„Z biatlonoweho ćaha skočić je chětro ćežko“

wutora, 14. februara 2017
artikl hódnoćić
(0 )
Čěska biatletka Gabriela Koukalová (nalěwo) kaž tež dalše sportowče a sportowcy čěskeje biatlonoweje reprezentacije su za medije  susodneho kraja woblubowani interviewowi partnerojo. Z Koukalovej rozmołwja so tule David Nyč (naprawo) wot Čěskeho rozhłosa. Foto: Jan Hrjehor Čěska biatletka Gabriela Koukalová (nalěwo) kaž tež dalše sportowče a sportowcy čěskeje biatlonoweje reprezentacije su za medije susodneho kraja woblubowani interviewowi partnerojo. Z Koukalovej rozmołwja so tule David Nyč (naprawo) wot Čěskeho rozhłosa. Foto: Jan Hrjehor

W awstriskim Hochfilzenu wotměwaja so tuchwilu swětowe mišterstwa w bia­tlonje. Z cyłeho swěta přebywaja tam žurnalisća, zo bychu wo wubědźowanjach najwoblubowanišeje zymskeje sportoweje družiny rozprawjeli. Mjez wjacorymi stami ludźi, kotřiž wšědnje wo biatlonje rozprawjeja, je tež čěski žurnalist Petr Slavík­. Za Serbske Nowiny je so z nim Jan Hrjehor rozmołwjał.

Móžeće so čitarjam Serbskich Nowin prošu skrótka předstajić? Štó sće, što dźěłaće ...?

P. Slavík: Pochadźam z Uherskeho Hradiště, města we wuchodnym dźělu Čěskeje republiki. Třeću sezonu dźěłam jako teamowy fotograf čěskeho narodneho biatlonoweho mustwa. Připódla sym specializowany za jězdźenje z hórskimi kolesami a dyrdomdeje w přirodźe.

Biatlonowa sezona BMW IBU započina so w nowembrje a kónči so w měrcu. Sće Wy cyły čas po puću, abo maće tež raz přestawku doma?

P. Slavík: Sezona je do tak mjenowaneho trisemestra rozrjadowana. To rěka, zo sym tři tydźenje za sobu na swětowych cupach, potajkim tři njedźele z mustwom w hotelach a stadionach a jednu njedźelu doma. To mam chwile so wočerstwić (směje so).

wozjewjene w: Sport

Galerija

dalši wobraz (1) Petr Slavik, naš interviewowy partner Foto: Petr Slavík
Prošu přizjewće so, chceće-li komentar podać

Serbska debata

nowostki LND