Serbskej přehladce w Podstupimje

srjeda, 28. junija 2017 spisane wot:
W Braniborskim krajnym sejmje je wčera wječor frakcija Lěwicy zhromadnje z Choćebuskej Serbskej kulturnej informaciju Lodku na chódbje frakcije dwójnu wustajeńcu wotewrěła. Wobě přehladce wěnujetej so wšědnemu dnjej Serbow w Braniborskej. Nimo wustajeńcy „Serbski dom“ pokazuja w dalšej twórby delnjołužiskich wuměłcow wo žiwjenju Serbow w swojim namrětym sydlenskim rumje. Nimo předsydy Domowiny Dawida Statnika porěčeštej k wotewrjenju mjez druhim tež mjeńšinowopolitiska rěčnica braniborskeje Lěwicy Anke Schwarzenberg a nawodnica Lodki Milena Stockowa (wotlěwa). Foto: Jan Langehein

Berlin (dpa/K/SN). Turkowska tajna słužba hromadźi tuchwilu w zesylnjenej měrje informacije wo němskich politikarjach. We wóčku ma po zwěsćenju nowiny Welt wjacorych ekspertow zwjazkoweho sejma za nutřkownu, wonkownu a zakitowansku politiku. Zwjazkowy kriminalny zarjad je z někotrymi zapósłancami tohodla tak mjenowane wěstotne rozmołwy wjedł. Zwjazkowe statne rěčnistwo nětko w naležnosći ze swojeje strony přepytuje.

Dalši cyberowy nadpad

Berlin (dpa/K/SN). Šěsć njedźel po globalnej atace wudrěwanskeho trojanera „WannaCry“ lemi dalši cyberowy nadpad předewzaća a zarjady. Po­trjechene su mjez druhimi cyrobiznowy hober Mondelez („Milka“), ruski naftowy koncern Rusneft, danska łódźnica Maersk a wulkoreklamownja WPP. Ruska firma za IT-wěstotu Kaspersky je wčera něhdźe 2 000 atakow registrowała, zwjetša w Ruskej a Ukrainje, ale tež w Němskej, Pólskej,­ Italskej, USA a druhdźe.

Etat 2018 schwaleny

Policisća su dźensa konferencnišćo wjerška G 20 w Hamburgu z kałatym grotom zaraćili, kaž tule při dwórnišću Stern­schanze w susodstwje Hamburgskich wikow wosrjedź města. Tam ma so 7. a 8. julija wjeršk wotměć. Wobydlerjam wokoliny su w tym zwisku razne naprawy napołožili. Přećiwnicy připowědźeja protestne akcije. Foto: dpa/Bodo Marks

W koalicijihrozy konfrontacija

srjeda, 28. junija 2017 spisane wot:

Berlin (dpa/SN). Zwjazkowy sejm prawdźepodobnje hižo zajutřišim, pjatk, wo mandźelstwje za wšitkich rozsudźi, přećiwo woli CDU/CSU. SPD, Lěwica a Zeleni su dźensa w prawniskim wuběrku zwjazkoweho sejma ze swojimi hłosami přesadźili, zo tema krótkodobnje na dnjowy porjad parlamenta přińdźe, kaž čłonojo wuběrka zdźělichu. Tajki čerwjeno-čerwjeno-zeleny wotum je kedźbyhódny podawk, dokelž je zdobom wotewrjena konfrontacija mjez SPD a CDU/CSU. Unija bě so přećiwo tajkemu wothłosowanju hišće do wólbow zwjazkoweho sejma wuprajiła. Zwjazkowa kanclerka Angela Merkel (CDU) bě póndźelu swoje dotalne jasne „ně“ k mandźelstwu homoseksualnych złahodniła a tak chcyjo nochcyjo debatu wo tym nastorčiła.

Gabriel třeći raz w Ruskej

srjeda, 28. junija 2017 spisane wot:

Krasnodar (dpa/K/SN). Němski wonkowny minister Sigmar Gabriel (SPD) je Ruskej napřećo wosebje hibićiwy. Hižo třeći raz ju wón po nastupje zastojnstwa před pjeć měsacami wopyta.

Tónkróć přebywa wonkowny minister w južnoruskim Krasnodarje, hdźež wobdźěli so hromadźe ze swojim kolegu w zastojnstwje Sergejom Lawrowom na konferency wo partnerstwje městow. Tam dźe wo to, na komunalnej runinje zesylnić zwiski mjez woběmaj krajomaj, kotrež su ukrainskeje krizy dla chětro poćežene. Dalša tema rozmołwow mjez Lawrowom a Gabrielom je, kak wožiwić wjaznjene prócowanja wo rozrisanje konflikta mjez proruskimi mocami na wuchodźe Ukrainy a jednotkami Kijewskeho knježerstwa. Nic naposledk pojednataj ministraj nowe, wot ameriskeho senata wobzamknjene sankcije na njedobro Ruskeje, přećiwo kotrymž­ je Sigmar Gabriel raznje protestował, dokelž móhli tež europske předewzaća w kraju čućiwje trjechić.

