Z wudaća: štwórtk, 27 awgusta 2015

Nimo cyrkwjow su tež farske domy něme swědki stawiznow. Ze swojej lětnjej seriju so po serbskich a dwurěčnych­ katolskich­ a ewangelskich wosadach rozhladujemy a předstajamy někotre fary – dźensa Chróšćansku (kónc).

Lětsa je tomu 790 lět, zo bu Chróšćanska wosada załožena. Na městnje pohanskeho templa bě Bjarnat II. z Kamjenca prěnju křesćansku cyrkej natwarić dał. Lěta 1248 wot Kamjenskich knjezow załoženemu klóštrej Marijinej hwězdźe do­wě­richu patronat nad Chróšćanskej wosadu. Susodne wsy kaž Prawoćicy, Kopšin, Nuknica, Lejno, Časecy kaž tež dźensa Wotrowskej wosadźe přirjadowane wsy Kanecy, Žuricy a Wotrow běchu hač do reformacije w lěće 1559 do Hodźija za­farowane.

We Wojerecach bydlenja zaměrnje torhaja a saněruja

Wojerecy (AK/SN). We Wojerowskim nowym měsće dyrbja so ludźo na to nastajić, zo tam dale bydlenja wottorhaja. Tole podšmórny jednaćelka bydlenjo­twar­skeje towaršnosće Margitta Faßl na posedźenju měšćanskeje rady. „Wot lěta 1996 hač donětka smy 5 862 bydlenjow wotstronili. Zdźěla su so cyłe bydlenske kompleksy zhubili“, wona rozłoži.

Bydlenja pak jenož njewottorhaja, zo bychu so zminyli, ale tež zo by so měšćanski napohlad polěpšił a wjetšu wahu dóstał. „Při swojim załoženju lěta 1991 mějachmy dwaj problemaj“, Margitta Faßl rozłoži, „na jednym boku bě hoberski wobjim ponowjenja trěbny, na tamnym bě wjele bydlenjow prózdnych, dokelž běchu ludźo přećahnyli.“ Wot toho časa inwestowachu 450 milionow eurow do saněrowanja. Něhdźe połojca bydlenjow w zamołwitosći bydlenjotwarskeje towaršnosće je dźensa dospołnje saněrowana, tamna połojca znajmjeńša zdźěla.

Chelno (HN/SN). Hakle njedawno je znaty Chelnjanski elektromišter Siegfried Poick swój zawod swojemu synej Arendej přepodał. Tak móžeše wón tele dny woměrje 75. narodniny a takrjec trochu zapozdźeny zastup do rentnarskeho žiwjenja swjećić. Nimo přiwuznych a znatych gratulowachu jemu tohorunja powołanscy kolegojo kaž tohorunja zastupjerjo wjacorych sportowych towarstwow z wokoliny. Poickec předewzaće sportowcow hižo dlěši čas podpěruje.

Budyšin. Wokomik njekedźbnosće je njeznaty muž w Budyšinje wužił a drohotnej časnikaj pokradnył. W juwelěrowym wobchodźe na Serbskich hrjebjach běchu durje wočinjene, w předawanskej rumnosći pak ani předawar ani kupcy njeběchu. Muž sahny za keramikowymaj časnikomaj w cyłkownej hódnoće 5 600 eurow a ćekny. Samsny wokomik mějićel ze zadnjeje rumnosće do wobchoda stupi, wuhlada paducha a spěchaše za nim hač na Garbarsku. Tam zalěze njeznaty do ćmoweho wosoboweho awta z Hamburgskim čisłom a so zhubi. Najskerje jedna so wo VW Golf Variant. Za nim policija­ nětko slědźi a prosy tež woby­dlerjow wo pomoc­, hač su něšto wobkedźbowali.

27.8.–2.9.2015: Hitman: Agent 47: wšědnje 20 hodź. | pj a so 22:30 hodź. Ricki – Wie Familie so ist: za žony srj 19:45 hodź. Mission Impossible: wšědnje 17 a 19:45 hodź. (nimo srj) | srj 19:30 hodź. Der kleine Rabe Socke 2: wšědnje 14:30 (nimo štw a srj) a 16:15 hodź. | nj 12:45 hodź. Dating Queen: wšědnje 19:30 hodź. (nimo pó a srj) Magic Mike XXL: pj a so 22 hodź. Ostwind 2 – ­Rückkehr nach Kaltenbach: nj 12:45 hodź. Pixels: wšědnje 14:45 hodź. (nimo štw a srj) | nj 12:45 hodź. Rico, Oskar und das Herzgebreche: nj 12:45 hodź. Minions: wšědnje 19:30 hodź. | w 3 D Vacation – Wir sind die Gris­wolds: wšědnje 17 hodź. Fantastic Four: pj a so 22:15 hodź. Kartoffelsalat – Nicht fragen!: pj, so a wu 15 hodź. Die Gärtnerin von Versailles: štw 17 hodź. Jurassic World: wšědnje 17 hodź. (nimo štw a pó)

Kino-ekstra: 8 Namen für die Liebe: pó 17:15 a 20:15 hodź. Camino de Santiago – Eine Reise auf dem Jakobsweg: nj 15 hodź. | pó 14:45 hodź.

