Třeći wólnočasny wolejbulowy turněr serije „top sydom“ w Ralbičanskej sportowni dobychu znowa sportowče a sportowcy ST 1922 Radwor před wučerjemi Serbskeho gymnazija Budyšin (SGB) a abiturientam lěta 1996.
Prěni raz wuhotowaše sekcija wolejbul DJK Sokoła Ralbicy/Hórki turněr serbskich wólnočasnych mustwow a zwyši tak seriju wurisanjow při wysokim saku na sydom. Třeća stacija w tutym lěće wotmě so minjenu póndźelu w sportowni Serbskeje wyšeje šule Ralbicy, hdźež powita hłowna organizatorka wječora Annett Kralowa dalšich šěsć cyłkow kaž tež domjace młodźinske mustwo Sokoła na tak mjenowany „Jutrowny turněr“.
Awtor dźensa
André Strelow
Mišterstwo w zwjazkowej koparskej lize je rozsudźene. Nowy mišter Bayer Leverkusen ma hišće šansu zwjazkowy pokal dobyć. Hladajo na zbywacych kontrahentow je šansa na dalši titul wulka, wšako mustwo tuchwilu na cyłej liniji přeswědča. Runje njedźelu docpě Leverkusenske mustwo z wothwizdanjom w Dortmundźe hišće wurunanje 1:1. Za BVB bě dobyće nuznje trěbne, zo by so Lipskej přibližił. Tak steja Lipšćenjo dwaj dypkaj před Borusami, k tomu maja lěpši wrotowy poměr.
Na zašłym hrajnym dnju zwjazkoweje ligi mějachmy zaso wjacore rozbudźaki respektiwnje dwělomne sceny sudnikow. Zdźěla zapraji tež widejowy asistent. Principielnje mam widejoweho asistenta, jako dobru naprawu, dokelž čini to, štož ma činić, mjenujcy wopačnym rozsudam zadźěwać. Tuchwilny hłowny problem je, zo ćerpi akceptanca widejoweho asistenta swojeje snadneje transparency dla. To nastupa najprjedy fanow w stadionje, kotřiž widźa sudnika jenož k monitorej hić a dóstanu 60 sekundow pozdźišo rozsud prezentowany.
Kopańca
Wokrjesna liga stafla II
Wojerowski FC II –
HZ Wóslink/Skaskow/Kulow II 4:0 (1:0)
Traktor Malešecy –
ST Lubuš 1:1 (1:1)
ST Wulka Dubrawa –
LSV Hory 1:1 (0:1)
ST Bart –
Zeleno-běli Bukecy0:4 (0:1)
HZ Nadrózna Hrabowka –
ST Natwar Němske Pazlicy II 4:3 (1:1)
Módro-běli Minakał –
FSV Łuty 3:1 (1:0)
ST Kinspork/Łužnica –
ST Kubšicy 3:2 (2:1)
1. Zeleno-běli Bukecy 21 58 : 35 41
2. LSV Hory 21 69 : 54 40
3. Módro-běli Minakał 21 41 : 24 39
4. ST Kubšicy 21 50 : 33 36
5. ST Wulka Dubrawa 21 40 : 20 34
6. Wojerowski FC II 21 48 : 44 33
7. FSV Łuty 21 39 : 32 32
8. Traktor Malešecy 21 45 : 29 30
9. ST Kinspork/Łužnica 21 37 : 39 29
10.Nadrózna Hrabowka 21 48 : 49 28
11. ST Lubuš 21 40 : 46 28
12. ST Bart 21 27 : 35 25
13. Wósl./Skask./Kulow II 21 19 : 65 10
14. ST Němske Pazlicy II 21 21 : 77 8
