Z wudaća: štwórtk, 16 měrca 2017

Sobudźěłaćerjo Njeswačanskeje přirodoškitneje stacije su tule při puću z Hórkow do Dobrošic a na dalšich městnach tele dny zaso­ při dźěle, zo bychu njeličomnym krokawam přežiwjenje zaručili. Ručež temperatury trochu postupja, wulězu krokawy ze swojeho­ přezymowanskeho kwartěra w lěsu, zo bychu so k městnam njerkanja podali. Foto: Feliks Haza

wozjewjene w: Łužica
štwórtk, 16 měrca 2017 13:00

Plan steji – prašenja wostanu

Zo móhli inwesticije w gmejnje sčasom zwoprawdźeć započeć, wobzamknychu Rakečanscy gmejnscy radźićeljo wčera na swojim posedźenju wustawki za lětuši­ hospodarski plan. Jich wobsah předstaji wjednica financneho zarjada gmejny Franziska Pfeiffer a pokaza při tej­ składnosći na žórła gmejnskich financow a jich zestawu.

Rakecy (JK/SN). Gmejna změje tež lětsa najebać dale trajace konsolidowanje gmejnskeho hospodarstwa wurunany etat a chce po słowach wjesnjanosty Swena Nowotneho (CDU) dołh na wobydlerja wot dotal 635 na 459 eurow pomjeńšić. Lětuše najwažniše inwesticije budu doskónčne ponowjenje Cyrkwinskeho naměsta srjedź Rakec kaž tež ponowjenje sanitarnych připrawow tam­nišeje zakładneje šule. Dale chcedźa wu­twarić a ponowić nadróžne wobswětlenje přemysłownišća při ­Jitkowskim puću. Za prěnjej dwě poziciji njetrjeba gmejna swójskeho podźěla, dokelž zasadźi za to spěchowanske srědki kaž tež klučowe připokazanki wokrjesa.

wozjewjene w: Łužica
štwórtk, 16 měrca 2017 13:00

Witana pomoc towarstwu

Zastupjerka energijoweho zawoda ENSO Corena Pietke je Towarstwu swjateje Filomeny tele dny šek w hódnoće 500 eurow přepodała. Kóždolětnje wulosuje ENSO dobyćerja­ ze zapodatych namjetow za podpěru čestnohamtskeho dźěła. Gerata Róbla­ a jeho towarstwo namjetowała bě Njebjelčanska plahowarnja rancow. Pjenjezy­ wužiwa Towarstwo­ swj. Filomeny za projekt w Dolnim Podluží, hdźež twarja­ nowu dźěłarnju za zbrašenych. Na wobrazu wotlěwa Jurij Čornak a Monika Srocka z Njebjelčan­skeho zawoda, Gerat Róbl, Corena Pietke a čłon towarstwa Daniel­ Wjenk. Foto: Norbert Róbl

wozjewjene w: Socialne
štwórtk, 16 měrca 2017 13:00

Do kina (16.03.17)

16.3.2017–22.3.2017 Budyski filmowy palast: Kong – Skull Island w 3 D: wšě­dnje 17:15 a 19:45 | pj a so 22:15 La La Land: so a srj 17:00 | pó 19:30 Logan – The Wolverine: wšědnje 19:30 (nimo pó) | pj 22:15 Die Schöne und das Biest w 3 D: wšědnje 14:30 (nimo štw, pó a srj), 17:15 a 20:00 | srj 14:45 | pj a so 22:45 Der junge Karl Marx: štw 17:00 | pj 14:30 Fifty Shades of Grey: wšědnje 19:45 (nimo štw a pó) | pj a so 22:30 Bibi & Tina: wšědnje 14:45 (nimo štw a pó) a 17:15 (nimo štw a pó) | nj 12:15 A Cure for Wellness: so 22:15 Kundschafter des Friedens: pj a wu 17:00 Mein Blind Date mit dem Leben: nj a pó 17:00 The LEGO Batman Movie: wšědnje 14:45 (nimo štw a pó) Bob, der Streuner: nj 12:15 Vaiana: so, nj, wu a srj 14:30 Sing: nj 12:30 Wendy: nj 12:30

