Atrakcija domoródnym kaž tež turistam

pjatk, 14. julija 2017
artikl hódnoćić
(0 )
Na čole parady jěchaja jězdni z regimentskej chorhoju. Jaskrawe uniformy swědča wosebje derje wo tym, kak drohotne su uniformy něhdy byli a kajki zajim wone dźensa mjez turistami zbudźeja. Jan Kral Na čole parady jěchaja jězdni z regimentskej chorhoju. Jaskrawe uniformy swědča wosebje derje wo tym, kak drohotne su uniformy něhdy byli a kajki zajim wone dźensa mjez turistami zbudźeja. Jan Kral

Paradu Krabatoweho regimenta w chorwatskej stolicy Zagrebje dožiwić móhli

Štóž je hižo raz w dowolu při chorwatskej Adriji był, znaje snano tež někotre markantne a turistisce wuznamne městnosće trochu wot krasneho při­brjo­ha zdalene. A tón abo tamny bě snano tež hižo w Zagrebje. Stolica Chorwatskeje skići nimo historiskich twarjenjow kaž tež muzejow tójšto zajimaweho, štož njeje přeco přistupne a štož tež kóždy njedožiwi. Za někotružkuli atrakciju znateho města dyrbiš tež něšto wo stawiznach kraja wědźeć abo tradicije měšćanskich towarstwow znać.

Na wuprawje Krabatoweho towarstwa lětsa w meji do słowjenskeho městačka Metlika mějachu někotři čłonojo delegacije wulke zbožo, směć tež w Zagrebje přebywać. Tam wotmě so składnostnje 350. róčnicy załoženja chorwatskeho jěchanskeho regimenta Krawatow swjedźenska parada tradiciskeho towarstwa. Z tajkeho abo snano runje z tohole regimenta w Zagrebje je pječa wušoł nam wšěm znaty Krabat alias Janko Šajatović alias Jan Šadowic.

wozjewjene w: Předźenak

Galerija

dalši wobraz (1) Po paradźe regiment zaso wotćehnje. Rozkazowar (naprawo) nimale jako posledni naměsto wopušći.
dalši wobraz (2) Wojakej přez ramjo hladajo widźiš eksaktnosć wuwjedźenych přikazow.
Prošu přizjewće so, chceće-li komentar podać

Serbska debata

nowostki LND