Přećeljo Smolerjec kniharnje na literarnej turje w Chasowje a Radworju

Chasow/Radwor (SN/CoR). Na slědy prěnjeje serbskeje wučerki a spisowaćelki Marje Kubašec (1890–1976) podachu so minjeny pjatk přećeljo Smolerjec kniharnje. Lětna wuprawa towarstwa – tak mjenowany Smolerjowy dźeń – wjedźeše něhdźe 25 ludźi najprjedy do ródneho domu Marje Kubašec w Chasowje. Přijomne wjedro je mnohich wabiło, literarnu turu, kotraž wjedźeše dale na Radworski kěrchow, na kolesu absolwować.