Kino-ekstra: Nocturnals Animals:­ pó 17:15 a 20:15

Wojerowski CineMotion: Die Schöne und das Biest w 3 D: wšědnje 15:15, 17:15 a 20:00 | pj a so 22:40 | so a nj 12:35 Häschenschule – Jagd nach dem goldenen Ei: wšědnje 14:30 a 16:15 | so a nj 12:45 Eine feine Gesellschaft: srj 18:00 Kong – Skull Island w 3 D: wšědnje 17:55 a 20:20 Kong – Skull Island: pj a so 22:55 Logan – The Wolverine: wšědnje 20:05 | pj a so 22:50 Der junge Karl Marx: wšědnje 18:00 (nimo srj) Bibi & Tina: wšědnje 15:10 | so a nj 12:50 A Cure for Wellness: pj a so 22:45 La La Land: wšědnje 17:30 The LEGO Batman Movie: wšědnje 15:00 Fifty Shades of Grey: wšědnje 20:25 Vaiana: so a nj 12:40

wozjewjene w: Do kina
štwórtk, 16 měrca 2017 13:00

Kołojězba lětsa z jubilejom

Ramnow (SN). Lětuša Ramnowska hrodowa kołojězba konjacych zapřahow wotměje so njedźelu, 21. meje. Za jubilejnu 20. kołojězbu planuja organizatorojo jěchanskeho towarstwa Hufnagel wosebitu čaru. Start a cil budźetej před kulisu Ramnowskeho barokneho hrodu. Čara powjedźe wottam přez Biskopicy składnostnje 790lětneho wobstaća města. Připołdniša přestawka budźe při Steinaskim lěsnym hosćencu „Zur Finke“.

Kołojězba skići tež lětsa wobdźělnikam wulkotny wuhlad na łužisku krajinu. Podłu čary budu zajimawe stacije z překwapjenkami spřihotowane. Kołojězba započnje so w 9 hodź., do cila dojědu zapřahi něhdźe w 14 hodź. Při Ramnowskim baroknym hrodźe čakaja na wopytowarjow bohaty program a kuli­nariske poskitki.

Kołojězba nima w prěnim rjedźe charakter wubědźowanja, skerje steji wjeselo w srjedźišću. Nimo toho chcedźa orga­nizatorojo na něhdyše rjemjesło pohonča a z nim zwjazanu bursku tradiciju jako kulturne namrěwstwo skedźbnić.

wozjewjene w: Łužica
štwórtk, 16 měrca 2017 13:00

Kmane městno namakali

Twarski plan za nowu Kulowsku pěstowarnju schwaleny

Kulow (AK/SN). Njedaloko Krabatoweje zakładneje šule a wyšeje šule „Korla Awgust Kocor“ ma nowa Kulowska pěstowarnja w nošerstwje katolskeje wosady nastać. Na swojim wčerawšim posedźenju su měšćanscy radźićeljo twarski plan schwalili. „Žaneje wjetšeje alternatiwy njeje. W měsće je lědma druheje ležownosće, kotraž je tak centralna, tak derje wuhotowana a tak derje pěši docpějomna“, podšmórny planowarka dr. Barbara Braun z Drježdźanskeho inženjerskeho běrowa Braun und Barth.

wozjewjene w: Łužica
štwórtk, 16 měrca 2017 13:00

Koncertuja na nowym křidle

Budyšin (SN). Na wosebity koncert přeproša Serbski ludowy ansambl pjatk, 17. měrca, w 19.30 hodź. na swoju žurlu. Z twórbami Korle Awgusta Kocora, Bjarnata Krawca, Jana Pawoła Nagela a dalšich chcedźa tón wječor nowe, w Hornjej Łužicy zhotowjene koncertne křidło po- swjećić. Na nim zaklinča nětko swěto- znate a regionalne klawěrne twórby. Cyłkowny nawod změje Liana Bertók.

