Hromady, z kotrymiž w mnohich gmejnach Łužicy 30. apryla woblubowany nałožk chodojtypalenje pěstuja, su nětko dźeń a wjetše. Andrej Šabl nosy tule w Chrósćicach hałzy na hromadu za pomnikom. W Radworju pak tež lětsa zaso žanu wulku hromadu njedźelu njezměja. Město toho chce tamniše kupowe zjednoćenstwo při haće mjeńšu hromadu zapalić. Foto: SN/Maćij Bulank

To njeje jenož nadawk Serbow, kritizuja w Budyskej měšćanskej radźe

Budyšin (CK/SN). Škitać a spěchować serbskosć w Budyšinje njemóže jeničce nadawk dźěłoweho kruha za serbske naležnosće być. Tole rjekny wčera jeho rěčnica dr. Susanne Hozyna (CDU) na posedźenju měšćanskeje rady.

dale čitać…
štw., 27. apryla 2017

Budyske wuměłstwowe towarstwo je 10. měrca nowe předsydstwo wuzwoliło. Na čole kulturneho cyłka, kotrehož tradicija wjace hač sto lět wróćo saha a kotrehož znowozałoženje bě 1990 Budyski wuměłc a předsyda Horst Weiße iniciěrował, steji nětko architekt Gisbert Dahmen-Wassenberg z regiona Nieder­rhein. Nětko rozłoži wón swoje předstawy za přichod towarstwa zjawnosći.Budyšin (SN/CoR). W přeprošenju na nowinarsku konferencu bě hižo rěč wo nowym zazběhu w towarstwje. A čerstwy wětřik bě woprawdźe pytnyć na předstajenju, kotremuž so prěnje posedźenje noweho předsydstwa přizamkny. Hižo městnosć zarjadowanja – pawiljon w Parku Marianny Britze – bě wosebita. „Mi na tym zaleži, zo přichodnje jenož w galeriji wuměłstwoweho towarstwa zarjadowanja njepřewjedźemy, ale tež dalše zajimawe městna we a wokoło Budyšina do kulturneho žiwjenja zapřijmjemy“, praji Dahmen-Wassenberg, kiž bydli wot lěta 2013 w Delnjej Hórce. Wot julija chce wón tež předsydstwo Buyskeho Rotaryjoweho kluba na lěto přewzać. ...

štw., 27. apryla 2017

Slědowace sportowe zjednoćenstwa su so za hrajnu dobu 2017/2018 w regionalnej lize, sewjerowuchod požadali a přizjewjenske formulary wotedali:FC Energija Choćebuz FSV Budissa Budyšin SV LichtenbergBerlinski AK 07 ZFC Meuselwitz Tennis Borussia BerlinFSV Wacker NordhausenFSV Luckenwalde F.C. Hertha 03 ZehlendorfBFC Dynamo FSV Union Fürstenwalde FSV Optik RathenowFC Hornja Łužica Neugersdorf 1. FC Lokomotiwa Lipsk VSG AltglienickeSV Babelsberg 03 Kamjeničanski FC VfB Germania HalberstadtFC Carl Zeiss Jena FC Čerwjeno-běli Erfurt FC International LipskTSG Neustrelitz Halleski FC Biskopičanske KTVfB Auerbach1. FC Magdeburg BSG Chemija LipskHertha BSC FSV Zwickau SV MerseburgFC Viktoria Berlin   

