Kedźbyhódny wukon pokazała poručenje

pjatk, 24. měrca 2017
artikl hódnoćić
(0 )
Cyle nowy kruch „Raketa“ je elewka činohrajneho studija Budyskeho NSLDź Anna Zacharijasojc wčera prěni raz dźiwadłowemu publikumej předstajiła. Delnjoserbowce bě to wosebite wužadanje, wšako njehraje jenož w hornjoserbskej rěči, ale sama we wjacorych rólach.  Foto: Mirosław Nowotny Cyle nowy kruch „Raketa“ je elewka činohrajneho studija Budyskeho NSLDź Anna Zacharijasojc wčera prěni raz dźiwadłowemu publikumej předstajiła. Delnjoserbowce bě to wosebite wužadanje, wšako njehraje jenož w hornjoserbskej rěči, ale sama we wjacorych rólach. Foto: Mirosław Nowotny

Premjera hry „Raketa“ z elewku Annu Zacharijasojc

Budyšin (MěCu/SN). Po maćiznje aktualnu a cyle nowu hru je premjerny publikum wčera wječor w derje pjelnjenej žurli Budyskeho Dźiwadła na hrodźe dožiwił. Hakle tydźenja měješe hra „Raketa“ w Durinskim Krajnym dźiwadle Rudolstadt swoju němsku prapremjeru. W Nižozemskej rodźeny awtor Enver Husičić předstaji w njej dóńt młodostneju Mir­thy a Saifa.

W srjedźišću steji tema ćěkańca. Saif je zhromadnje z maćerju ze swojeho kraja wójny dla ćeknył. Na šuli w Němskej ze­zna wón holcu Mirthe. Tež wona dyrbješe z maćerju ćeknyć: do škitneho domu za žony, dokelž njejstej doma namóc a surowosće nana hižo wudźeržałoj. Mir­the a Saif pytataj za sebje škit a měr. Kaž błysk překwapi wobeju lubosć, kotraž jimaj nadźiju do zhromadneho a lěpšeho žiwjenja da. Tola Saif dyrbi nowu domiznu znowa wopušćić, štož jeho dospołnje porazy a puć do přichoda znjemóžni.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND