Na mjeztym 24. politisku popjelnu srjedu sakskeje CDU je wčera zaso wjele ludźi, mjez nimi tójšto Serbow, do Budyšina přichwatało. Hłowny rěčnik bě frakciski šef CDU w Sakskim krajnym sejmje Frank Kupfer.
Budyšin (SN/MkWj). Kupfer žněješe hnydom na spočatku swojeje narěče spontany přiklesk, jako wobdźělnikow w hali na Třělnišću serbsce postrowi. Frakciski šef rozprawješe na to wo swojim njedawnym zetkanju z předsydu Domowiny Dawidom Statnikom a dźakowaše so wšitkim, kotřiž su na někajke wašnje k dalšemu zawěsćenju financowanja Załožby za serbski lud přinošowali.