Z wudaća: wutora, 27 junija 2017

Wčera wječor zahajichu rozhłosownicy młodeje žołmy Radija Satkula w Róženće swoju beachvolleyballowu turu po serbskej Łužicy, zo bychu so zhromadnje z młodostnymi na wulki turněr w Miłoćicach přihotowali. Něhdźe 90 přihladowarjow bě do Róžanta přišło. Mjez dwanaće mustwami přesadźi so Volker Racho w finalu přećiwo cyłkej OSSV. Team Radija Satkula wobsadźi třeće městno. Přichodny tydźeń wusyłaja live z Konjec. Foto: Jakub Wowčer

ST Marijina hwězda

– SZ Großnaundorf 4:0 (3:0)

Zestawa domjacych: O. Schmidt – Lipič, Łušćanski, Škoda, Wróbl, P. Schmidt (83. Bělk), Hawš (82. Winkler), T. Jurš, Pesch­mann, Pakoßnick (76. Czapik), D. Jurš

ST Hnašecy/Dobruša

– Sokoł Ralbicy/Hórki 0:1 (0:0)

Zestawa hosći: J. Bjeńš – B. Bjeńš, Zynda, Korjeńk, Rawš, Šewc, Gloxyn, Kurjat (76. Lulak), Šěn (46. M. Matka), S. Bjeńš (46. K. Matka), Domaška

Byrnjež koparjo Sokoła Ralbicy/Hórki hižo pokal dobyli a w lize druhe městno wěste měli, chcyše Tomaš Henčl swoju poslednju hru jako jich trenar na kóždy pad dobyć. W kabinje wón hišće raz naspomni, zo pokaza so při tajkich partijach woprawdźity charakter jednoho mustwa. Sokoljo spytachu sej tuž wot wšeho spočatka znowa ze sylnym pressingom bul wuwojować. To pak so jim tak prawje njeporadźi. Hakle po 20 mjeńšinach woni hru postajachu a spytachu přez křidła do šěsnatki flankować abo pasować. Najčasćišo pak njeń­dźeše poslednja přihrawka tam, hdźež by poprawom strašna była. Tři wulke móžnosće hosćo tuž w prěnim połčasu wuwostajichu. Najprjedy dźeržeše přećiwniski wrotar nisku třělwu Dennyja Gloxyna, po tym zhłójčkowa přećiwniski škitar bul na swójsku žerdź a skónčnje njezamó Pětr Domaška mjeńšinu do přestawki samlutki bul do wrotow zhłójčkować.

Wokrjesna wyša koparska liga

Hnašecy-Dobr. – Ralbicy/Hórki 0:1 (0:0)

Hory – Kumwałd5:0 (2:0)

Kinspork/Łužnica – Budyšin 12:2 (4:1)

Ottendorf-Okrilla – Wjelećin 1:6 (0:2)

Bukecy – Połčnica 4:2 (2:2)

Ćisk – Großröhrsdorf 3:2 (2:0)

Ramnow – Kulow2:0 (1:0)

Rakecy – Wojerecy2:1 (2:0)

1. ST Ćisk 30  103 : 25 74

2. Sokoł Ralbicy/Hórki 30 77  : 38 59

3. Rakečanske ST 30 75  : 53 56

4. ST Hnašecy-Dobruša 30 65  : 56 51

5. LSV Hory 30 77  : 46 50

6. SC Großröhrsdorf 30 50  : 39 45

7. ST Kinspork/Łužnica 30 69  : 48 41

8. Motor Kumwałd 30 53  : 73 38

9. Póst German. Budyšin 30 53  : 73 37

10. Drohotka Ramnow 30 43  : 60 35

11. Wojerowski FC 30 61  : 56 34

12. Zeleno-běli Bukecy 30 57  : 85 33

13. Módro-běli Kulow 30 47  : 57 32

14. ST Wjelećin 30 65  : 105 31

15. TSV Połčnica  30 51  : 79 27

16. FV Ottendorf-Okrilla 30 37  : 90 21

Budyšin/Zhorjelc (B/SN). Cyrkwinska hudźba we Łužicy dóstanje přichodnje mjenje pjenjez wot regionalneho kulturneho ruma Hornja Łužica-Delnja Šleska. Přerěznje sydaše dotal na 90 000 euro za předewzaća cyrkwinskich hudźbnych skupin, kantorstwow a dalšich angažowanych. Kulturny konwent pak je nětko rozsudźił, zo mjez druhim hudźbu na kemšach financielnje hižo njepodpě­ruje. „Jenož jara naročne poskitki“ budu hišće spěchowane, wobkrući sekretar kulturneho ruma Joachim Mühle. Fa­chowa skupina sej wšitke zapodate projekty wobhlada a poda poručenja. Rozsud tworitaj mjez druhimi krajnaj radaj Budyšina a Zhorjelca Michael Harig a Bernd Lange (wobaj CDU).

IS ćěkancow zamordował

Njeličomni pomocnicy běchu tež Mjezynarodny folklorny festiwal „Łužica 2017“ w Chrósćicach zaso sobu přihotowali a jón přewjesć­ pomhali. Wčera so Franc Matješk, Dawid Mahr, Elija Žur (wotlěwa) a mnozy dalši znowa gratu přimachu a su mjez druhim­ tule pod Fulkec hórku wulke jewišćo sobu wottwarić pomhali. Foto: Feliks Haza

W swojej lětušej dowolowej seriji předstajamy­ wosoby, kotrež na někajkežkuli­ wašnje stawizny zachowuja,­ zo starožitnosće­ zběraja a je zdźěla zjawnosći spřistupnjeja.

Štóž lubuje derje jěsć a je runočasnje stawiznisce­ zajimowany, tomu je Lejnjanski hosćenc prawa adresa. Tamniši mějićel Rajner Kubica woboje zaruča. Hižo­ jako mały hólčec je wón w hosćencu staršeju staršim wjesnjanam, hdyž přińdźechu po swjatoku na piwko, rady připosłuchał, kak „wo starych časach“ powědachu. Po tym zo chodźeše hač do 1968 tři lěta w Chrósćicach do šule, bě na to pjeć lět pola kapałnikow w Drježdźanach, hdźež započa so přez tamniši flair za stawizny zajimować. Šulu wu­chodźił je w Pančicach-Kukowje, hdźež měješe w 9. a 10. lětniku stawiznisku wučbu pola Jurja Ryćerja. Nawuknywši po tym powołanje pinčnika dźěłaše na to jako tajki někotre lěta we wjacorych hosćencach.­

Sydom ludźi so zraniło

Budyšin. Na zwjazkowej dróze B 96 blisko awtodróhoweje wotbóčki Budyšin-zapad je so wčera připołdnju ćežke wobchadne njezbožo stało. 65lětna wodźerka Opela bě so w prawej křiwicy na napřećiwnu jězdnju dóstała a frontalnje do Škody zrazyła. Wona a jeje sobujěduca w samsnej starobje kaž tež dwě žonje w tamnym awće so ćežko zranichu. Wodźer Škody a jeho dźěsći w starobje jednoho a pjeć lět so snadnje zranichu.

Ćišćanske kulturne towarstwo 20lětne wobstaće swjećiło

Ćisk (UH/SN). Wjesne kulturne skupiny pod jedyn kłobuk zwjesć bě zaměr 1997 załoženeho Ćišćanskeho kulturneho towarstwa. Na te wašnje měješe wjes tež na kulturnym polu lěpje hromadu zrosć. Předewšěm su so tehdy swojim serbskim korjenjam wěnowali. To jenož njewoznamjenješe wobchować serbske nałožki a tradicije, ale tež serbsku rěč. Počasu wutwori so pjeć kreatiwnych skupin: nałožkowa a rejwanska, kružk kreatiwneho tworjenja, projektowy cyłk Ćišćanskeho statoka a klub seniorow. W nich so mnozy wjesnjenjo swojemu hobbyjej wěnuja. Runje dokelž je jeho paleta zaběrow jara wobšěrna, kulturne towarstwo mnohe regionalne a nadregionalne podawki sobu wobohaća.

Hodźij (CRM/SN). W přijomnej korčmje „Tři Hwězdy“ při zwjazkowej dróze B 6 rozjimachu njedawno na přeprošenje Budyskeho zwjazka Žónskeje unije CDU temu, kotraž so za kóždu generaciju znowa staja, mjenujcy zjednoćenje powołanskeho dźěła z nadawkami w swójbje. K tomu poda nětčiša předsydka skupiny Budyskeho wokrjesa Marja Michałkowa jako wjelelětna zapósłanča CDU Němskeho zwjazkoweho sejma krótke stejišćo. Wona po­twjerdźi, zo je paket naprawow za swójby pola nas zawěrno mnohostronski. Tak nimaja po jeje wuprajenju w žanym druhim kraju telko pjenjez za młode swójby k dispoziciji.