Pokiwy (21.07.17)

pjatk, 21. julija 2017 spisane wot:

Na Gig-festiwal

Róžant. Hač do njedźele wotměje so w Róžeńće Gig-festiwal (God is good), kotryž so dźensa w 19 hodź. z Božej mšu w hnadownej cyrkwi zahaji. Po kemšach pokazaja film „Qutcasts“, rozprawjacy wo dźěle franciskanow wobnowjenja z New Yorka. Jutře wot 14 hodź. su tež serbscy młodostni na workshopy ze sobu skutkowacymi hudźbnikami a dalšimi wuměłcami přeprošeni. Za kóždeho budźe na slědowacych koncertach něšto pódla: pop, soul, rap, rock a gospelspěwanje z Londona. Swjatočnu Božu mšu njedźelu, 23. julija, w 10 hodź. Radijo Horeb originalnje wusyła.

Swjećić hač do njedźele

Sulšecy. Po tym zo změja dźensa w delnich Sulšecach piwo natočene, su nimo wjesnjanow wosebje hosćo zbliska a zdaloka wot 21 hodź. na „Čornohalštrowski special“ přeprošeni. Jutře wotměje so wot 13 hodź. wubědźowanje w třělenju jědnatkow z mustwami wokolnych wsow. W 21 hodź. budu reje WiesenBeats. Zajutřišim, njedźelu, wot 11 hodź. wubědźuja so dźěći a po kofejpiću z dujerskej hudźbu zahaji so w 16 hodź. wulki swjedźenski program „bachtanje na nawsy“, a to zaso z překwapjenkami.

Morjo swěčkow dožiwić

Na festiwal do Słowakskeje

pjatk, 21. julija 2017 spisane wot:

Hórki (SN/MiR). W słowakskej gmejnje Terchová wotměja wot 3. do 6. awgusta „Jánošíkove dni“. Tam chcedźa sej mnozy Serbja z busom dojěć, mjez nimi sobustawojo skupiny Čłonstwo za integraciju ludoweje akordeonoweje kultury. Mjeztym 55. mjezynarodny folklorny festiwal je pomjenowany po rubježniku Juraju Jánošíku­ (1688–1713), kotrehož maja Słowacy za narodneho rjeka.

Jězbu přihotujetaj mandźelskaj Brita a Volkmar Šołćic z Hórkow. „Předewšěm chcemy sej folklorne poskitki na festiwalnišću wobhladać. Za runje tak wažne wšak mamy, tež našu serbsku kulturu z hudźbu a spěwom prezentować.“ We wobłuku wuprawy chcedźa sej pućowacy hrodaj Oravskí a Bojnice kaž tež rězbarjeny Slovenský betlehem w Rajeckej Lesnej wobhladać. Přenocować budu w hotelu „Slovakia“ w Žilinje.

Hišće su někotre swobodne městna. Płaćizna za jězbu nima 150 eurow přesahać. Zajimcy, kotřiž chcyli sobu jěć, móža so pola Šołćic pod telefonowym čisłom 035796/ 95 012 přizjewić.

Protyka (21.07.17)

pjatk, 21. julija 2017 spisane wot:

Pjatk 21. do 23.7.  Gig-festiwal w Róžeńće

   Wjesny swjedźeń w delnich Sulšecach  

Sobotu 22. a 23.7.  Dworowy swjedźeń w Halštrowskej Hollandec hornčerni

   Neptunowy swjedźeń w Nižej Wsy

 22. do 30.7.  Prózdninske lěhwo SŠT we Wodowych Hendrichecach

  9:00 Kak nawuknu z kosu syc – seminar w Dołhoboršćanskej přirodoškitnej staciji

  10:00 1. wiki jězoriny w Kóšynskej jězorinowej hali

  17:00 Počesćenje Jurja Chěžki składnostnje 100. po­smjertnych narodnin při jeho ródnym domje w Hórkach

  19:00 Nóc tysac swěčkow w Pančičansko-Kukowskim klóštrje Marijinej hwězdźe

  19:00 Serbske bajowe čołmikowanje w Bórkowach (start: na Zelenym róžku w Kuparskich Bórkowach)

