Prěnje domjace dobyće sezony

štwórtk, 29. septembera 2016
artikl hódnoćić
(0 )

ST Marijina hwězda

– Arnsdorfske KT 2:0 (0:0)

Zestawa domjacych: O. Schmidt – Wróbl, Łušćanski, Jurš, Lipič, P. Schmidt, Bělk (66. Škoda), O. Hawš, Smoła, Winkler, Pesch­mann

Na šestym hrajnym dnju wokrjesneje ligi běchu koparjo z Arnsdorfa do Pančic přijěli. Trenar domjacych Tobias Škoda dyrbješe mustwo trochu přestajić, dokelž běchu někotři hrajerjo wupadnyli. Wosebje pak chcychu woni před swójskim publikumom skónčnje prěnje dobyće žnjeć. Wobaj cyłkaj nerwoznje započeštej, bórze pak hosćićel režiju přewza. Prěni naspomnjenjahódny nadběh zapisachmy sej w 24. min. Přez staciji Matijas Łušćanski a Stanij Smoła dósta so bul ke Křesćanej Bělkej, kiž trjechi z kónčkojteho kuta jenož wonkowny sak. Najebać dobre móžnosće přez Smołu (30.), Bělka (35.), Paula Schmidta (36.) a Falka Peschmanna (41.) pak hač do přestawki žane wrota njepadnychu. Znowa pokazachu so słabosće při zakónčenju nadběhow.

wozjewjene w: Sport
Prošu přizjewće so, chceće-li komentar podać

Serbska debata

nowostki LND