Zeleni program schwalili – CSU jón kritizuje

póndźela, 19. junija 2017
artikl hódnoćić
(0 )

Berlin (dpa/SN). Zeleni su swój program za wólby zwjazkoweho sejma schwalili. W nim žadaja sej kónc zmilinjenja bru­nicy hač do lěta 2030. Wot samsneho lěta njesměli so hižo žane nowe awta z dieselowym a bencinowym motorom na dróhach Němskeje přizjewić. Homoseksualnym mužam a žonam měło so man­dźelstwo zmóžnić.

Nimale wšitcy z 800 delegatow w Berlinje su wčera programej pod hesłom „Přichod nastanje ze zmužitosće“ přihłosowali. „Za nas słušeja sprawnosć, ekologija, swoboda a wotewrjenosć swětej napřećo hromadźe“, rjekny Cem Özdemir, kiž stronu zhromadnje z Katrin Göring-Eckardt do wólbneho boja powjedźe. Do schwalenja programa wšak bě k zdźěla kontrowersnym debatam dóšło. Delegatam předležeše 2 200 próstwow wo změny.

wozjewjene w: Politika
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

  • Lětuši 12. mjezynarodny folklorny festwial "Łužica 2017" je zahajeny. Wčera so skupiny we wobłuku swjedźenskeho ćaha po Budyšinje kaž tež na zahajenskim programje předtsajichu. Tule namakaće někotre impresije wo zahajenju festiwala. Fota: SN/Maćij Bu