Pjatk 19. do 21. 5. Wjesny swjedźeń w Němcach
19:00 Hłowna a wólbna zhromadźizna Zwjazka serbskich spěwarskich towarstwow w Židźinom
19:00 Přednošk dr. Pětša Šurmana „Aktiwity Serbow w Błótach“ w Slopišćanskim domje biosferoweho rezerwata
19:00 Čitanje z Joewom Schäferom na Minakałskim hrodźe
19:00 Rakečanska Serbska bjesada na Dubiču
Sobotu 20. a 21. 5. Wustajeńca kaktusow pod hołym njebjom w Grodku (9 do 17 hodź.)
9:00 Zhromadny dźeń za 4. a 5. lětniki we Worklečanskim Don Boskowym domje
9:15 Wukubłanske wiki w Lubijskim zarjadowanskim parku
15:00 Mejemjetanje z programom kapały Horjany w Šešowje
17:00 Mejemjetanje we Wotrowje
18:00 Pólski mejski swjedźeń w Budyskim Kamjentnym domje
19:30 Koncert SLA „Wobkuzłaca klasika“ w Smochčanskim Domje biskopa Bena
Njedźelu 21.5. 9:00 Firmowanje w Ralbicach
9:00 Kołojězba konjacych zapřahow a dźěćacy swjedźeń na Ramnowskim hrodźe
10:00 Mjezynarodny muzejowy dźeń w Budyskim Serbskim muzeju
13:00 Muzejowy dźeń w Njeswačidle
15:00 Mejemjetanje w Smječkecach
15:00 Wodźenje z Janom Malinkom po wosebitej wustajeńcy w Budyskim Serbskim muzeju
Njedźelu hornjoserbsce
11:00 Łužica tutón tydźeń, mjez druhim wo kongresu FUEN
11:20 Šula za serbsku rěč a kulturu
11:45 CD Jana Pawoła Nagela
12:00 Nabožne wusyłanje
(Wito Sćapan)
po tym zbožopřeća
delnjoserbsce
12:30 Aktualny magacin, mjez druhim wo delnjoserbskej koparskej wubrance
13:00 CD Jana Pawoła Nagela
13:30 Nabožne wusyłanje
(Christina Kliemowa)
po tym zbožopřeća
Mejski swjedźeń z Horjanami
Šešow. Na Hórce w Šešowje wotměje so jutře, 20. meje, wot 15 hodź. mejski swjedźeń. Dujerska kapała Horjany hosćom zahudźi. W 19 hodź. přizamknu so reje z diskoteku. Za dźěći změja tam skakanski hród.
Wobkuzłaca klasika
Smochćicy. Přez lěta přewjeduje orchester SLA w Hornjej a Delnjej Łužicy koncertny rjad „Wobkuzłaca klasika“. Po zwučenym wašnju prezentuja hudźbnicy jutře w Smochčanskim Domje biskopa Bena pod hóstnym dirigentom Andréjom Georgijom serbske, němske a mjezynarodne kruchi. Koncert z miniaturami za smyčkowy orchester Detlefa Kobjele započnje so w 19.30 hodź.
Koncert z Lipjanami
Pančicy-Kukow. Chór Lipa přeproša zhromadnje z Křesćansko-socialnym kubłanskim skutkom na nalětni koncert, kotryž budźe njedźelu, 21. meje, w 15.30 hodź. na zahrodźe zežiwjenskeho a zeloweho centruma w klóštrje Marijinej hwězdźe w Pančicach-Kukowje. Pisany program k 110. róčnicy chóra wuhotuja spěwarki a spěwarjo z Lipjanskej dźěćinu a z dujerskej kapału Horjany.
Wodźenje z Janom Malinkom
Volleyballowej turněraj
Wólnočasni volleyballisća Viktorije Worklecy a Serbskeho gymnazija Budyšin wuhotuja tradicionalnej volleyballowej turněraj za wólnočasne wučerske mustwa. Viktoria přewjedźe swój turněr póndźelu, 22. meje, we Worklecach a wučerjo Serbskeho gymnazija srjedu, 7. junija, w Budyšinje.