  20:00 Ruska čołmikowanska nóc w Lubnjowje

Njedźelu 23. do 28.7.  Putnikowanje do Krupki

  10:00 Wodźenje po wustajeńcy jantarow w Hórnikečanskej energijowej fabrice

  14:30 Serbski koparski supercup składnostnje 60lětneho wobstaća SJ Njebjelčicy

  15:00 Němskorěčne wodźenje po wosebitej wustajeńcy „Pjeć lětstotkow – Serbja a reformacija“ w Budyskim Serbskim muzeju

Póndźelu 24.7. 14:00 Filmowy projekt „3eck Soccer“ na Budyskich Žitnych wikach

Rozhłós (21.07.17)

pjatk, 21. julija 2017 spisane wot:

njedźelu hornjoserbsce

11:00 Łužica tónle tydźeń z powěsćemi tydźenja a wo Gig-festiwalu w Róžeńće

11:20 Slědy Jurja Chěžki w basnistwje

11:45 SJ Njebjelčicy 60 lět – Zajimawostki ze stawiznow

12:00 Katolske nabožne wusyłanje

 (farar Beno Jakubaš)

po tym zbožopřeća

delnjosersce

12:30  Aktualny magacin, mjez druhim wo lětnim swjedźenju Delnjoserbskeho gymnazija

13:00 Portret Bjarnata Rjentša

13:30 Nabožne wusyłanje

 (Cyril Pjech)

po tym zbožopřeća

Do kina (20.07.17)

štwórtk, 20. julija 2017 spisane wot:

20.7.2017–26.7.2017 Budyski filmowy palast: Valerian – Die Stadt der tausend Planeten w 3 D: wšědnje 14:15, 17:00 a 19:30 | pj a so 22:30 Ich – Einfach unverbesserlich 3: wšědnje 14:00, 16:15 (nimo pó 17:15) a 20:30 | pj a so 22:30 Ich – Einfach unverbesserlich 3 w 3 D: wšědnje 15:00 a 17:15 | nj, wu a srj 12:45 Spider-Man: Homecoming: pj, so, pó, srj 14:30 | štw, so, nj a wu 17:15 Spider-Man: Homecoming w 3 D: wšědnje 19:45 | pj a so 22:30 Das Pubertier: wšědnje 18:30 (nimo pó) | pj, so a srj 20:00 Hanni&Nanni – Mehr als beste Freunde: wu a srj 10:00 Bob der Baumeister – Das Mega Team: nj, wu a srj 12:15 Transformers: The Last Knight: pj 22:00 | nj 20:00 Girls’ Night Out: pj a srj 17:15 Pirates of the Caribbean 5: Salazars Rache: štw a wu 20:00 | so 22:00 Baywatch: nj, wu a srj 12:15 | wu 14:45 The Boss Baby: wu a srj 10:15 | nj, wu a srj 12:15 Überflieger – Kleine Vögel, großes Geklapper: wu a srj 10:15 Gregs Tagebuch – Böse Falle!: wu a srj 10:15 | štw a nj 14:45 Kino-ekstra: Happy Burnout: pó 17:15 a 20:15

Pokiwy (19.07.17)

srjeda, 19. julija 2017 spisane wot:

Za pokémonami honić

Wojerecy. Wojerowski zwěrjenc přeproša njedźelu, 23. julija, wot 13 do 16 hodź. na honjeńcu za pokémonami, za čož­ změje wšelake stacije zarjadowane. Dochody akcije su za přichodnu afrisku sawanu coologiskeje zahrody.

Nowy šulski kalender

Budyšin. W Budyskim wólbnym běrowje zapósłanca Sakskeho krajneho sejma Hajka Kozela (Lěwica) na Šulerskej 10 móža sej zajimcy kalender za nowe šulske lěto wotewzać. Woblubowany tydźenski planowak je darmotny.

Na slědach wjelkow

Rěčicy. „Kolesowarska tura do wjelčeje kónčiny“ rěkatej přednošk a ekskursija na slědach wjelkow z kolesom. Zarjadowanje wotměje so njedźelu 30. julija. Zajimcy zetkaja so w 10.30 hodź. při Rěčičanskej Wjelčej bróžni. Wobdźělenje je bjezpłatne, wobdźělnicy pak měli so telefonisce pod čis­łom 035772/46 7 62 abo e-mailnje pod přizjewić.