štw., 27. apryla 2017

Washington (dpa/K/SN). USA maja wotmysł, na Sewjernu Koreju powjetšić diplomatiski a hospodarski ćišć. Tak chce prezident Donald Trump Pyongyang k tomu nuzować, zo swoje atomowe a balistiske rakety wottwari. Čłonojo knježerstwa USA namołwichu swojeje zamołwitosće sej wědome staty, sobu kročić po diplomatiskim puću a komunistiske nawodnistwo Sewjerneje Koreje pohnuć k deeskalaciji a dialogej.Šulerjo budu wojersce kubłaniWaršawa (dpa/K/SN). Pólska chce přichodnje šulerjow wojersce wukubłać. Wiceminister­ za zakitowanje Michał Dworczyk rjekny, w kóždym z 300 wo­k­rjesow nastanje poněčim znajmjeńša jedna wojerska šula. Hižo w septembru chcedźa na 50 šulach wotpowědny pilotowy projekt wupruwować. Młodostni změja wob tydźeń dwě hodźinje teoretiskeje wučby a k tomu trening na wojerskich zwučowanišćach. Hižo nětko wuknu wyši šulerjo z brónju wobchadźeć.Zasah policije přećiwo policiji

štw., 27. apryla 2017

„Módra kwětka a krajina Łužicy“ rěka wustajeńca z rysowankami a wobrazami prof. Wolframa Hänscha z Mišna. Twórby wjelelětneho wučerja Drježdźanskeje Wysokeje šule za tworjace wuměłstwo su hač dosrjedź awgusta w geriatriskej chorowni Wojerowskeje­ jězorinoweje kliniki widźeć. Prof. Hänsch bě w 1980tych lětach mjez Róžantom a Kulowom po puću, hdźež je najwšelakoriše wjesne napohlady a swjate­ křiže rysował. Nimo toho su tež dalše jeho twórby widźeć, kotrež rozłožuje wuměłc tule­ Mariannje Engelmann. Foto: Katrin Demczenko

štw., 27. apryla 2017

Wjelcej (JoS/SN). Šesty raz mějachu šulerjo z Łužicy přiležnosć, wo swójskim powołanskim přichodźe na wikach, lětsa we Wjelceji so wobšěrnje informować. We wopytowarskim centrumje exkursio předstaji jim wčera 76 poskićerjow, mjez druhim tež fachowe a wysoke šule z Braniborskeje a Sakskeje, wukubłanske a studijne móžnosće. To bě prawdźepodobnje pokładnišćo pozdźišeho powołanskeho wuwića. Krajny rada wokrjesa Sprjewja-Nysa Harald Altekrüger (CDU) rjekny na zahajenju powołanskich wikow: „Dźensniši šulerjo su fachowcy přichoda. Při telko wukubłanskich a powołanskich móžnosćach, kotrež tule rozłožeja, so wudani wo tym rozmyslować, zo wostanješ w domiznje. Kóždy móže sej tu perspektiwy přichoda wotkryć.“ Poskitk tež mnozy młodostni wužiwachu­. Někotre šule běchu swojich šulerjow zaměrnje na powołanske wiki přihotowali.

štw., 27. apryla 2017

Wot jutřišeho do njedźele wotměje so hłownje we wulkej hali na Budyskim Třělnišću konferenca Momentum. Zarjadowanje organizuje Budyska swobodna křesćanska wosada Jozuwy. Měrćin Weclich je so z koordinatorom, młodym fararjom Clemensom Mudrichom, rozmołwjał.Što je zaměr konferency?C. Mudrich: Momentum (prawy čas) je konferenca 13 wšelakich křesćanskich wosadow a młodźinskich zhromadźenstwow, a to z cyłeje Łužicy. Chcemy hrjebje mjez cyrkwjemi a wosadami přewinyć, so bóle zaznać a zwjazać.Kelko wobdźělnikow wočakujeće?C. Mudrich: Liču z něhdźe tysac ludźimi. Moje wulke přeće je, zo přińdu tež zajimcy na přikład ze serbskich katolskich wosadow a z nami zhromadnje swjeća. Witany je kóždy, hač křesćan abo njekřesćan, Němc abo Serb, wězo tež ćěkanc. Čim pisaniša zhromadnosć je, ćim lěpje. Chcemy mosty twarić – cyle bjez ćišća.Jedyn z wjerškow Momentuma budźe sobotu, 29. apryla, wot 15 do 18 hodź. měšćanska akcija. Što tam na nas čaka? ...

