Njewočakowany jasny rozsud

póndźela, 22. meje 2017
artikl hódnoćić
(0 )
Před hrodom Bánffy w rumunskej wsy Banchida blisko Cluja-Napoci je Federalistiska unija narodnych mjeńšin minjeny pjatk podpismowu akciju za iniciatiwu Minority SafePack (MSPI) oficialnje zahajiła. Na wulkej tafli, pokazowacej Europu, je ně hdźe 400 zastupjerjow mjeńšin symbolisce podpisało. W běhu jednoho lěta chcedźa zamołwići MSPI milion podpismow nazběrać, zo móhli iniciatiwu, zmóžnjacu wjace prawow mjeńšinam w Europskej uniji, prawnisce přetłóčić. Foto: Bianka Šeferowa Před hrodom Bánffy w rumunskej wsy Banchida blisko Cluja-Napoci je Federalistiska unija narodnych mjeńšin minjeny pjatk podpismowu akciju za iniciatiwu Minority SafePack (MSPI) oficialnje zahajiła. Na wulkej tafli, pokazowacej Europu, je ně hdźe 400 zastupjerjow mjeńšin symbolisce podpisało. W běhu jednoho lěta chcedźa zamołwići MSPI milion podpismow nazběrać, zo móhli iniciatiwu, zmóžnjacu wjace prawow mjeńšinam w Europskej uniji, prawnisce přetłóčić. Foto: Bianka Šeferowa

Na kongresu namjetaj za europeadu 2020 předstajili

Cluj-Napoca (SN/BŠe). Koparska europeada 2020 wotměje so pola Korutanskich Słowjencow. Wo tym su sobotu delegaća­ na 62. kongresu Federalistiskeje unije europskich narodnych mjeńšin (FUEN) w rumunskim Cluju-Napoce rozsudźili. Prěni raz mějachu zamołwići wo dwěmaj namjetomaj wothłosować. Tak běchu so štyri mjeńšiny při němsko-danskej mjezy zjednoćili a z wulkim nałoženjom zhromadnu prezentaciju zdźěłali. Tež Korutanscy Słowjency běchu dwě lěće koncepciju za europedu 2020 wuwili. Emocionalna narěč Marka Loibneggera, film a kampanja pod hesłom „Zhromadnje jónkrótni“ běchu delegatow skónčnje přeswědčili. 136 ze 179 pósłancow narodnych mjeńšin so rozsudźi přewjesć europeadu w Korutanskej, 36 hłosowaše za koncepciju mjezy přesahowaceho sportoweho podawka, sedmjo so hłosa wzdachu. Zo bě rozsud přiwšěm tajki jasny, njebě nichtó wočakował. To je signal awstriskemu knježerstwu, wšako njemóže mjeńšina swoju rěč w zjawnosći tak wužiwać, kaž mamy my Serbja to za samozrozumliwe.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND