Z wudaća: srjeda, 18 januara 2017

Kubłanski wjeršk ideje mnohich do zjawneje diskusije dał

Myslić na wšitko, štož šěrjenju serbšćiny tyje

Serbsku rěč w zjawnym rumje dźeń a prezentnišu činić a ju wšědnje nałožować měł być nadawk wšitkich, kiž so jako Serbja wuznawaja abo kotřiž so za serbskosć zajimuja. Dr. Christiana Piniekowa je za to 18 tezow nastajiła.

W serbskej zhromadnosći*...

(1) je zaměr, wšudźe kelkož móžno serbsce** rěčeć,

(2) dawamy dźěćom, młodźinje a dorosćenym wšitkich starobow telko składnosćow kaž móžno serbsku rěč nałožować**,

(3) wažimy sej dźěćo, kotrež doma abo na kubłanišćach serbsce wotrostuje, a jeho swójbnych; wobhladujemy jich jako bohatstwo,

(4) je codeswitching, to rěka změna při wužiwanju serbskeje a druheje (němskeje) abo mjez druhej (němskej) a serbskej rěču, připóznata a nałožowana metoda při dorozumjenju z wuknjacymi serbskeje rěče,

(5) akceptujemy zmylkowosć runje tak kaž korigowanje – woboje słuša k wuknjenju,

(6) respektujemy a wažimy sej tych, kotřiž serbsce rěča, čitaja, pisaja, rozumja abo serbskosć spěchuja,

Žony – wokrjesna liga

1. Zeleno-běli Bukecy 10 56  :  10 27

2. ST Liegau-Augustusbad  11 54  :  16 26

3. ST Nadrózna Hrabowka 10 39  :  24 18

4. Wojerowski FC 10 61  :  33 15

5. SSV Langburkersdorf 10 24  :  39 12

6. ST Hnašecy-Dobruša  10 17  :  34 11

7. ST Hlinowc 10 18  :  32 7

8. SZ Horni kraj-Sprjewja  9 3  :  84 0

wokrjesna koparska klasa, stafla I

1. ST Budyšin II 10 47  :  7 27

2. Budyšink/Malešecy 10 53  :  16 27

3. TSV Wjazońca II 10 32  :  24 18

4. ST Bart II  10 22  :  20 18

5. Zeleno-běli Bukecy II 10 36  :  31 16

6. Wjernarjecy/Załom 9 26  :  27 15

7. SZ Horni kraj-Sprje. III 10 18  :  18 13

8. SG Steinigtwolmsdorf 10 20  :  36 9

9. ST Wjelećin III 10 15  :  32 9

10. Módro-běli Minakał  10 11  :  46 6

11. ST Kubšicy II 9 16  :  39 3

wokrjesna klasa, stafla II

1. SJ Chrósćicy II 11 34  :  20 26

2. SZ Wětnica-Hola 11 44  :  21 23

3. ST Hlinowc 11 31  :  14 23

4. FSV Šćeńca 11 37  :  25 22

5. HZ Łaz/Běły Chołmc II 11 32  :  18 21

6. Nat. Němske Pazlicy II 11 21  :  20 17

7. SJ Njebjelčicy II 11 30  :  14 16

8. ST Mały Wjelkow 10 27  :  28 14

9. Módro-běli Kulow II 10 13  :  26 7

10. ST Lubuš II 11 15  :  40 6

11. FSV Łuty II 11 18  :  44 6

12. HZ Wulke Ždźary II 11 11  :  43 4

wokrjesna klasa, stafla III

1. ST Huska 10 43  :  5 30

2. Biskopičanske KT III 10 60  :  17 23

3. Mały Wosyk 10 42  :  18 22

4. ST Bart 10 36  :  12 22

5. ST Hnašecy-Dobruša II 10 26  :  17 17

6. ST Radwor II 10 20  :  30 13

7. ST Hodźij 04 II 10 17  :  32 10

Z Reimundom Linkertom, trenarjom regionalneho koparskeho ligista Budissa Budyšin, je so Hans­peter Benad rozmołwjał.

Knježe Linkerto, sće z přihotami na 2. połseriju sezony spokojom?

R. Linkert: Mějachmy chětro dobre treningowe lěhwo nad Baltiskim morjom a smy tam jubilejny 25. halowy cup dobyli. Přihoty su tuž dosć derje zaběželi.

Štó budźe na poziciji Christopha Klippela hrać, kiž bu suspendowany?

R. Linkert: Mamy wjacore opcije. Po přihotowanskej fazy a testowych hrach doskónčnje rozsudźimy.

Změje Budissa Budyšin w hrajnej dobje 2017/2018 zaso druhe mustwo?

R. Linkert: Na to tuchwilu wotmołwić njemóžu.

Z 19lětnym Markom Žuljevićom sće wot FC Hornjeje Łužicy Neugersdorf koparja angažowali, kiž bu tam lědma zasadźeny. Njeje to zwažliwe?

R. Linkert: Žuljević wrotowe akcije jara kwalitatiwnje wotzamkuje a budźe našemu mustwu dale pomhać.

Přidruža so wam w zymskej přestawce hišće dalši nowi hrajerjo?

R. Linkert: Rozhladujemy so za dalšimi koparjemi.

Nadźijeće so, zo steji Budissa na kóncu sezony nad zestupnej smužki?

22 šulerjow a šulerkow 2. lětnika Wojerowskeje Handrija Zejlerjoweje zakładneje šule je dźensa dopołdnja Budysku Smolerjec kniharnju wopytało. Nawodnica Annett Šołćic předstaji jim wšelake publikacije. Wosebje wěnowała je so knize z pjera Štefana Paški „Dyrdomdeje na wsy“, kotraž je wosebje za čitarjow zakładnošulskeje staroby myslena. Wulět do Budyšina­ bě za Wojerowskich­ šulerjow dźěl wučbneho projekta „Čitać čini će mudreho“. Foto: SN/Maćij Bulank

W ekstremnych nuzowych situacijach je Wojerowska centralna dispatchernja přežadana, kaž su lońše njewjedra pokazali. Wutworić maja so tuž decentralne škričkowarnje, jedna w zarjadniskim zwjazku Při Klóšterskej wodźe.

Pančicy-Kukow (SN/MWj). Zo hodźeli so wohnjowe wobory pjeć sobustawskich gmejnow zarjadniskeho zwjazka Při Klóšterskej wodźe w ekstremnych nuzowych padach lěpje koordinować, ma w Pančicach-Kukowje decentralna škričkowarnja (ortsfeste Landfunkstelle) nastać. To su čłonojo zhromadźizny zarjadniskeho zwjazka wčera jednohłósnje wobzamknyli. Trěbny škričkowanski nastroj za to płaći nimale 7 000 eurow. 75 procentow z toho dóstanu spěchowane.

Radwor (SN/MkWj). Lěsny puć po Kaponicy mjez Łupoju a Psowjemi wostanje zjawny. Tole je Radworska gmejnska rada na swojim wčerawšim posedźenju wobzamknyła. Radźićeljo su zdobom wobzamknjenje z lońšeho septembra jednohłósnje rewidowali, z kotrymž běchu swój čas zjawne wěnowanje zběhnyli. Přećiwo tomu bě wobydlerska iniciatiwa 750 podpismow znosyła. Nimo toho bě šěsć gmejnskich radźićelow oficialnje wo to prosyło wobzamknjenje zaso zběhnyć, dokelž njeje w zmysle wobydlerjow.

Wulke dźěle Kaponicy słušeja priwatnemu předewzaću, kotrež lěs wobhospodarja. Za to zasadźa ćežku techniku a jězdźidła. Lěsny puć wotpowědnje pod tym ćerpi. Firma bě poskićiła, puć na swójske kóšty wudźeržować. Za to njesměli ludźo z awtami po nim jězdźić.

