Z wudaća: štwórtk, 20 apryla 2017

Stara wodowa wěža w ruinje Mnišeje cyrkwje w Budyskim starym měsće ma nětko nowy wjeršk. Wón wobsteji z njezerzawjaceho materiala a wopřijima tohorunja kulu. Do njeje połožichu tyzu z dokumentami wo twarskim a saněrowanskim projekće kaž tež wjacore nowiny, mjez druhim wudaće Serbskich Nowin. Foto: Eberhard Schmitt

Něhdźe 500 ludźi – starši ze swojimi dźěćimi, wowki a dźědojo z wnučkami – njejsu so wčera popołdnju wot njepřijomneho zymneho wjedra zatrašić dali, a so na wotewrjenje lětnjeje sezony do centruma­ za zežiwjenje a zela do klóšterskeje­ zahrody podali.

Slepjanska gmejna trafowu staciju z kranom nastajić dała

Slepo (AK/SN). Slepjanska gmejna so dale­ wo twar němsko-serbskeho šulskeho centruma prócuje. Z wotkrywanskimi dźěłami su 30. měrca započeli. Tole podšmórny Steffen Seidlich, nawoda zarjada za planowanje, twarjenje a hórnistwo Slepjanskeho zarjadniskeho zjednoćenstwa njedawno na zjawnym posedźenju gmejnskeje rady.

Woheń horceho popjeła dla

Krušiwca. Lochkomyslnosć bě zawčerawšim přičina wohenja w Krušwicy. 63lětna wobsedźerka bydlenskeho domu bě rano horcy popjeł do wotpadkoweho sudobja sypnyła. W běhu dnja so sudobjo zapali a płomjenja přeskočichu na carport, pod kotrymž bě palne drjewo składowane. Jako žona woheń pytny zawoła wona wohnjowu woboru a započa ze susodom płomjenja hašeć. Při tym so 63lětna snadnje zrani. Wobornikam z Krušwicy, Mužakowa a Běłeje Wody so poradźi woheń podusyć a tak hóršemu zadźěwać. Kelko škody je dohromady nastało, njeje hišće wobličene.

Rakecy (JK/SN). W prěnjej lětušej rozprawje wo likwidiće Rakečanskeje gmejny nawodnica financneho zarjada komuny Franziska Pfeiffer na wčerawšim posedźenju gmejnskeje rady rjekny, zo steji dźěło komuny na solidnym financnym zakładźe. To je wuskutk přewjedźeneje konsolidacije. Nimo toho skedźbni wona radźićelow na rozsud, pjenjezy z kontow pola bankow hdźež maja přidatne wudawki za to, zo tam pjenjezy składuja, bankam přepokazać, hdźež hišće drje snadnu, ale přiwšěm ličomnu dań dó­stanu. Tak so gmejnje žadyn cent nje­zhubi.

Debsecy (SN). Swójba Heinza Kalleyja w Debsecach (Großdöbschütz) pola Hornjeje Hórki je zrudna, dokelž je jej jutry póndźelu wjelk tři měsacy stare jehnjo a tři lěta staru maćernu wowcu zakusał. Wšako so Heinzecy wosrjedź wjeski wjelka njebojachu a při Sprjewinej kolesowarskej šćežce dwě skoćeći plahowachu. Mnozy so wuchodźowace dźěći jehnjo rady­ majkachu, dokelž tam wosebity płót njebě. Tola póndźelu susodźa zrudni zwěsćichu, zo běštej wowcy mortwej. „W politice ma so k temje wjelk něšto činić, takle dale njeńdźe“, so Heinz Kalley hněwa.

Při haće sej punty wotběhali

Jutrowničku su w Zagorskim rjemjeslniskim a přemysłowym muzeju lětušu sezonu zahajili. Hač do 3. oktobra je muzej blisko Krušwicy wot wutory do pjatka wot 9 do 15 hodź., sobotu, njedźelu a na swjatych dnjach wot 15 do 18 hodź. přistupny. Poradźiwši so wšo, chcedźa so tam přichodnje z wjacorymi nowosćemi w mašinowym parku prezentować. To budu mjez druhim wšelake drjewowobdźěłanske nastroje, kotrež zawěsće wosebje dźěći a młodostnych fascinuja. Foto: Martina Arlt

20.4.2017–26.4.2017 Budyski filmowy palast: Fast & Furious 8: wšědnje 14:45 (nimo srj), 16:30 a 19:30 | pj a so 22:45 Conni & Co. 2 – Das Geheimnis des T-Rex: wšědnje 12:45 (nimo pó, wu a srj), 15:00 (nimo srj) a 17:15 Die Schlümpfe – Das verlorene Dorf: wšědnje 12:45 (nimo pó, wu a srj) a 14:30 (nimo pó a srj) Die Schlümpfe – Das verlorene Dorf w 3 D: wšědnje 12:30 (nimo pó, wu a srj) | štw, nje a wu 17:15 Abgang mit Stil: wšědnje 17:30 a 20:00 Ghost in the Shell: wšědnje 19:45 (nimo so a pó) Ghost in the Shell w 3 D: pj a so 22:30 The Boss Baby: pj, so a srj 17:15 The Boss Baby w 3 D: wšědnje 12:30 (nimo pó, wu a srj) Die Schöne und das Biest: wšědnje 14:30 (nimo srj) Die Schöne und das Biest w 3 D: wšědnje 19:45 Kong – Skull Island: pj a so 22:15 Logan – The Wolverine: pj a so 22:30 Fifty Shades of Grey: so 19:45

Kino-ekstra: Love & Friendship: pó 14:30, 17:15 a 20:15

W štwórćfinalu wo wokrjesny koparski pokal su Großnaundorfscy koparjo pola rezerwy TSV Wachau nachwatansku pokalnu­ hru z 6:0 dobyli a so tak za poł­finale kwalifikowali. Z tym hraja wone w semifinalu přećiwo cyłkej z Rakec. Dalša partija w kole najlěpšich štyrjoch cyłkow budźe so dźeń do Božeho spěća w Ralbicach wuhrać. Tam wočakuja Ralbičanscy­ Sokoljo mustwo Wojerowskeho FC. SN

Hižo 39. raz bě Budyske towarstwo přećelow kolesoweho sporta 9. apryla na tra­dicionalne crosscountry-wubědźowanje do Humboldtoweho haja přeprosyło. Lěto wob lěto so tu mountainbikowa sezona zahaja, tak zo móžachu hosćićeljo tež lětsa ze sylnje wobsadźenymi polemi jězdźerjow ličić. Nimo dobreho wjedra je tež wožiwjenje Srjedźoněmskeho crosscountry-cupa tomu polěkowało. A za dźěći a młodostnych klasow U 9 do U 19 poskića so prěni raz z tak mjenowanym Rookies-cupom nowa serija, hdźež móže dorost přez cyłe lěto dypki hromadźić. Dalša nowosć bě krótki sprint po pólnym pućiku horje k sportnišću, kotryž rozsudźeše wo startowym rjedźe w poprawnym wubědźowanju. Dźěći startowachu tu jednotliwje a spytachu čaru pod mócnym přikleskom a pohonjowanjom syły přihladowarjow tak spěšnje kaž móžno zmištrować.