Němsko-serbski wječork

Budyšin. K zazběhej „lětušeje swjećenskeje sezony“ wotměje so jutře, 29. apryla, wot 21. 30 hodź. w Budyskim Kamjentnym domje festiwal piwa, a to pod hesłom „Lit the house with Serbska murja“. W běhu wječora zahraja BoundlessBass mjez druhim deephouse-hudźbu, serbska projektna skupina serbsku rejwansku hudźbu a DJ Sounddude house a bubstep. Zarjadowanje je „P16“. Štóž pak je pod 18 lětami a chce hač do kónca wostać, dyrbi pisomnu dowolnosć maćerje abo nana předpołožić. Zastup płaći wot 21.30 hodź. pjeć, wot 23 hodź. sydom eurow.

Proba oratorija „Serbske jutry“

Chrósćicy. Chóry, kotrež oratorij „Serbske jutry“ sobu spěwaja, su jutře, sobotu, wot 14.30 do 18.30 hodź. na přichodnu probu do Chróšćanskeje „Jednoty“ přeprošene. Njech po móžnosći wšitcy hač do kónca na zwučowanju wostanu. Předstajeni oratorija budźetej sobotu, 6. meje, w 15.30 hodź. w Drježdźanskej Dwórskej cyrkwi a dźeń po tym, 7. meje, we 18 hodź. w Budyskej cyrkwi swjateho Pětra. Připosłucharjo móža tam něhdźe 150 sobuskutkowacych dožiwić. Cyłkowny hudźbny nawod ma dirigent Friedemann Böhme.

Witaj-dźěći rejuja