Nowa wustajeńca
Budyšin. „Zetkanja, kotrež jimaja“ rěka pućowanska wustajeńca, kotraž je wot dźensnišeho w Budyskej tachantskej cyrkwi widźeć. W njej wobswětluje so Via sacra w třikrajowym róžku NěmskaPólska-Čěska. Přehladka wostanje hač do 3. awgusta w Božim domje přistupna. Wopytowar zhoni w njej mjez druhim zajimawostki wo sławnymaj Žitawskimaj póstnymaj rubomaj.
Do kina pohladnyć
Wojerecy. Na dźeń wotewrjenych duri přeproša Wojerowske kino CineMotion jutře, štwórtk, wot 12 hodź. Po tym zo su dom minjene tydźenje wobšěrnje ponowili a přetwarili, chcedźa jón zajimcam nětko předstajić. Jutře płaća wšitke zastupne lisćiki za dorosćenych šěsć eurow, za dźěći pjeć eurow, ewentualnje z přiražku za 3D-filmy.
Na kupje pozastać
Radwor. Na swojim jutřišim wulěće móhli mužojo, ale tež cyłe swójby při Radworskim kupowym haće pozastać. Tam zaklinči live-hudźba z Arekom Frogom a Elinu Sinisalo. Nimo toho poskića na kupje swoju tradicionalnu hrochowu poliwku, molowanski róžk za dźěći, šminkowanje a samopječeny tykanc.
Pokazaja film
