Wo ćežach w tradicionalnym pjekarstwje a wo pobrachowacym dorosće

Budyšin/Rakecy (SN/bl). W Budyskim wokrjesu je jenož hišće mało wuwučenych pjekarjow. Hišće mjenje jich w tymle powołanju woprawdźe swoje pjenjezy zasłuža. A nimale nichtó wjac powołanje pjekarja njenawuknje.

Tónle problem znaje tež Rakečanski pjekarski mišter Clemens Brězan. Po dołhim času změje wón wot noweho wukubłanskeho lěta zaso wučomnika w zawodźe. „Zo je so docyła hišće něchtó přizjewił a chce so z pjekarjom stać, mje woprawdźe překwapja“, praji mějićel Clemens Brězan. Rjemjesło so dale a bóle wosłabja, tak tež pjekarstwo. „Je hotowa katastrofa, docyła někoho namakać, hač wučomnika abo wuwučeneho rjemjeslnika“ wón měni. Snadna zasłužba, ćežke a napinace ćělne dźěło a njepřihódne dźěłowe časy, to su jenož někotre přičiny, kotrychž dla nimale žanych młodych pjekarjow wjac nimamy.

dale čitać…
štw., 27. julija 2017

Choćebuz (SN/at). Nowe pruwowanišćo za elektriske zapalne připrawy maja slědźerjo na Braniborskej techniskej uniwersiće (BTU) Choćebuz wot wčerawšeho k dispoziciji. Kaž uniwersita zdźěli, móža z nowej připrawu potencial fleksibilizowanja wuhlowych milinarnjow lěpje přepytować. To je hladajo na přiběracy podźěl wobnowjomnych energijow wažna tema, w nowinskej zdźělence dale rěka. Nastroj stej firma Emis Electrics a Centrum za energijowu technologiju Braniborskeje w zhromadnym dźěle z katedru milinarnjowa technika BTU prof. dr.-ing. Hansa-Joachima Krawca wuwiłoj.„Pruwowanišćo je tak zapołožene, zo hodźa so wšelake zawodne scenarije předstajić a efekty z mnohimi sensorami wobšěrnje dokumentować“, rozłožuje ze stron katedry na projekće wobdźěleny Christian Katzer. Potencial prototypa tči w snadnuškim techniskim nałožowanju kaž tež w fleksibiliće připrawy sameje. Tak je projekt tež za LEAG zajimawy, hdźež pytaja robustnu alternatiwu k dotalnym wolijowym zapalakam. ...

štw., 27. julija 2017

Budyšin (SN/Łu). „Moler a rysowar August Heino“ je titul aktualneje kabinetneje wustajeńcy, kotruž pokazuje Muzej Budyšin składnostnje jeho 100. po­smjertnin. Hižo zahe spóznachu talent Augusta, jako narysowa 10lětny podobi­znu nana. Na Kralowsko-sakskej akademiji tworjacych wuměłstwow studowaše wón pola Ludwiga Richtera, kotrehož pózdnjoromantiske molerstwo młodźenca sylnje wobwliwowaše. Po studiju nawróći so do ródneho Budyšina a poda so na studijne jězby po Łužicy, Čěskej, Italskej, Francoskej a Španiskej. Wuměłske skutkowanje 1847 narodźeneho molerja pak wobmjezowaše so na město Budyšin a wokolinu. Widźeć su mjez tójšto rysowanymi portretami, aktami a bajkowymi ilustracijemi wjetši akwarel z podawkom jejkakulenja jutry na Hrodźišku a „Brusnicowe wiki“ při tachantskej cyrkwi. Na wobrazomaj su tež Serbowki widźeć. Dotal njeznata je romantiska mólba „Kemšerjo w katolskich Serbach“. Wobchowana pak je jenož foto wobraza, na kotrymž steji zady wěnowanje Arnoštej Muce. Wochudnjeny je Augu ...

štw., 27. julija 2017

Minjenu sobotu su delni Sulšečenjo swoje mjeztym štwórte třělenje jědnatkow we wobłuku wjesneho swjedźenja přewjedli. 24 mustwow so na nim wobdźěli. K wjeselu wšitkich su tež lětsa wurisanje hač do kónca přewjedli, byrnjež je sylne zliwki přeco zaso mylili. Po napjatych bojach Salowčenjo dobychu.Prěni króć su sobotu tež na wulku koparsku dartowu sćěnu třěleli. Marko Koplanski z Nowoslic doby ze 128 dypkami před Clemensom Volkmarom z Kašec (117 dypkow).Hišće raz k třělenju jědnatkow: Lětsa trjechichu aktiwni 366 króć, telko kaž hišće ženje do toho. Dohromady su statistikarjo w Sulšecach nětko 1 139 přetworjenych jědnatkow widźeli. Tysacte wrota poradźichu so Norbertej Grafej z mustwa Dołha garda w předkole přećiwo Pičkam ze suda. Graf dósta za to čestnu medalju.Kónčne zaměstnjenje třělenja jědnatkow:1. Salow2. Spale3. 1. FC Alkohol Sernjany4. Brěžki5. Pički ze suda6. Šmiga Lepperschdorf7. Koćina8. Wildecker Herzbuben9. 1. FC Alkohol Nowoslicy10. Einsteinowy klub Wojerecy11. Konjecy12. N ...

štw., 27. julija 2017

„Žiwy być kaž w kamjentnym času“ – takle bydli skupina stawiznarjow z dalšimi zajimcami, kaž z tutej norwegskej swójbu, tele dny w schleswigsko-holsteinskim Albersdorfje. W live-pospyće chcedźa hač do kónca tydźenja žiwjenske wuměnjenja tehdyšeho časa přeslědźić a sej nazhonjenja wo nim wuměnjeć. Foto: dpa/Markus Scholz

štw., 27. julija 2017

Dobra adresa za prózdninsku zaběru na čerstwym powětře je mnohim domoródnym kaž tež dowolnikam Prawočanski Horbankec wudźerski hat. Tam zetkawaš tuchwilu hosći z nimale wšeje Němskeje a samo z wukraja. Tele dny wudźeše w Prawoćicach mjez druhim tež Hennersdorfec swójba z Chróstawy pola Wopakeje. Jim so najbóle spodoba, zo njetrjebaš tule wudźerski pas abo dowolnosć, štož je předewšěm za dźěći rjenje. Foto: Feliks Haza

štw., 27. julija 2017

Rosćacy wobrot a dźeń a wjace swěrnych kupcow je přeće kóždeho zawoda. Njebjelčanska plahowarnja rancow ma za wuspěch dobry koncept, nic jenož w produkciji, w chlěwach zawoda, ale wosebje tež w rězniskich wobchodach.Dołhe rynki kupcow pola rěznika znaja mnozy jenož hišće z časa NDR, hdyž raz zaso k róčnym časam dobru šunku předawachu abo něšto cyle wosebiteho.

štw., 27. julija 2017

27.7.2017 – 02.8.2017 Budyski filmowy palast: Dunkirk: wšědnje 18:00 (nimo pó) a 20:30 (nimo pó) | pj a so 22:45 | pó 18:15 a 20:30 Ostwind 3 – Aufbruch nach­ Ora: wšědnje 13:45 a 16:15 Valerian – Stadt der tausend Planeten: wšědnje 16:30 (nimo pó) Valerian – Stadt der tausend Planeten w 3 D: wšědnje 19:30 | pj a so 22:30 Ich – Einfach unverbesserlich 3: wšědnje 13:45, 15:45, 20:15 (nimo pó 16:15 a 20:30) | wu a srj 10:00 Ich – Einfach unverbesserlich w 3 D: wšědnje 15:00 a 17:15 (nimo nj) Das Pubertier – Der Film: wšědnje 14:30 a 18:30 | nj, wu a srj 12:30 | srj 10:15 Spider-Man: Homecoming w 3 D: pj, so, nj, wu 19:30 The Boss Baby: so, wu a srj 12:15 |wu 10:15 Bob der Baumeister – Das Mega Team – Der Kinofilm: nj, wu a srj 12:15 André Rieu – Das Maastricht Konzert 2017: nj 16:30 Emoji – Der Film: nj 14:30 Sie nannten ihn Spencer: štw 20:00 Greg’s Tagebuch – Böse Falle: wu 10:15 Kino-ekstra: Victoria – Männer und andere Missgeschicke: pó 17:15 a 20:15 ...

štw., 27. julija 2017

Baršć (SN/MiR). Polěpšić kubłansku runoprawosć a kubłanske šansy z pomocu wědy, dawkow a spěchowanja je hesło kubłanskeho běrowa we wokrjesu Sprjewja-Nysa. Zaměr nalěto wutworjeneho kubłanskeho běrowa je, fachowcow, kotřiž su Łužicu wopušćili, zaso domoj wabić. Zdobom chcedźa tych, kiž we wokrjesu skutkuja, dźeržeć.Dlěšodobny nadawk je zdźěłać digitalny přehlad, móžny katalog wšitkich kubłanskich poskitkow wokrjesa. Zapřijeć chcedźa tam tež tajke, zaběrace so ze serbskej tematiku. „Naša tuchwilna tema je šula. Při tym zwěsćamy, w kotrych kubłanišćach, wosebje zakładnych šulach w nošerstwje wokrjesa, serbšćinu wuwučuja“, rozłožuje sobudźěłaćerka kubłanskeho běrowa Theresa Decker. Hłowne ćežišćo při zdźěłanju kataloga pak serbski aspekt njebudźe. „Zapřijeć chcemy tež Braniborsku technisku uniwersitu Choćebuz-Zły Komorow, byrnjež wona we wokrjesu Sprjewja-Nysa njebyła. Naši wobydlerjo sej pak přiběrajcy tamniše poskitki wortkrywaja.“ ...

nawěšk

SERBSKE NOWINY podpěruja:

fueorg misain karten sorbisch

  • XXII. mjezynarodny folklorny festiwal “Łužica 2017” je nimo. Dopomnjenki a rjane wokomiki pak wostanu. Najlěpje zapopadnješ je w fotografiji. Tole su mjez druhim Bianka Šeferowa, Feliks Haza, Maćij Bulank a Janek Wowčer  za redakciju SERBSKICH NOWIN

nowostki LND