štw., 27. apryla 2017

27.4.2017–3.5.2017 Budyski filmowy palast: Guardians of the Galaxy w 3 D: wšědnje 14:30 (nimo štw a srj), 16:30 a 19:45 | pj, so a nj 22:30 Fast & Furios: wšědnje 17:00 a 20:00 | pj, so a nj 22:30 Abgang mit Stil: štw, nj, wu a srj 19:45 | pj, so a pó 20:00 Conni & Co 2 – Das Geheimnis des T-Rex: wšědnje 15:00 (nimo štw a srj) a 17:15 | nj a pó 12:30 Ghost in the Shell: pj, so a nj 22:45 Fifty Shades of Grey: pj, so a nj 22:15 Die Schlümpfe: wšědnje 14:30 (nimo štw a srj) Die Schlümpfe w 3 D: nj a pó 12:30 The Boss Baby: wšědnje 14:30 (nimo štw a srj) | štw, nj a srj 17:00 The Boss Baby w 3 D: nj a pó 12:30 Die Schöne und das Biest: nj a pó 12:30 | pj, so a wu 17:00 Die Schöne und das Biest w 3 D: wšědnje 19:30 (nimo pó)Kino-ekstra: Jackie: pó 17:15 a 20:15Wojerowski CineMotion: Guardians of the Galaxy w 3 D: wšědnje 14:40, 17:25 a 20:15 | pj, so a nj 22:15 Guardians of the Galaxy: wšědnje 19:50 | pj, so a nj 22:35 A United Kingdom: srj 17:15 Abgang mit Stil: wšědnje 18:10 a 20 ...

štw., 27. apryla 2017

Wo serbskich a Serbow nastupacych temach diskutować je hesło zarjadowanja w Choćebuskim Serbskim internaće. Rěčny centrum WITAJ a Domowina debatu nětko wozrodźitej.Choćebuz (SN/MiR). Nawoda Choćebuskeho Rěčneho centruma WITAJ dr. Viktor Zakar chce nawjazać na skutkowanje swojeho předchadnika Měta Nowaka. Tón bě swój čas zawjedł diskusijne wječorki na palace temy wo serbskej rěči. Z jeho wotchadom so tele debaty pominychu. Nětko chce RCW w kooperaciji z Domowinu, kotraž sej wobstajne dalewjedźenje rěčneje debaty přeje, wuspěšne zarjadowanje wozrodźić. „Mějachmy wjacore naprašowanja wučerjow a staršich kaž tež ludźi, kotřiž na politiskej runinje skutkuja. To bě nam dopokaz, zo wobsteji zajim za tajke temy, a je přičiny dosć, so znowa na přednoški a do diskusije podać“, dr. Zakar rozłožuje.

štw., 27. apryla 2017

Budyšin (SN/MkWj). Społnomócnjeny Słowakskeje za narodne mjeńšiny kraja dr. László Bukovszky je po puću do Ber­lina k swojemu němskemu koleze dr. Hartmutej Koschykej w Budyšinje pozastał, zo by so z Łužiskimi Serbami ze­znajomił. W Serbskim muzeju rozłoži jemu nawodnica Christina Boguszowa stawizny a wosebitosće Serbow. Přizamkny so rozmołwa z předsydu Domowiny Dawidom­ Statnikom, z městopředsydu Federalistiskeje unije europskich narodnych mjeńšin Bjarnatom Cyžom a z jednaćelom Domowiny Markom Kowarjom.Słowakski hósć je w swojej domiznje zamołwity za 13 narodnych mjeńšin, kotrež­ bědźa so z přiběracej asimilaciju. Nimo toho maja dźewjeć mjeńšinowych rěčow, kotrež su we wobłuku Europskeje charty za škit mjeńšin připóznate. Swoje zajimy zastupuja mjeńšiny w Słowakskej w přiradźe, z kotrejž swoje žadanja a wočakowanja słowakskemu knježerstwu posrědkuja.

nawěšk