Serbski sejm wuradźuje
Budyšin. 22. posedźenje Serbskeho sejma wotměja jeho čłonojo jutře, 13. měrca, w 11 hodź. Koronoweje pandemije dla poručeja sejmarjo wobdźělenje přez livestream a zarjaduja za to dwě rumnosći. Štóž ma techniske problemy, so njech prošu hodźinu do posedźenja pod 01 78 / 1 40 16 94 (Hagen Domaška) přizjewi. Wotpowědny link budźe na posedźenskim dnju wot 10 hodź. k dispoziciji a hodźi so pola Hagena Domaški naprašować. Posedźenje je zjawne. Kóždy hósć móže tam swoje naležnosće a nastorki zdźělić. Rumnosć za posedźenja nańdu zajimcy pod http://posejzenje.serbskisejm.de, rumnosć z přełožkom pod http://pselozk.serbskisejm.de.
Do kina a na warjenje
Wodorunje: 3 mjeno měsaca, 5 wudmo: hłupy ..., 6 drohotny kamjeń, 7 lud, 10 suchen serbsce, 13 rěka w Sewjernej Americe, 14 korčma, rumnosć, 15 němske žónske předmjeno
Padorunje: 1 wisa na cyrkwinej wěži, 2 rěka přez Mnichow, 3 nic stary, 4 so lubjaca, 8 grjekska stolica, 9 pólske město nad Wódru, 11 rytmus při reji, 12 młode howjado
Pjatk 12. a 13.3. Debjenje jutrownych jejkow w Slepjanskim Serbskim kulturnym centrumje (stajnje 13 do 17 hodź.)
Pjatk 12.3. 17:30 Zwjazkowe předsydstwo Domowiny online a w Budyšinje
19:00 Swójbne kino na stronje schadźowanka.de z filmom „Syn Winnetouwa“
Sobotu 13.3. 11:00 Wuradźowanje Serbskeho sejma
17:00 Serbske swójbne popołdnjo na stronje schadźowanka.de pod hesłom „Warimy z Rafaelu“
Njedźelu 14.3. 14:00 Online-zarjadowanje Wojerowskeho Konrada Zusoweho kompjuteroweho muzeja „M. J. Wićaz 100 – anekdoty & wobrazy k stoćinam wuchodoněmskeho pioněra kompjuterow“
Póndźelu 15.3. 15:00 Wusyłanje w rozhłosu MDR 1 Radijo Sakska k wopominanju serbskeho IT-pioněra Mikławša Joachima Wićaza składnostnje jeho 100. posmjertnych narodnin
Srjedu 17.3. 15:00 Předsydstwo župy Budyšin
Sobotu 20.3. Swójbne klankodźiwadło na stronje www.schadźowanka.de
Štwórtk 25.3. 10:00 Přednoškaj prof. dr. Nicole Dołowy- Rybińskeje a Sary Mičkec na mjezynarodnej online-konferency wo mjeńšinowych rěčach w Bilbao
njedźelu hornjoserbsce
11:00 Łužica tutón tydźeń
11:20 Mikławš Joachim Wićaz – serbski IT-pioněr
11:45 Rebecca Bejmic na Kubje
12:00 Nabožne wusyłanje
(Florian Mróz)
po tym zbožopřeća
delnjoserbsce
12:30 Aktualny magacin, mjez druhim „Dawid Statnik 10 lět předsyda Domowiny“ a „Herpes-wirus wohroža konje“
13:00 Poslednja serbska dźěłarnja dudow – herbstwo Korle Tilicha
13:40 Nabožne wusyłanje
(Katharina Köhlerowa)
po tym zbožopřeća
Sobotu 6.3. 14:30 Wirtuelne serbske swójbne popołdnjo z wóskowanjom jejkow na stronje schadźowanka.de
Njedźelu 7.3. 8:30 Kemše w livestreamje z Kulowa
9:00 Kemše w livestreamje z Chrósćic
Póndźelu 8.3. 19:30 Wirtuelny ekumeniski póstny seminar Smochčanskeho kubłanišća swj. Bena na temu „Swoboda a zamołwitosć křesćanskeho čłowjeka – Kak móžemy zhromadnje žiwi być?“ z abatisu klóštra Marijineje hwězdy Gabrielu Hesseo
Srjedu 10.3. 17:00 Přirada za serbske naležnosće města Budyšina
18:30 Gmejnska rada Radwor
19:00 Filmowy a diskusijny wječor w Budyskim Serbskim muzeju – so korony dla njewotměje!!!
Pjatk 12. a 13.3. Debjenje jutrownych jejkow w Slepjanskim Serbskim kulturnym centrumje (stajnje 13 do 17 hodź.)
Nowe hudźbne wideja
Budyšin/Berlin. Poskitk serbskich hudźbnych widejow dale rozrostuje. Tele dny spřistupništej na Youtube-kanalu „Serbska hudźba“ skupina Astronawt nowostku „Impresije“ – ryzy instrumentalny to přinošk (režija: Philipp Herfort) – a kapała Brankatschki spěw „My dźemy dźensa“, inscenowany wot Ezekiela Mishki a Mateja Dźisławka.
Na samsnej platformje wozjewi njedawno Berlinske duwo Hara Crash widejo k dub-štučce „Bali“, kotruž fanojo hižo z tačele „Halfway reveries“ znaja. Clip staj hudźbnikaj z kamerownikom Clemensom Jurkom pod režiju Roberta Ecksteina zwoprawdźiłoj. Najjednorišo jón zajimcy nańdu, zapodadźa-li mjeno duwa do wotpowědneho pytanskeho pola.