Tež lětsa je ptači kwas najwažniši serbski wjeršk na Krabatowej zakładnej šuli w Kulowje. Tele dny bě braška Franc Fronzek po puću. Wón je w mjenje njewjesty Rebecci Šołćic a nawoženje Joshuwy Šnajdera (wotlěwa) dźěći wšitkich rjadownjow kaž tež Kulowskeho měšćanostu a zastupjerjow wyšeje šule na kwas prosył. 26. januara budu­ wězo wšitke dźěći w katolskej narodnej drasće. Swjedźeń wuhotuja šulerjo-serbšćinarjo 4. lětnika, kotřiž za to pilnje zwučuja. Foto: Lubina Dučmanowa

Čita w hospodźe

Chrósćicy. Na čitanski wječor a bjesadu su zajimcy pjatk, 20. januara, w 19.45 hodź. do Chróšćanskeje putniskeje hospody přeprošeni. Tam čita Anika Meh­ner z Lipska ze swojeho němskorěčneho romana „Nimm meine Hand“. Awtorka wopisuje, kak jědnaćelětna Verena po smjerći maćerje a přebytku w dźěćacym domje puć wróćo do žiwjenja namaka. Sobotu, 21. januara, w 16 hodź. pokaza putniska mać Monika Gerdesowa dźěćom serbski trikowy film.

Wotewru durje gymnazija

Wojerec. Dźeń wotewrjenych duri změja zajutřišim, pjatk, na Wojerowskim Lessingowym gymnaziju. Wot 17 do 20.30 hodź. móža wuknjacy zakładnych šulow ze swojimi staršimi šulske kubłanišćo zbližić a wo wuknjenskich móžnosćach so wobhonić. Dale informuja zajimcow wo rěčnych, kulturnych a wólnočasnych poskitkach na gymnaziju.

Njeswačanscy gmejnscy radźićeljo nowe komunalne lěto zhajili

Njeswačidło (JK/SN). Z dobrymi nowolětnymi přećemi zahaji Njeswačanski wjesnjanosta Gerd Schuster (CDU) wčera wječor prěnje lětuše posedźenje gmejnskich radźićelow. Optimistisce dachu so woni do dźěła, zo komunalne nadawki runje tak derje zmištruja kaž loni. Byrnjež hišće zyma knježiła, wobzamknychu wjacore naprawy za přihot twarskich dźěłow. Wjetše lětuše předewzaće je, ponowić hasu Při nowym hrodźe. Tak wčera wobzamknychu, přepodać planowanske dźěła Drježdźanskemu inženjerskemu běrowej. Cyłkowne wudawki 204 000 eurow zawěsći gmejna po 70 procentach ze spěchowanskich srědkow. Tamne 30 procentow zaruna hladanska słužba Advita,­ nošer srjedźišća za starobje wotpowědne bydlenje w něhdyšej šuli. Ponowjena dróha zaruči wšak tež lěpši přijězd k twarjenju. Jězdnja budźe asfal­towana a parkowanišća plestrowane. Advita­ je so na gmejnu wobroćiła z próstwu, směć nastajić informaciske tafle za dom a přijězd k njemu. Prěnje na­mjety za to radźićelam wčera rozłožichu.

Ralbicy (aha/SN). Hižo wjacore lěta njeje Serbska wyša šula Ralbicy jedyn dźeń w januarje jenož šulerjam, ale tež wšěm druhim zajimcam přistupna. Tomu bě tež na wčerawšim dnju wotewrjenych duri tak, a mnozy, wosebje pak starši šulerjow přichodneho 5. lětnika, wužiwachu składnosć, so tam rozhladować a so na městnje rozmołwjeć ze 16 wučerjemi, kotřiž wuwučuja 116 šulerjow. Mjeztym druhe šulske lěto je tam Milenka Koberowa nawodnica, kotraž bě z wothłosom spokojom, jónu angažowaneho zasadźenja wšěch wučerjow kaž tež šulerjow a nic naposledk wulkeho zajima staršich dla.

Hižo dopołdnja mějachu šulerjo 4. lětnika zakładneje šule składnosć, so rozhladować po wšěch fachowych rum­nosćach a přihladować, kak wyše lětniki w fyzice a chemiji eksperimentuja, kaž tež dožiwić dźiwadłowu krótkohru, kotruž běštaj Steffi-Marion Jancyna a Jan Rjeda spisałoj, wužiwajo leksiku štyrjoch rěčow a skedźbnjejo tak na wažnosć wjacerěčnosće. Dźiwadłowu hru su tež wječor staršim předstajili.