Mjez krajom a morjom – młody Budyšan dźěła jako kapitan na ...

pjatk, 14. julija 2017
artikl hódnoćić
(0 )
Jako kapitan je Christian Sichla na Sewjernym, Baltiskim a Srjedźnym morju po puću. Doma w Budyšinje wón rady stare awta restawruje.  Foto: Carmen Schumann Jako kapitan je Christian Sichla na Sewjernym, Baltiskim a Srjedźnym morju po puću. Doma w Budyšinje wón rady stare awta restawruje. Foto: Carmen Schumann

Najskerje wjele hólcow wo tym soni, stać so z kapitanom na wulkej łódźi. Młody muž z Budyšina je sej tónle són spjelnił a je nětko na swětowych morjach po puću.

Ze swojimi 31 lětami je Christian Sichla jedyn z najmłódšich kapitanow Němskeje. Dwaj metraj wulkeho muža pak njesměš sej w šikwanej uniformje z běłej čapku předstajić. Młody Budyšan ma při dźěle cyle normalnu wšědnu drastu woblečenu, přetož wón je šef na nakładnej łódźi­ a so wězo tež sam sobu gratu přimu, je-li trjeba. Jemu při wšědnym dźěle přihladować sy před něšto časom móhł w reportaži telewizijneho sćelaka DMAX. „Mužojo morja“ wona rěkaše a je hišće we widejotece sćelaka widźeć.

Kak pak stanje so młody muž z Budyšina z namórnikom? Kaž Christian Sichla powěda, měješe to dwě přičinje. Jako bě na Budyskej Serbskej srjedźnej šuli na zakónčace ertne pruwowanje čakał, wuhlada wón informaciske łopjeno „Puć ke kapitanej“, a tykny sej je do zaka. Nimo toho­ bě tež jeho pólski dźěd, kiž blisko Gdańska bydli, namórnik.

wozjewjene w: Předźenak
Prošu přizjewće so, chceće-li komentar podać

Serbska debata

nowostki LND