Z wudaća: štwórtk, 30 julija 2015

Mjez młodostnymi wospjet mjezynarodnosć knježiła

Kóždej dwě lěće zarjaduje gmejna Njebjelčicy w lětnich prózdninach z pod­pěru Domizniskeho a kulturneho to­warstwa na młodych ludźi wusměrjenu mjezynarodnu dźěłarničku. Mnohe partnerske a přećelske styki do wukraja zawěsćeja stajnje tež dosć wulku ličbu wobdźěl­nikow. Lětsa witachu tam wot 19. do 26. julija młodostnych z Pólskeje, Čěskeje, Słowakskeje, Chorwatskeje a Ruskeje. Ze serbskimi a němskimi wobdźělnikam bě to sydom narodnosćow.

„Spěšny triatlon we łužiskej jězorinje“ – takle wabja zamołwići triatletow z cyłeje Europy k Třižonjanskemu jězorej. Sobotu, 29. awgusta, a njedźelu, 30. awgusta, budu we a při jězoru pola Łaza zaso tradicionalne Knappenman-wubědźowanja. Hižo wjacore lěta su tež serbscy triatleća mjez wobdźělnikami. 29. awgusta su to wurisanja na dołhich distancach a dźeń pozdźišo na sprintowych čarach kaž tež na olympiskej distancy. SN

Mnozy triatleća kaž tež fanojo triatlona běchu sej minjeny kónc tydźenja za­wěsće z tołstej čerwjenej barbu w kalendrje markěrowali. Hnydom tři tria­tlonowe wubědźowanja w blišej a dalšej wokolinje přeprošachu lubowarjow wutrajnostneho sporta – a to w Złym Komorowje, Lipsku kaž tež premjernje w Drježdźanach.

W Złym Komorowje wubědźowachu so triatleća na sprintowej distancy a krónowachu tam zdobom krajnych mištrow Braniborskeje. Wurisanje doby znate mjezwočo. Něhdyši starter na olym­pi­skich hrach a rodźeny Budyšan Maik Petzold­ pokaza najlěpši wukon wokoło tamnišeho jězora.

W sakskej stolicy su sportowcy na sprintowej kaž tež na olympiskej distancy mocy měrili. Před jónkrótnej kulisu startowachu woni pod mostom Módrym dźiwom a płuwachu po Łobju hač k Albertowemu mostej. Kolesowarski sprint doby lokalny matador Rajko Sickert. Na olympiskej běhanskej distancy mě­ješe čłon triatlonoweho narodneho mustwa Němskeje Christian Otto najspěš­ni­šej noze. Organizatorojo žnějachu za premjeru cyłkownje dobry wothłós.

Hana Brězanec z Prawoćic je sej na jěchanskim a skakanskim turněrje w Bošecach w skakanju kategorije A z dwěmaj hwězdźičkomaj z konjom Major Tomom druhe městno zawěsćiła. Čłonka Konjaceho sportoweho towarstwa při Klóšterskej wodźe Pančicy-Kukow bě jeničce 59 stoćin sekundy pomałša hač dobyćer Tom Schindler ze Šešowa. Foto: Jörg Stephan

Někotryžkuli šofer móhł runje tak zadwělować kaž wobydlerjo Delnjeje Hórki při zwjazkowej dróze B 156. Na něhdźe 400 metrach je asfaltowy pokryw wotbagrowany, dokelž dźěłaćerjo twarskeje firmy wopłóčkowe roły do zemje kładu. Po planje maja dźěła hač do kónca oktobra trać. Hakle loni bě dróha twarskich dźěłow dla dospołnje zawrjena, štož šoferow jara poćežowaše. Foto: SN/Maćij Bulank

Nimo cyrkwjow su tež farske domy něme swědki stawiznow. Ze swojej lětnjej seriju so po serbskich a dwurěčnych­ katolskich a ewangelskich wosadach rozhladujemy a předstajamy někotre fary – dźensa Bukečansku.