Horcy powětr

srjeda, 28. junija 2017 spisane wot:
Kanclerka Angela Merkel wostanje sej swěrna a dźěła zaso raz po hesle: Što stara mje moje wčerawše bledźenje. W prašenju mandźelstwa za homoseksualnych je swoje měnjenje zaso raz zasadnje změniła, kaž smy to pola atomoweje energije, woborneje winowatosće abo awtodró­howeho popłatka hižo dožiwili. Cyle připó­dla je knjeni Merkel socialdemokratam temu pokradnyła, z kotrejž chcychu woni poprawom wólbny bój wjesć. Nětko rěči wša Němska wo naležnosći, kotraž płaći jenož za mału skupinku wobydlerstwa, wo mandźelstwje za homoseksualnych. Njeby lěpje było wo problemach rěčeć,­ z kotrymiž je wulki dźěl ludźi konfrontowany –, kaž su to chudoba w starobje, ničenje­ našeho planeta a tak žiwjenskeho zakłada našich potomnikow, njesprawnosć na swěće abo problemy milionow ćěkancow.­ Město toho produkujemy horcy­ powětr. Marko Wjeńka

Chrósćicy (bn/SN). We wobłuku XII. mjezynarodneho folklorneho festiwala zahaji kolokwij „Integracija mjeńšin w polu napjatosćow wuchowanja kulturneje identity“ Chróšćanske zarjadowanja minjenu sobotu w „Jednoće“. Kolokwij měrješe so na nawodow wuměłskich skupin, žurnalistow, studentow a kulturnych wědomostnikow. Po witanju referenta za kulturu a wukraj Domowiny Clemensa Škody předstaji so z krótkoreferatami a wobrazami wosom ansamblow z Pólskeje, Rumunskeje, Italskeje, Grjekskeje, Albanskeje, Chorwatskeje, Běłoruskeje a Kolumbiskeje. Wone skedźbnichu na wosebitosće swojeje kultury na přikładźe narodnych drastow, typiskich instrumentow abo rjemjeslniskich resp. ratarskich technikow kaž tež na stawizny a aktualne­ politiske połoženje. Zastu­pjerjo Madźarow w Rumunskej a Čechow w Chorwatskej rozjimachu nimo toho w swojej domiznje wutworjene struk­tury, pokazujo na paralele k Serbam.

To a tamne (28.06.17)

srjeda, 28. junija 2017 spisane wot:

Žorta we wólbnej kabinje dla dyrbi wjace hač tysac wobydlerjow w Bad Karls­hafenje wólby měšćanosty wospjetować. Tole je parlament hessenskeho města rozsudźił, byrnjež jenož jedyn z měšćanskich dźělow potrjecheny był. Njestronjan bě wólby z jeničkim hłosom předskoka dobył. Jedyn z wolerjow bě so we wólbnej kabinje stejo pomocnikow prašał, hač ma wólbny lisćik tež podpisać. Mějo to za žort, jemu tući smějo přiwo­łachu „haj, wězo“. Muž podpisa, z čimž bě hłós njepłaćiwy.

Z pjeć hodźinami zapozdźenja je lětadło w chinskim Shanghaiju wotlećało, po tym zo bě přiwěrkojta žona twjerde pjenjezy do turbiny mjetała, měnjo, zo to zbožo přinjese. Technikarjo tuž turbinu rozšrubowachu a woprawdźe jedyn pjenjez namakachu. W Chinje maja stajnje zaso nje­wšědne dožiwjenja z ludźimi, kiž prěni króć w žiwjenju z lětadłom leća.

Mjenje pjenjez za hudźbu

wutora, 27. junija 2017 spisane wot:

Budyšin/Zhorjelc (B/SN). Cyrkwinska hudźba we Łužicy dóstanje přichodnje mjenje pjenjez wot regionalneho kulturneho ruma Hornja Łužica-Delnja Šleska. Přerěznje sydaše dotal na 90 000 euro za předewzaća cyrkwinskich hudźbnych skupin, kantorstwow a dalšich angažowanych. Kulturny konwent pak je nětko rozsudźił, zo mjez druhim hudźbu na kemšach financielnje hižo njepodpě­ruje. „Jenož jara naročne poskitki“ budu hišće spěchowane, wobkrući sekretar kulturneho ruma Joachim Mühle. Fa­chowa skupina sej wšitke zapodate projekty wobhlada a poda poručenja. Rozsud tworitaj mjez druhimi krajnaj radaj Budyšina a Zhorjelca Michael Harig a Bernd Lange (wobaj CDU).

IS ćěkancow zamordował

Ross do Němskeje njepřijědźe

wutora, 27. junija 2017 spisane wot:

Berlin (dpa/K/SN). Njenadźicy je ameriski minister za wikowanje Wilbur Ross dźensniši wopyt Němskeje wotprajił, njemjenujo za to žane přičiny. Połdra tydźenja do wjerška G 20 chcyše Ross ze swojej němskej koleginu Brigittu Zypries (SPD) wobjednać konfliktne problemy we wikowanju mjez USA a Němskej. Za wječor bě planowane, zo wón z kanclerku Angelu Merkel (CDU) na zarjadowanju CDU wo přichodźe transatlantiskich hospodarskich poćahow porěči.

Merkel nahlad změniła

Berlin (dpa/K/SN). Něhdyši Berlinski justicny senator Thomas Heilmann (CDU) wita, zo kanclerka a šefina strony Angela Merkel mandźelstwo za wšěch hižo njewotpokazuje. Heilmann praji w rozhłosu, zo wojuje lěta za mandźelstwo tež mjez homoseksualnymi. Tola w CDU bě wón dotal mjeńšina był. Na zarjadowanju časopisa Brigitte spušći pak nět tež Merkel­ swoje zasakłe „ně“. Zapósłancy měli na wothłosowanju w zwjazkowym sejmje „po swojim swědomju“ rozsudźić.

Wšitke brónje přepodali

nawěšk

SERBSKE NOWINY podpěruja:

fueorg misain karten sorbisch

  • Lětuši 12. mjezynarodny folklorny festwial "Łužica 2017" je zahajeny. Wčera so skupiny we wobłuku swjedźenskeho ćaha po Budyšinje kaž tež na zahajenskim programje předtsajichu. Tule namakaće někotre impresije wo zahajenju festiwala. Fota: SN/Maćij Bu