Z wudaća: pjatk, 29 apryla 2016

Jurij Łušćanski

So njepali njesapa

w kuchni w stwě

njejsu wjac kachle

woheń njewidźiš

njewidźiš nječuješ

sedleško

tež nic

zmij nima

wuhenja wjac

za nutř a dele a horje a won

wulka škoda

zo je chodojtypalenje

jeničke wob lěto

baseń z knihi „Čerwjeń brěškow“

Architektka a twarska biologowka zasadźa so za strowe twarjenje

Tema strowi žiwi być je dawno tež hižo twarsku branšu docpěło. Mjeztym eksistuja za to najwšelakoriše twarske móžnosće. Ekologisce twarić je jedna z nich a za wšitkich, kotřiž chcedźa na strowym zakładźe twarić, je fachowe poradźowanje bytostne.

Architektka Hilža Mittagowa z Róžanta, mjeztym je wona tež twarska biologowka, tajke poskića. „Zaměr ekologiskeho twarjenja je, zo so čłowjek pod strowymi wuměnjenjemi w swojim žiwjenskim wobswěće derje čuje. Dyrbimy dźě přeco na to myslić, sćěny chěže su naša třeća koža“, mać třoch dźěći wuswětla. W lěće 2004 je wona studij architektury na Choćebuskej techniskej uniwersiće zakón­čiła. Po tym złoži hišće dalokostudij we wobłuku­ twarskeje biologije na instituće za biologiju a ekologiju (ibn) w hornjobayerskim Neubeuernje.

Energiju lutować

W Pančicach-Kukowje přeja dźensa mnozy Hubertej Kokli zbožo a wosebje strowotu k jubilejnym 80ćinam. Narodninar­ je na najwšelakorišich městnach njesprócniwje skutkował.

29. jutrownika 1936 rodźenemu je čas dźěćatstwa žiwjenske nastajenje formo­wał.­ Jeho nan, póstownik a čestnohamtski wjesnjanosta, bě njebojazny přećiwnik nacionalsocializma. Zjawnje zastu­pujo swoju maksimu, zo stejitej wěra a narodnosć nad zełharnej ideologiju bru­nych mócnarjow, bu wón jako wjes­nja­nosta wotsadźeny, jako šulski hólčec Hubert­ w předposlednim wójnskim lěće sam­ surowosć tehdyšeho časa do­žiwi. Dokelž je z druhimi dźěćimi serbsce rěčał, bu wot němskeho wučerja ćežko pochłostany. Dale njemóže zabyć, kak su němscy wojacy staršiski dom zničili. A njewuhojomnu ranu zawostaji w te­hdy dźesaćlětnym smjerć maćerje.

Něhdyši wobdźělnicy olympiady serbskeje rěče wědźa so hač do dźensnišeho na swoje wobdźělenje dopomnić. Wšitkim­ bě to wosebitosć, na kotruž njezapomnja. Woni su we wosebitej brošurce, wudatej wot Serbskeho šulskeho towarstwa składnostnje lětušeho jubileja, jako dobyćerjo wozjewjeni.

Na wšitke nadrobnosće so dopomnić njeje za něhdyšich „olympionikow“ wažne, znajmjeńša nic za Joachima Glücklicha, Constancu Grósec, dr. Pětra Hejdušku a Saru Mičkec. Wosebje pozitiwne zaćišće z wubědźowanja a rjana atmosfera pak su jim hač do dźensnišeho w pomjatku wostali.

50. centralna olympiada serbskeje rěče je so do stawiznow jako wosebita zapisała.­ Milenka Rječcyna je so z předsydku Serbskeho šulskeho towarstwa Ludmilu Budarjowej rozmołwjała, kotrež­ je mjeztym 25 lět nošer tohole wubědźowanja.

Kotry wunošk ma olympiada serbskeje rěče­ zhladujo na perspektiwu našeho naroda?

9. junija 2016 by spisowaćel Jurij Brězan 100. narodniny swjećił. Kotre dopomnjeća maće na čitanja, zetkanja a dalše dožiwjenja z nim? Napisajće a pósćelće je hač do 25. meje redakciji Serbskich Nowin, Sukelnska 27, 02625 Budyšin abo e-mailnje pod red­ak­tion@­serb­ske-no­winy.de.

Waše dopomnjeća chcemy we wosebitym wudaću Předźenaka na česć Jurja Brězana wozjewić.

Redakcija wjeseli so

na Waše dopisy.

Pjatk 29.4. 19:00 Koncert mytowanych sakskeho wubědźowanja „Młodźina hudźi“ we Wojerowskim hrodźe

  20:00 „Co wóstanjo?“ – Baletny wječor SLA w Choće­buskim dźiwadle Piccolo

Sobotu 30.4.  Nalětni swjedźeń w Złym Komorowje

  10:00 Keramiska dźěłarnička z Jadwigu Lešawic na temu „Krabat“we Wulkej Dubrawje

  14:00 Chodojtypalenje Sorabije w Lipsku

  17:00 Chodojtypalanje w Hodźiju

  16:00 Wotewrjenje wosebiteje wustajeńcy „Franc Assi­siski“ w Kamjenskim sakralnym muzeju

  17:00 Koncert SLA „Hudźbne drohoćinki ze Sakskeje a Ital­skeje“ w Drježdźanskim Pianosalonje 

  19:00 Kulinariske kino we Wojerowskim wobydlerskim centrumje

Njedźelu 01.05. 9:00 Łužiski kćenjowy běh podłu Kamjenskeje Pastwineje hory

  10:00 Kolesowanska wuprawa turistiskeho předewzaća „Kraj & ludźo“, mjez druhim do Ćisowa

  10:00 Burske wiki w Koćinskim zawodźe Krabatowy mlokowy swět

  10:00 Dźeń wotewrjenych duri w Budyskej wohnjowobornej straži w Strowotnej studni

  10:00 Wodźenje po zornowcowej wsy Zemicach-Tumicach

  10:00 Dworowy swjedźeń na Jitkowskim Helmec statoku

  11:00 Nalětni swjedźeń w Čornochołmčanskim Krabatowym młynje

njedźelu, hornjoserbsce

11:00 Aktualne powěsće

11:20 Moja melodija: 15 lět skupina DeyziDoxs

11:45 Do mytowanskeho koncerta hudźbnych talentow w SLA

12:00 Nabožne wusyłanje

 (Jadwiga Malinkowa)

po tym  Zbožopřeća

delnjoserbsce

12:30 Aktualny magacin, mjez druhim wo wuknjenju w cuzym kraju – šulerska wuměna

13:00 Tematiske wusyłanje „Pola błótowskich rybarjow“

13:40 Nabožne wusyłanje

 (Helmut Kurjo)

po tym  Zbožopřeća