Łužnica

  – Sokoł Ralbicy/Hórki

Přihotowanske hry

17.02. 18:30 hodź. Budissa Budyšin

– Biskopičanske KT 08

18.02. 14:00 Concordia Załom

  – ST 1922 Radwor

18.02. 15:00 Módro-běli Njeswačidło

  – Mały Wosyk

24.02. 19:00 Módro-běli Njeswačidło

  – SJ Chrósćicy II

25.02. 10:30 ST Ćisk II – SJ Njebjelčicy

  (w Kamjencu)

Halowe turněry BFV

Biskopičanske koparske towarstwo (BFV) pře­wjedźe w zymskej přestawce wjacore halowe turněry. Wone budu wot 17. do 19. februara a wot 24. do 26. februara w sportowej hali Wesenitz w Biskopicach.

17.02. 18:00 turněr młodźiny A

18.02. 9:00 turněr młodźiny C

18.02. 15:00 turněr młodźiny B

19.02. 14:30 turněr žónskich cyłkow

24.02. 18:00 turněr starych knjezow

Volleyballowy turněr

Sobotu, 4. měrca, hraja volleyballowe cyłki dobrowólnych woborow gmejny Ralbicy-Róžant w Ralbičanskej ćěłozwučowarni wo pokal wjesnjanosty. Turněr započnje so w 15 hodź.

Volleyballowe dypkowe hry

25.02. 16:00 Chróstawa – Pančicy (žony)

25.02. 14:00 Worklecy – Koblicy

(w Ralbicach)

25.02. 14:00 Worklecy – MSV Budyšin 04 II   (w Ralbicach)

04.03. 14:00 MSV Budyšin 04 I – Pančicy   (žony)

04.03. 14:00 MSV Budyšin 04 II

  – Worklecy (žony)

09.03. 19:00 Budyšin sewjer – Pančicy

Na wopyće pola Delnjoserbowki Uty Henšeloweje w Lubnjowje

53lětna Uta Henšelowa, wustupowaca połna energije a z přećelnosću, wita mje w bjezporočnej delnjoserbšćinje před swojim domom w Lubnjowje. Zyma šćipa namaj do mjezwoča, a wona wjedźe mje do swojeje galerije. Před jeje zachodom čitam na tafličce „Galerija UTACIANI“.

Při rozmołwje hnydom zhonju, zo je so Lubnjowčanka jako Domowinska regionalna rěčnica za Delnju Łužicu rozžohnowała a zo wukonja wot 1. februara zastojnstwo nawodnicy Šule za delnjoserbsku rěč a kulturu Choćebuz.

Pjeć prapremjerow serbskeje načasneje hudźby zaklinčało

Hudźbny rjad „wosebity koncert na spočatku lěta“, zahajeny 1995 pod nawodom z Łužicy pochadźaceje pianistki Heidemarje Wiesnerec, wěnowaše so lětsa reformaciji. Pjeć serbskich komponistow bě nadawk dóstał, składnostnje jubileja komorne twórby za mału wobsadku spisać. Te zaklinčachu nětko prapremjernje na zarjadowanjach w Berlinje, Wojerecach, Choćebuzu a Lipsku. W Budyskim Serbskim muzeju dožiwi nažel jenož něhdźe połsta připosłucharjow zajimawy a naročny wječor.

Budyske LND hotuje so na kóždolětne Lipšćanske knižne wiki

Wot 23. do 26. měrca wotměja so Lipšćanske knižne wiki. Na nich změje Ludowe­ nakładnistwo Domowina znowa swoje wustajenišćo. Alfons Wićaz je so z jednaćelku LND Marku Maćijowej rozmołwjał.

Čehodla je za LND tak wažne w Lipsku pódla być?

M. Maćijowa: Lipšćanske wiki, najwjetše we wuchodnej Němskej, wopytuje lěto a wjace čitarjow a knihikupcow, nic jeno z wuchodnych, ale tež ze zapadnych zwjazkowych krajow. Za naše zjawnostne dźěło je prosće jara wažne so na wikach wobdźěleć. Tam móža so čitarjo a medije wo našej produkciji wobhonić.

Informujeće tež wo dźensnišim žiwjenju Serbow?

M. Maćijowa: Na kóždy pad. Na wustajenišćo přichadźeja přeco zaso ludźo, kotřiž so za Serbami prašeja, snano tež hižo něšto wo nich wědźa a chcedźa so dokładnišo wobhonić. Tajke wiki su nam dobra składnosć wo Serbach informować. Wopytowarjo chcedźa na přikład wjace wo situaciji šulow wědźeć, kak je to z wukubłanjom w serbskej rěči, z młodźinu, hač wona hišće serbsce rěči, abo hač njeje wšitko kumštnje plahowane.

Nowy mějićel Hornjołužiskeho nakładnistwa Frank Nürnberger, dr. Andreas Gerth, je nětko němskorěčnu nowostku „Budyšin – Na slědach potajnych wot­krywanjow“ spisał. Grafikarka Claudia Dabischa je 82 stron wopřijacu ediciju z wuběrnymi, zdźěla fantastiskimi rysowankami wobohaćiła.

Knižka je putaca bajowa lektura młodym čitarjam kaž tež na mystiskich temach zajimowanym dorosćenym. Čerwjena nitka powědanja je pućowanje dobreho ducha Łužicy, bahnoweje soniny Luziki, z pućowarjom po časach Fynnom po starym Budyšinje k 31 městnam mystiskich podawkow, magiskich znamjenjow a njewšědnosćow. Wuchodźowanje započina so na Mosće měra, wjedźe po dróhach a hasach stareho města a kónči so na Hrodźišku. Awtor zeznajomja čitarja z potajnstwami „domu lěta“ na róžku Nutřkowna Lawska-Jerjowa, z křiwej Bohatej wěžu kaž tež ze wšelakimi symbolemi na portalach tachantstwa, domu z lěta 1670 na Mjasowych wikach, na cyrkwi swj. Pětra a na Maćijowej wěži.

Zajimawa hornjo- a delnjoserbska rěčna hra za cyłu swójbu

Rěčnu hru w delnjoserbskej (ds) a w hornjoserbskej­ (hs) wersiji je wudał Rěčny centrum WITAJ w koope­raciji z Ludowym nakładnistwom Do­mowina w lěće 2016. Wo čo w hrě dźe? Z pismikow zestajeja hrajerjo křižowku. Za dobyće liči so hódnota pismikow, kotrež­ so w zmysłapołnych słowach na hrajne­ polo kładu, a so z hódnotami kašćikow na hrajnym polu multiplikuje. Hrajer z najwjace dypkami dobudźe.