Pokiwy (14.07.17)

pjatk, 14. julija 2017 spisane wot:

Swětła nóc z čornej swěcu

Smječkecy. We wobłuku Smječkečanskeho wjesneho swjedźenja, kiž přewjedu wot dźensnišeho hač do njedźele, přeprošeja předewšěm młodźinu jutře, sobotu­, na wulku party pod hesłom „Whitenight“. Wot 20 hodź. móža wopytowarjo k rytmusam DJja Romana rejwać a lětnju nóc při čornej swěcy přežiwić. Holcy Smječkečanskeho młodźinskeho kluba maja překwapjenku přihotowanu, kotruž njesměł nichtó skomdźić. Wot 20 do 22 hodź. změja tak mjenowanu „happy hour“. W tym času dóstanu hosćo za skazany napoj dalši samsneje družiny darmotnje k tomu. Nimo toho změje kóždy pjaty darmotny zastup. Tohodla je radźomne sej z dosć přećelemi do Smječkec dojěć. A čorna swěca wězo najbóle skutkuje, hdyž maš swětłu abo pisanu drastu.

Wiki w starym měsće

Wojerowska dźěćaca a młodźinska farma, kotraž je w nošerstwje Křesćansko-socialneho kubłanskeho skutka (CSB), je zajimcam tež za čas prózdnin dobra adresa wosebitych poskitkow dla. Minjenu srjedu wuhotowachu tam wjednica farmy Liane Semjank ze swojim teamom wokoło Michaela Schenkera ze zežiwjenskeho a zeloweho centruma CSB kulinariski dožiwjenski dźeń – tež z twarohom a lanym wolijom –, kotryž žněješe wulki wothłós. Foto: Ulrike Herzger

Protyka (14.07.17)

pjatk, 14. julija 2017 spisane wot:

Pjatk 14. a 15.7.  Kulow-cup w Kulowje

 14. do 16.7.  Wjesny swjedźeń w Smječkecach

   Neptunowy swjedźeń w Brězowce

   Rakečanski sportowy swjedźeń

  19:00 Serbska reja – dźěłarnička w Lipsku

  21:30 Błótowske filmowe dny w Slopišćach (Schlepzig)

Sobotu 15.7. 9:00 Dyrdomdej „Bodo zetka wohnjowu woboru“ w Małowjelkowskim prazwěrjencu

  10:00 Nicole Peto předstaji kolekciju swojich klankow w Nowym Měsće

  10:00 Mirakulum – Lětnja detektiwiska hra w elementariju Kamjenskeho Muzeja zapadneje Łužicy

  17:00 Koncert „Pišćele w pjećich“ w Kamjenskej hłownej cyrkwi

  19:30 Koncert z Michaelom Patrickom Kellyjom na Grod­kowskim jewišću pod hołym njebjom

Njedźelu 16.7. 9:00 Dyrdomdej „Bodo zetka wohnjowu woboru“ w Małowjelkowskim prazwěrjencu

  10:00 Mirakulum – Lětnja detektiwiska hra w elementariju Kamjenskeho Muzeja zapadneje Łužicy

Póndźelu 17. do 20.7.  Prózdninske dny dekanatneho dušepastyrstwa za 6. do 8. lětnik w Rosenthalu-Bielatalu

  19:00 Koncert młodźinskeho dujerskeho orchestera z juhomadźarskeho Bonyháda na Radworskim sportnišću

Wutoru 18.7. 13:00 Dźěćaca dožiwjenska tura – ekskursija po Biskopičanskim zwěrjencu

Rozhłós (14.07.17)

pjatk, 14. julija 2017 spisane wot:

njedźelu hornjoserbsce

11:00 Łužica tutón tydźeń

11:20 Serbja a reformacija:

Lutherowe pomniki

11:45 Wuslědki stipendiatow Załožby za serbski lud

12:00 Nabožne wusyłanje

 (Jan Malink)

po tym zbožopřeća

delnjoserbsce

12:30 Aktualny magacin, mjez druhim z portretom serbskeje abiturientki

13:00 Choćebuski serbski komorny chór

13:30 Nabožne wusyłanje

 (Christiana Piniekowa)

po tym zbožopřeća

nawěšk

SERBSKE NOWINY podpěruja:

fueorg misain karten sorbisch

  • XXII. mjezynarodny folklorny festiwal “Łužica 2017” je nimo. Dopomnjenki a rjane wokomiki pak wostanu. Najlěpje zapopadnješ je w fotografiji. Tole su mjez druhim Bianka Šeferowa, Feliks Haza, Maćij Bulank a Janek Wowčer  za redakciju SERBSKICH NOWIN

nowostki LND