Kulowska měšćanska rada wopłóčki hač do 2017 kalkulowała

Kulow (AK/SN). Znowa zrjadowane su jasne a zwjazowace postajenja za wopłóčki w měsće Kulowje a jeho wjesnych dźělach. Měšćanska rada bě so k tomu na zašłym posedźenju wuznała. Z jednym napřećiwnym hłosom, a to Michała Krječmarja z Dubrjenka (Powšitkowne wobydlerske zastupnistwo), su radźićeljo nowospisane wustawki za centralnu wodočisćensku připrawu w Kulowje schwalili. Nimo toho přihłosowachu wustawkam hatneje wodočisćenskeje připrawy w Koćinje. Dale su Kulowscy zapósłancy popłatkowe wustawki za dźělnu městnu kanalizaciju a wustawki wo decentralnym wotstronjowanju fekalneho błóta z małych čisćenskich připrawow a wo wopłóčkach z bjezwottokowych jamow wobzamknyli. Wšitke wustawki płaća wróćo sahajo wot 1. januara 2015.

Wojerecy (SN/mwe). W měsće Wojerecach a na wsach je policija loni 933 nje­zbožow registrowała. Cyłkowna wěcna škoda wučinješe­ dohromady 1,6 milionow eurow. Na parkowanišćach dóńdźe k 423 nje­zbožam z něhdźe 530 000 eurami škody.­ 68 njezbožow sta so dźiwiny dla, 53 z nich mjez 22 a 6 hodź. ze škodu 86 000 eurow. 751 wobchadnych njezbožow zličichu wot 6 do 18 hodź., přewažnje póndźelu, wutoru a pjatk. K najmjenje nje­zbožam dóńdźe njedźelu. Smjertne pady wobchadneho njezboža dla loni we Wojerecach­ žane njeběchu. Přiwšěm so 36 wosobow ćežko zrani, 69 lochko, mjez nimi 32 wodźerjow awta a 48 kolesowarjow. Mjez zranjenymi bě dźesać dźěći do štyrnaće lět. 214 zawinowarjow njezboža ćekny, 82 z nich je policija le­piła. Ekstremne njezbožowe ćežišća loni zwěsćili njejsu. Wot pjeć podobnych njezbožow so hakle scyła wo tajkich će­žišćach rěči.

30.7.–5.8.2015: Kartoffelsalat – Nicht fragen: wšědnje 14:30 hodź. a 19 hodź. | štw, nje, wu a srj 16:15 hodź. Magic Mike XXL: pj a so 19:30 a 22 hodź. | štw, nje, wu a srj 20:30 hodź. Pixels: wšědnje 20:45 hodź. | w 3 D Pixels:­ wšědnje 14:45 a 17 hodź. | wu 9:45 a 12:30 hodź. Mission: Impos­sible – Rogue Nation: srj 20 hodź. Minions:­ wšědnje 14:30, 16:30 a 19:30 hodź. (nimo srj) | wu 9:45 hodź. Shaun das Schaf – Der Film: wu 9:30 hodź. Ant-Man: wšědnje 19:15 hodź. | pj a so 23 hodź. | w 3 D Rico, Oskar und das Herzgebreche: wu 12:30 hodź. Minions: wšědnje 14:45 a 16:45 hodź. | wu 10 hodź. | w 3 D Terminator: Genisys: pj a so 16:30 a 21:45 hodź. Jurassic World: pj a so 21:45 hodź. Ostwind 2 – Rückkehr nach Kaltenbach: wu 12:30 hodź. Tinkerbell und die Legende vom Nimmerbiest: wu 12:30 hodź. | w 3 D

Kino-ekstra: Die Gärtnerin von Versailles: štw, nje, wu a srj 18 hodź. Love & Mercy: pó 17:15 a 20:15 hodź.

Załom. Patrulja Habrachčanskeje (Ebersbach) policajskeje inspekcije je wčera popołdnju­ w Załomju transporter typa VW kontrolowała. Z nim po puću bě 49lětny němski staćan. Jako zastojnicy awto přepytachu, namakachu tak mjenowany butterflyjowy nóž, kotryž mě­ješe šofer při sebi. Mjenowany nóž słuša k zakazanym brónjam. Tajki sej kupić a wobsedźeć njeje tuž dowolene. Dokelž muž wobkrući, zo nóž jemu słuša, dyrbi wón nětko z wotpowědnym chłostanjom ličić­.