Wjedro nałožkomaj tyło

pjatk, 21. apryla 2017
artikl hódnoćić
(1 )
Nałožk, kotryž su w Slepom w lěće 1956 posledni raz hajili, su kantorki Gertrud Hermašowa, Petra Nakońcowa, Marja Henčelowa, čłonki towarstwa „Kólesko“ Elvira Rathnerowa, Juliana Kaulfürstowa a Caroline Markowski kaž tež konfirmandki Rebecca Rathnerec, Johanna Klauke a Leonie Wendel jutry wožiwili: Zetkachu so na spěwnych ławkach před cyrkwju a wozjewjachu spěwajo jutrowne poselstwo.  Foto: Joachim Rjela Nałožk, kotryž su w Slepom w lěće 1956 posledni raz hajili, su kantorki Gertrud Hermašowa, Petra Nakońcowa, Marja Henčelowa, čłonki towarstwa „Kólesko“ Elvira Rathnerowa, Juliana Kaulfürstowa a Caroline Markowski kaž tež konfirmandki Rebecca Rathnerec, Johanna Klauke a Leonie Wendel jutry wožiwili: Zetkachu so na spěwnych ławkach před cyrkwju a wozjewjachu spěwajo jutrowne poselstwo. Foto: Joachim Rjela

Na mnohich městnach kuzło łužiskich jutrow sylnje skutkowało

Jutry 2017 su nimo a z wotběhom su zawěsće wšitcy spokojom. Přede­wšem 1 564 křižerjow serbskich a dwurěčnych procesionow kaž tež dalši­ jutrowni jěcharjo we Wóstrowcu a Cerkwicy bě zwjeselene. Jónu,­ zo je wšitko bjez wjetšich njezbožow wotběžało, a zdobom, zo bě wjedro lětsa – hač na mjeńše wuwzaća – jara dobre. A to byrnjež wjedrarjo něšto­ cyle hinaše wěšćili. Tule je kuzło łužiskich jutrow sylnje skutkowało a dobremu poradźenju přinošowało.

Skutkowało je tež wozjewjenje poselstwa wo zrowastanjenju Chrystusa přez křižerjow na konjach na přichwatanych hosći. Wopytowar z Plessy pola Elsterwerdy, kotryž wobdźiwaše křižerjow ze swojej pře­ćelku lětsa prěni króć, rjekny, zo běchu tole za njeho najrjeńše jutry, kotrež­ bě hdy dožiwił. Runje tak skutkowaše po wšěm zdaću kuzło łužiskich­ jutrow na Drježdźansko-Mišnjanskeho biskopa Heinricha Timmereversa,­ kotryž dožiwi křižerjow w Radworju a Budyšinje. Chětro emocionalnje dźakowaše so wón serbskim mužam za spjelnjenje nadawka­ na wutornej dźaknej Boži mši w Róžeńće.

wozjewjene w: Předźenak

Galerija

dalši wobraz (1) K slěbornemu jubilejej měješe Budyski procesion nowosć: Prěni raz bě z nowačkom Robertom Maćijom a Stefanom Cušku (wotlěwa) ewangelski porik mjez křižerjemi z města. Foto: Feliks Haza
dalši wobraz (2) Na Pawlikec statoku we Wuježku pod Čornobohom swjećeše wjace hač 40 wěriwych ze wšeje ewangelskeje serbskeje Horneje Łužicy jutrowničku rano tradicionalnu jutrownu nutrnosć. Foto: Robert Lorenc
dalši wobraz (3) Z klóštrom Marijinej hwězdu w pozadku bliža so křižerjo z Pančic-Kukowa k Starej Cyhelnicy. W słóncu witachu jich pola a hona do směra na Chrósćicy z čerstwej zelenju. SN/Maćij Bulank (3)
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

  • Lětuši 12. mjezynarodny folklorny festwial "Łužica 2017" je zahajeny. Wčera so skupiny we wobłuku swjedźenskeho ćaha po Budyšinje kaž tež na zahajenskim programje předtsajichu. Tule namakaće někotre impresije wo zahajenju festiwala. Fota: SN/Maćij Bu