Pjatk 24.3. 18:00 Rozmołwa w Budyskim hosćencu „Zum Echten“ wo přichodźe Koła serbskich spisowaćelow
19:30 Zhromadźizna Ralbičanskeho hońtwjerskeho drustwa w Ralbičanskim sportowym domje
Sobotu 25.3. a 26.3. Jutrowne wiki we Wojerowskej Łužiskej hali
9:00 Hłowna zhromadźizna Domowiny we Wojerecach
13:00 Debjenje jutrownych jejkow w Budyskim Serbskim muzeju
14:00 Debjenje jutrownych jejkow w Dešnjanskim domizniskim muzeju
15:00 Debjenje jutrownych jejkow w Slepjanskim SKC
17:00 Wotewrjenje ponowjeneje Worklečanskeje sportoweje hale
19:30 Předstajenje inscenacije „Za brězami“ na hłownym jewišću Budyskeho NSLDź
20:00 Kamjenska kapała Topas hraje w bowlingowym centeru Lessingoweho města
Njedźelu 26.3. 10:00 Jutrowne wiki w Drjowkowskej Serbskej tkalčerni
11:00 Dźeń wotewrjenych duri w ponowjenej Worklečanskej sportowni
11:15 Přednošk „Luther a reformacija w literaturje“ na Wojerowskim hrodźe
13:00 Debjenje jutrownych jejkow w Budyskim Serbskim muzeju
15:00 Wotewrjenje wustajeńcy „Pjeć lětstotkow – Serbja a reformacija“ w Budyskim Serbskim muzeju
16:00 Čitanje z Křesćanom Krawcom w Pěskečanskim sportowym domje
Astronomiski dźeń
Budyšin. Budyska hwězdarnja na Čornobóskej 82 přeproša zajimcow jutře wot 14 do 22 hodź. na astronomiski dźeń, kotryž so po cyłej Němskej wotměje. Zarjadowanje steji lětsa pod hesłom „Widźenjahódne při słónčnej čarje“. W srjedźišću steja objekty podłu čary słónca, tak mjenowana ekliptika, kotruž móžemy wotdeleka wobkedźbować.
Zakónčacy koncert
Choćebuz. W Braniborskej je Choćebuz lětsa hosćićel krajneho wurisanja „Młodźina hudźi“. Něhdźe 300 młodych hudźbnikow so tam wubědźuje. Najlěpšich z nich móža zajimcy jutře w 19.30 hodź. we wulkim domje Choćebuskeho měšćanskeho dźiwadła dožiwić.
Rockowa nóc z kapału Topas
Kamjenc. Znata Kamjenska skupina Topas, kotraž je něhdy na zjawnych rejach ze Serbomaj Günterom Šwjentekom a Gabrielom Vacekom tež serbske štučki hrała, přeproša jutře wot 20 hodź. do Kamjenskeho bowlingoweho centera na zarjadowanje „40 lět Topas-live“. Tučasni hudźbnicy skupiny a dalši něhdyši hóstni hercy, kaž sobuzałožer skupiny Henry Rasch so na fanow wjesela.
Kuzło 1001 nocy
njedźelu hornjoserbsce
11:00 Łužica tutón tydźeń, mjez druhim wo wotewrjenju Worklečanskeje sportoweje hale
11:20 Z hłowneje a wólbneje zhromadźizny Domowiny
11:50 Nowa wustajeńca „Serbja a reformacija“
12:00 Nabožne wusyłanje
(Hans-Friedrich Fischer)
po tym zbožopřeća
delnjoserbsce
12:30 Aktualny magacin, mjez druhim wo hłownej a wólbnej zhromadźiznje Domowiny
13:00 Portret: Jill-Francis Ketlicojc
13:30 Nabožne wusyłanje
(Adelheid Dawmowa)
po tym zbožopřeća
Hrać, přepodać, swjećić ...
Gmejna Worklecy přepoda jutře, sobotu, ponowjenu sportowu halu a Viktoria Worklecy swjeći samsny dźeń 25lětne wobstaće. Wot 14 hodź. trenuje a hraje tam volleyballowe mustwo VC Olympia Drježdźany (žony U 20) přećiwo mužam Worklečanskeje Viktorije. Wot 17.45 hodź. sportownju potom oficialnje přepodadźa. Wječor přizamknje so swjedźeń „25 lět Viktoria Worklecy“.
Liški pytaja lodohokejistow
Towarstwo Lodosport Běła Woda (ESW) pyta za sezonu 2017/2018 lodohokejistow. ESW, jedne z najwuspěšnišich towarstwow w Sakskej na polu lodohokejoweho dorosta je stajnje na zesylnjenju swojich teamow zajimowany. Za nowu hrajnu dobu pyta ESW motiwowanych dorostowych sportowcow lětnikow 1999 do 2004. Přizjewjenja za probowy trening su hač do 31. měrca móžne. Zajimcy móža swoje lodohokejowe kmanosće pokazać, a to:
sobotu, 08.04.17 / 11:15 do 15:00
njedźelu, 09.04.17 / 11:15 do 13:15
srjedu, 19.04.17 / 12:00 do 16:30
štwórtk, 20.04.17 / 12:00 do 16:30
tel.: 03576/ 21 96 97 80
Terminaj za pokalnej hrě stejitej
Wotewrjenje wustajeńcy „Pjeć lětstotkow – Serbja a reformacija“ 26. měrca w 15 hodź. w Budyskim Serbskim muzeju
Předstajenje w LND wušłeje knihi „Pjeć lětstotkow – Serbja a reformacija“ 28. měrca w 19.30 hodź. na Budyskej Michałskej farje
Přednošk dr. Jensa Buliša 3. meje w 19 hodź. w Budyskim Serbskim muzeju: „Trotz Warichius und Wendenpapst – Die verblassenden Bilder des sorbischen Göda“
Wotewrjenje pućowanskeje wustajeńcy „Serbske cyrkwje mjez Lubijom a Luborazom“ 7. meje w 11 hodź. w Budyskej Michałskej cyrkwi
„Kofej w třoch“ pod nawodom Andreje Pawlikoweje 10. meje w 15 hodź. wo nabožnych objektach w zběrce Serbskeho muzeja. Zajimcy su namołwjeni, swójske nabožne předmjety sobu přinjesć.
Přednošk „Ochranow a Serbja“ dr. Lubiny Malinkoweje 23. awgusta w 19 hodź. w Budyskim Serbskim muzeju ze simultanym přełožkom
Swójbne popołdnjo a finisaža 27. awgusta: w 16 hodź. literarno-hudźbny program z basnicu Měranu Cušcynej a chórom Budyšin
Bože słowo w maćeršćinje – tele žadanje Martina Luthera tworješe srjedźišćo reformacije. Pjeć lětstotkow je mjeztym nimo. Najwjetši čas tuž, zo sej Serbja wuwědomjeja, kajki wuznam je tónle swět spowalacy podawk tež za wuwiće serbskeje kultury měł: započatk serbskeho pismowstwa přez ewangelskich duchownych. Njedźelu wotewru w Budyskim Serbskim muzeju wustajeńcu, kotraž to wobswětla. A kak swjate móže serbske Swjate pismo tež w njeswjatym wobłuku muzeja być, bě na medijowej prezentaciji wustajeńcy pytnyć. Tam spjećowaše so restawrator Jan Bart přeću kameroweho teama telewizijneho sćelaka, witrinu z prěnjej, w (delnjo)serbskej rěči ćišćanej knihu – katechizmom fararja Albina Mollera z Tšupca (1541–1618) z lěta 1574 – wotewrěć. Riziko bě jemu přewulke, zo so přez telko ludźi nastata špatna mikroklima w stwě negatiwnje na rěčny pomnik serbstwa wuskutkuje.
Na lěs zhladuje wulki dźěl wobydlerjow w Sakskej kaž tež cyłeje Němskeje z poměrnje wulkej česćownosću. Dźeń a wjac ludźi wužiwa lěpšiny lěsa, so tam wočerstwić a wulki dźěl wólneho časa z přijomnymi zaběrami w lěsu zwjazać. Lěsne kónčiny hraja w žiwjenju mnohich ludźi wažnu rólu jako městno ćělneho a dušineho wodycha, zo bychu tam trěbne wurunanje k stresej a napinanjam wšědneho dnja namakali. Runje tak waža sej lěs jako žórło najwšelakorišich płodow, kaž su to hriby a jahody abo mnohe hojenske zela. Ale tež hłowny wunošk lěsa drjewo je dźeń a požadaniše. W Sakskej mamy něhdźe 550 000 hektarow lěsa kotryž wupřestrěwa so po kulturnej krajinje kraja, wot čłowjeka přez lětstotki wutworjenej.
Wojerecy běchu a su po Budyšinje a Choćebuzu sobu najwažniše město w serbskich stawiznach. Před tydźenjomaj předstajichmy w Předźenaku „Swědki serbskeho žiwjenja w starych Wojerecach“ a přeprosychmy na wuchodźowanje k nim. Jutře schadźuja so delegaća towarstwow a župow na hłownej zhromadźiznje Domowiny we Wojerecach.
Stawizny bywšeho wokrjesneho města nad Čornym Halštrowom na sewjeru Hornjeje Łužicy su wusko zwjazane ze zańdźenosću serbskeho ludu. Wojerecy buchu 1268 pod němskim mjenom Hoyerswerde prěni króć naspomnjene. Němske mjeno skedźbnja na połoženje sydlišća wěsteho Hojera na kupje wosrjedź bahna, kotruž mjenowachu tehdy němsce „werda“. Podobne pomjenowanja nadeńdźemy pola Biskopic – Bischofswerda, Hagenwerda a Werder nad Habolu pola Podstupima. Wojerecy wostachu lětstotki městačko w Budyskim kraju.
Rentnar a što potom? – wuměnkarsku swobodu wužiwać abo wužadanja přiwzać (7)
Někotři njemóža so tohole časa dočakać, tamni zaso nochcedźa scyła na njón myslić – na zastup do renty. Kajke maja wuměnkarjo žiwjenje abo starosće, to ze seriju „rentnar a što potom?“ bliže wobswětlamy.
Kurs serbšćiny bě jej pohon. Wučerka Cordula Jurkowa z Brězowki kładźeše wulku wažnosć na prěnje wokable, na wurjekowanje, na tradicije a nałožki. „Z wjeselom je wona nas wuwučowała. Takle sym serbšćinu nawuknyła“, Marlies Nagorka ze Slepoho dźakownje powěda. „To bě w lěće 2004 na Slepjanskej šuli.“ Zhromadnje z dalšimi zajimcami bě wona tam hornjoserbšćinu wuknyła. Pozdźišo, na starej Rownjanskej šuli, wuknješe pola wučerki Antje Krawcoweje z Choćebuza tež hišće slepjanšćinu. Dźakowano Rudijej Krawcej, kiž słušeše w meji 1999 k sydom załožerjam towarstwa Njepilic dwór Rowno, so wona cyłkej lěta 2006 přidruži.