Zhromadny wuměłski projekt słowjenskich a serbskich wuměłcow „Přechod Übergang-Prehod“, kotryž bu loni w Korutanskej zahajeny, su lětsa wot spočatka meje do awgusta w Budyšinje a Choćebuzu dele wjedli. Nětko nańdźe přehladka w Slepom swoju poslednju městnosć we Łužicy.

Zajutřišim, sobotu, wotewru w Slepjanskej cyrkwi mjeztym w Serbach šěroku diskusiju zbudźacu wustajeńcu fotoweho cyklusa słowjenskeho tworjaceho wuměłca z Korutanskeje Karla Vouka pod hesłom „Satkula. (S)twor(jen)a krajina. Oder die Wa(h)re Landschaft“. Přehladka je hižo w Serbskimaj muzejomaj w Budyšinje a Choćebuzu dobry wothłós mjez wopytowarjemi našła, kotřiž běchu sej ju w nahladnej ličbje wobhladali a so wo njej pozbudźejo wuprajili. Wšako wustajene fota wo zničenju łužiskeje krajiny, jeje kultury a identity přez wotbagrowanje serbskich wsow runje to napřećiwne wuprajejo, hač to, štož z tam zdobom po­datych citatach, wosebje z wustawow krajow Sakskeje a Braniborskeje, wo škiće serbskeje rěče, kultury, serbskeho rěčneho ruma a přirodźe wuchadźa.

Na finisaži wustajeńcy „Satkula“ zhromadnje z wustupom wobdźělnikow-basnikow 37. swjedźenja serbskeje po­e­zije w Budyskim Serbskim muzeju měje­še Karl Vouk swjedźensku narěč. Wujimki z njeje tule wozjewjamy:

Jako wobrazowy wuměłc wužiwam stajnje zaso literarne citaty jako dźěl swojich wobrazow, tak na přikład w cyklusu „Vita: mors“ (2005 – 2010) abo w tule wustajenym cyklusu „Satkula“. André Breton rěčeše wo „poeziji wšědneho dnja“. Tule wustajene dźěła jednaja wo wšědnym dnju. Wone cituja z wustawow Swobodneho stata Sakskeje a Kraja Braniborskeje, kotrejž měłoj wšědny dźeń w tutych regionach regulować. Ci­taty konterkarěruju wobraz po wobrazu z napřećiwnymi wobrazami, napřećiwnosćemi, kotrež začuwach jako wobkedźbowar, jako w lětach 2011 do 2013 Łu­žicu přepućowach.

Sportowe towarstwo FC Łužica Wojerecy je wčera přez medije a po dalšich pućach list rozesłała, z pomocu kotrehož pytaja za mjenami skućićelow, kotřiž běchu kónc junija w Kulowje při pokalnej koparskej hrě antiserbske spěwy spěwali, na sudnika kurowu bombu ćisnyli a na hrajnišćo praskotaki mjetali. Wobrazy skućićelow a dalšich přiwisnikow sportowej redakciji Serbskich Nowin předleža. Za pomjenowanje wosobow z adresu přilubja FC Łužica 50 eurow, za pomjenowanje mjetarja kuroweje bomby 250 eurow. Zašły tydźeń je sudnistwo Zapadołužiskeho koparskeho zwjazka FC Łužicu Wojerecy k pokuće 1 050 eurow zasudźiło. Nimo toho dyrbi sportowe towarstwo antirasistiski trening přewjesć.

Pokiwy, kotrež budu dowěrliwje wobdźěłane, podajće prošu pod telefonowym čisłom 03571/42030 abo e-mailnje pod . Hagen Grasemann, zamołwity FC Łužicy Wojerecy, na to skedźbnja, zo njesłušeja skućićeljo-fanojo k fanowej skupinje FC Łužicy Black devils.Werner Müller

SJ Njebjelčicy – FC Hornja Łužica Neugersdorf, młodźina A 0:1 (0:0)

Zestawa domjacych: Hahn – J. Šołta, Šram, Pawlik, S. Kral, Hoelzel, M. Kral, R. Šo­łta­, Hrjehor, Matka, Lejnart, Hübenthal, Matješk