Běhi na Krakečanske wyšiny
Srjedu, 24. meje, zarjaduje MSV Módro-běli Krakecy 30. běhi na Krakečanske wyšiny. Start a cil budźetej w sportowym kompleksu Krakecy. Běhi za dźěći započnu so w 17.30 hodź. (350 m) a 17.40 hodź. (700 m), hłownej běhaj budźetej we 18.30 hodź. (10,2 km) a 18.40 hodź. (5,1 km).
Triatlon za dźěći
Wuchodosakske płuwanske towarstwo (OSSV) Kamjenc přewjedźe 18. junija w Bischheimje triatlon za dźěći. Jednotliwcam poskići OSSV 50 m płuwanje – 1 200 m kolesowanje – 400 m běhanje. Tež za swójbnu staflu je zapisanje móžne. Prěni sportowc dyrbi 100 m płuwać, druhi sportowc 2 400 m kolesować a třeći 800 m běžeć.
Dynamocamp za koparjow
Muske spěwne towarstwo Hornja Hórka je swój lětuši dworowy koncert njedawno w tamnišej sportowni přewjedło. Na njón přichwata wjace hač sto lubowarjow chóroweje hudźby. Přeprosyli běchu sej muske spěwne towarstwo z Budestec. Chóraj stej swójski repertoire, ale tež cyły rjad spěwow zhromadnje přednjesłoj. Na keyboardźe přewodźał je muži Jan Chlebníček. Woni zawjeselichu připosłucharjow najprjedy z Hornjohórčanskej kaž tež z łužiskej hymnu. Mjez klasiskimi přinoškami běše spěw hońtwjerjow z opery Carla Marije von Webera a „Chór jatych“ z opery „Nabucco“ Guiseppy Verdija. Dale zanjesechu cuni spěw z luboznym tekstom „Ta róža“, štož honorowachu wopytowarjo z dołho trajacym přikleskom. W přestawce poskićichu žony spěwarjow samopječeny tykanc kaž tež kofej a dalše napoje.
Rakecy (JK/SN). Gmejnska rada přepoda na swojim zašłym posedźenju nadawki za planowanje ponowjenja Žorawskeho puća w Psowjach kaž tež Jitkowskeho puća na Rakečanskej přemysłowej ležownosći. Wo wobaj projektaj stara so Budyski planowanski běrow Exner & Schramm. Tónle běrow je za gmejnu hižo w dobrej kwaliće dźěłał a znaje gmejnske kaž tež ležownostne wobstejnosće, wopodstatni wjesnjanosta Swen Nowotny (CDU) rozsud.
Herrmann Lotze w srjedźišću
Budyšin. Składnostnje 200. narodnin w Budyšinje rodźeneho filozofa Rudolfa Hermanna Lotzy pokazuje Budyski měšćanski muzej wot dźensnišeho wosebitu wustajeńcu. Jutře a njedźelu wotměje so tam zjawne wuradźowanje wědomostnikow, w kotrehož srjedźišću steja myslenje a skutkowanje Lotzy kaž tež jeho wuznam za přitomnosć.
Wjelk na kromje města
Chrósćicy (SN/MWj). Nowa pěstowarnja „Chróšćan kołć“ bě wčera znowa jedna z hłownych temow na posedźenju Chróšćanskeje gmejnskeje rady. Předewšěm nahłeho přijězda dla, kotryž je tuchwilu zawrjeny, je minjene měsacy hižo k wjele diskusijam dóšło. Nětko ma so tón tak přetwarić, zo skłonina dźesać procentow njepřekroči. Nimo toho zwuža přijězd na šěrokosć 3,5 metrow.
Łaz (AK/SN). Na wubědźowanju „Rěčam přichilena komuna – Serbska rěč je žiwa“ so gmejna Łaz znowa wobdźěli. Tole wobzamknychu gmejnscy radźićeljo na swojim zašłym posedźenju. „Chcemy, zo serbska kultura pola nas dale žiwa wostanje. Tohodla je naš zaměr, spěchowanske towarstwa Domu Zejlerja a Smolerja zesylnić a je při zdźěłanju wustajeńcow podpěrać“, podšmórny wjesnjanosta Thomas Leberecht (CDU.