wozjewjene w: Kultura
štwórtk, 16 měrca 2017 13:00

Bjesada wuspěšnje dźěłała

Dwě njedźeli do hłowneje zhromadźizny Domowiny we Wojerecach zeńdźechu so čłonojo Jasčanskeje Bjesady k swojej hłownej zhromadźiznje. Předsyda towarstwa Guido Zahrodnik móžeše w swojej rozprawje na mnohe derje wopytane zarjadowanja w lěće 2016 pokazać. Na póstničce na přikład bě so wjele młodych ludźi wobdźěliło. Něhdźe 40 čłonow sćěhowaše w měrcu wuwjedźenja serbskeho krosnowarja Achima Miča z delnich Sulšec. Na mały wjesny swjedźeń je so mjeztym tež w Jaseńcy chodojtypalenje wuwiło. Wjeršk běše bjezdwěla zaso adwentnička, na kotrejž su lajkojo znowa dźiwadło hrali.

W juniju pobychu Jasčenjo w čěskej wsy Srbsko. Přičina, partnersku komunu Bóščanskeje gmejny wopytać, bě wulki swjedźeń składnostnje 700. narodnin Korle IV. na hrodźe Karlštejn.

Čłonojo Jasčanskeje Bjesady dźěłachu tež na arealu wokoło kulturneho domu. Nalěto a nazymu bě wulke rjedźenje. Tež při­ kładźenju sylnoprudoweho kabla do zemje­ su pomhali. Wužadanje běše twar beachvolleyballnišća blisko małeho sport­nišća. Za připrawu kaž tež za sportnišćo je towarstwo wjacore saki kupiło.

wozjewjene w: Serbski powěstnik
štwórtk, 16 měrca 2017 13:00

Policija (16.03.17)

Paduch drasty lepjeny

Kamjenc. Z tym drje 28lětny paduch zawčerawšim dopołdnja w Kamjencu ličił njebě. Na Klóšterskej hasy hrabny sej wón před modowym wobchodom wjacore dźěle drasty a so w bliskim domje zhubi. Tam wón etikety z płaćiznu wotstroni. W tym wokomiku staj jeho ciwilnaj policistaj Kamjenskeho rewěra, kotrajž běštaj njeskutk wobkedźbowałoj, překwapiłoj a młodeho muža zaještaj. Sobudźěłaćerjo­ modoweho wobchoda scyła hišće pytnyli njeběchu, zo bě so drasta w hódnoće 200 eurow zhubiła.

wozjewjene w: Policija
štwórtk, 16 měrca 2017 13:00

Krótkopowěsće (16.03.17)

Ličba zatepjenych so podwojiła

Berlin. Ličba ludźi, kotřiž su so loni w Sakskej zatepili, je so porno lětu 2015 na 15 nimale podwojiła. Wo tym informuje dźensa Němska towaršnosć za wuchowanje žiwjenja DLRG w Berlinje. Po cyłej Němskej je ličba smjertnych woporow loni na dohromady 537 rozrostła, najwjace w zašłych dźesać lětach.

Wudobywanje brunicy wina

Choćebuz Kaž Choćebuske krajne sudnistwo wčera rozsudźi, bě wudobywanje brunicy na tym wina, zo je 20 štomow zahinyło. Skoržiła bě swójba, kotraž bydli na kromje Janšojskeje brunicoweje jamy. Kelko pjenjez ma nětko jako wotrunanje za štomy wot wobhospodarjerja jamy dóstać, hišće jasne njeje.

Pismik „ř“ tola wostanje

Praha. Čěski senator Jaroslav Doubrava wuraznje na Facebooku kritizuje pozdatny namjet Europskeje unije, pismik „ř“ z alfabeta europskich rěčow šmórnyć. Přičina měło pječa zjednorjenje snadneho wustupowanja tohole pismika być. Hakle reakcije čitarjow na Facebooku senatorej wuwědomichu, zo je so wot hižo staršeje satiriskeje fiktiwneje powěsće za nós wodźić dał.

Chcedźa Thiaga wróćo měć

wozjewjene w: Krótkopowěsće

Serbska debata

nowostki LND