Partnerow sej namakać poručenje

wutora, 24. nowembera 2015
artikl hódnoćić
(0 )

Demokratija nošna tema wčerawšeho fachoweho dnja była

Smochćicy (SN/MiR). Demokratija nětko! Demokratija je žiwa! abo Demokratiju wuwiwać! su namołwy, kotrež su tuchwilu často w zjawnym žiwjenju słyšeć, a to po cyłej Němskej. Politiska a towaršnostna situacija, měrjaca so na połoženje ćěkancow a požadarjow azyla po cyłym kraju, wužaduje. Mnohim ludźom je wažne, so za nich angažować a tak w demokratiskim zmysle jednać. Z rosćacej ličbu schow w Němskej pytacych pak přiběra tež trěbnosć pomocnikow a partnerow. Při tym maja so tajcy na wšitkich runinach namakać, předewšěm tež na komunalnej. Wot spočatka tohole lěta zwoprawdźa Budyski wokrjes, natwarjejo na wjelelětne dźěło lokalneho akciskeho plana, projekt „Partnerstwa za demokratiju“. Tón zarjaduje so do zwjazkoweho programa, kotryž spěchuje angažement za demokratiju a mnohotnosć pod hesłom „Demokratiju praktikować“. Do tohole konteksta zarjaduje so tež wčerawši fachowy dźeń w Smochčanskim Domje biskopa Bena „Demokratija trjeba pohib!“.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND