Z wudaća: pjatk, 14 julija 2017

pjatk, 14 julija 2017 14:00

Filmowu přehladku wobnowja

Choćebuz (SN/CoR). „K małemu jubilejej je Choćebuski filmowy festiwal swoju 15. přehladku tróšku wobnowił – to pak z wupruwowanym zaměrom, regionalnym talentam a kreatiwnym hłójčkam zmóžnić swoje filmy na wulkej płachće předstajić“, rozłožuje jednaćel Choćebuskeho filmoweho festiwala Andreas Stein. Tak zdobychu łužiskeho filmowca Erika Schieska jako noweho kuratora a koordinatora. Teritorij wubědźowanja su nětko na Delnju a Hornju Łužicu wobmjezowali. Budu tež změny we wotběhu zarjadowanja a lěpše wabjenje. Schiesko stara so tuchwilu wo to, z małej dźesaćtydźenskej seriju filmowu přehladku znaćišu sčinić. Pod hesłom „Natočiš hižo swójski film?“ su mjeztym prěnje tři filmowe přinoški na festiwalnych Facebook- a Youtube-kanalach zjawnosći přistupne, třeći pod titulom „Drama ćěkancow“ wozjewichu tam hakle před štyrjomi dnjemi. Z ironiju a humorom hladaja w přinoškach na dźěło a problemy filmoweho mustwa – wosebje „režisera“ Schieska –, kotrež spyta w Choćebuzu normalnych pasantow jako akterow zdobyć.

wozjewjene w: Kultura
pjatk, 14 julija 2017 14:00

Namjezne koliki budu porjeńšene

Kolesowarska šćežka podłu Nysy, bjezposrědnje při němsko-pólskej mjezy, je w dowolowym času předewšěm mjez turistami woblubowana. Zo by so hosćom regiona hišće bóle spodobało, chcedźa koliki na namjeznych přechodach wot Žitawy hač do Mužakowa ponowić a zdźěla nowe nastajić. W běhu lět su wone wjedra dla chětro poćerpjeli a njejsu tuž hižo najrjeńše. Trěbny nadawk přepodachu zamołwići nětko sakskej firmje. Foto: Joachim Rjela

wozjewjene w: Łužica
pjatk, 14 julija 2017 14:00

Požadać so

Zhorjelc (SN/MiR). Zapósłanc zwjazkoweho sejma Thomas Jurk (SPD) namołwja předewzaća, institucije a šule wokrjesa Zhorjelc, so prócować wo wuznamjenjenje jako „wukubłanski as 2017“. Z mytom, kotrež hospodarscy juniorojo Němskeje zhromadnje z juniorami rjemjesła a zwěsćenskeje skupiny INTER wupisaja, wu­znamjenja wosebity angažement we wukubłanju. „Naš zaměr je, zo ma kóždy młodostny w našim kraju swoju šansu na dobre wukubłanje“, Thomas Jurk po­twjerdźa. „Za to pak trjebamy angažowane předewzaća a iniciatiwy, kotrež so zahoriće za kwalitatiwnje wysokohódne wukubłanje zasadźeja.

Zo bychmy tónle angažement wotpowědnje hódnoćili a přikładne předewzaća předstajili, spožčamy wot lěta 1996 myto ,Wukubłanski as‘.“ Jurk měni, zo je w Zhorjelskim wokrjesu tójšto wukubłanskich zawodow, kotrež bychu sej tele myto zasłužili, „dokelž skića wučomnikam zajimawe pola nadawkow w mnohich branšach“.

Požadać móža so zajimcy hač do 31. julija na internetnej stronje www.ausbildungsass.de, hdźež su dalše informacije.

wozjewjene w: Kubłanje
Něhdźe 30 000 zajimcow je lětsa hižo Wochožanski park błudźenkow wopytało a so wo pisanosći kćenjow wobkuzłać dało. Mjez najwšelakorišimi družinami wrjosa, lěwanćikom a stołpowym kaktusom (na wobrazu) móžeš w parku někotre wočerstwjace hodźiny přežiwić a kumštnje nastatu krajinu před kulisu Hamorskeje milinarnje wobdźiwać. Foto: Joachim Rjela

wozjewjene w: Łužica
pjatk, 14 julija 2017 14:00

Wosom zajimcow za ležownosće

Na spočatku wčerawšeho posedźenja gmejnskeje rady Ralbicy-Róžant so wjesnjanosta Hubertus Ryćer (CDU) tež w mjenje wšitkich wobydlerjow Michałej Šołće dźakowaše, zo bě jeho dlěši čas jara derje zastupował.

Róžant (aha/SN). Zajimcy za nowe twarske ležownosće na zapadnej kromje Sernjan změja 40 eurow na kwadratny meter płaćić. Tole su čłonojo gmejnskeje rady­ Ralbicy-Róžant wčera na swojim posedźenju­ wobzamknyli. Za dohromady 15 twarnišćow maja tuchwilu wosom zawjazowacych naprašowanjow, kaž wjesnjanosta Hubertus Ryćer zdźěli. Zo móhła gmejna twarsku płoninu a trěbne twarske naprawy financować, su radźićeljo tak mjenowanu poćežowansku połnomóc we wobjimje 300 000 eurow schwalili.

wozjewjene w: Łužica
pjatk, 14 julija 2017 14:00

Přizamknu syći dalšu štwórć

W Radworju su třeći twarski wotrězk přizamknjenja domjacnosćow k centralnej syći wopłóčkow­ zahajili. Při kupowym haće tuchwilu hrjebju ryja, kotraž powjedźe při hrodźe hač na nawjes. W tym zwisku přizamknu hosćenc „Zelena hałžka“, hdźež połoža tež nowy wodowód. Wot noweje wopłóčkoweje syće profitować budźe zdobom tamniše kupowe zjednoćenstwo: Te móže sej stare přeće spjelnić a na kromje kupoweho hata domčk za nuzniki natwarić. Foto: SN/Maćij Bulank

wozjewjene w: Łužica
pjatk, 14 julija 2017 14:00

Ludźi spěchować a wužadać

Z pilotowym projektom dnjowu strukturu w Domje swj. Jana skrućeja

Smječkecy (AK/SN). Wuspěšnje skónčił je so kónc junija pilotowy projekt w Smječkečanskim Domje swj. Jana. Tam wutworichu wot lońšeho septembra wjacore mjeńše skupiny zbrašenych, z kotrymiž su na přikład přeprošenja za lětnju diskoteku paslili abo marmeladu warili. „Skupiny su dźěl našeje noweje nutřkowneje dnjoweje struktury. Wona ma so nětko dołhodobnje w praksy wopokazać. W Budyskim wokrjesu smy prěni, kotřiž su tajku strukturu zawjedli“, powěda nawoda domu Tadej Šiman.

wozjewjene w: Socialne
pjatk, 14 julija 2017 14:00

Policija (14.07.17)

Sutarjo změja pokutu płaćić

Słona Boršć. Hdźež bě so zawčerawšim ­rano na awtodróze A 4 mjez Słonoboršćanskej wotbóčku a wotpočnišćom ­Hornja Łužica wobchadne njezbožo stało, zadźerža policija třoch sutarjow. Woni su jako wodźerjo ­pomału nimo jěducych awtow ze swojim mobilnym telefonom wobrazy abo wideja zhotowili. Zastojnicy kazachu jim ­zastać a sej tele pady zapisachu. Třo mužojo změja nětko po 60 eurach ­pokuty płaćić a dóstanu nimo toho dypk w Flensburgu.

wozjewjene w: Policija
pjatk, 14 julija 2017 14:00

Pytaja pomocnikow

Róžant. Za Gig-festiwal wot 21. do 23. julija w Róžeńće pytaja młodostnych, kotřiž bychu při přihotach na dźěłarnički pomhać a mjez druhim ławki nastajeć móhli, a to 22. julija wot 10 hodź. Štóž ma lóšt a chwile, njech so hač do jutřišeje soboty pola fararja Gabriša Nawki w Kulowje abo we Worklečanskim Don Boskowym domje přizjewi.

Madźarski orchester hudźi

Radwor. Młodźinski dujerski orchester z juhomadźarskeho Bonyháda chce wopytowarjow přichodnu póndźelu, 17. julija, w 19 hodź. na Radworskim sportnišću z koncertom zawjeselić. Młodźi hudźbnicy běchu minjene dny na mjezynarodnym dujerskim festiwalu w Hamburgu a pokazaja na dompuću tež w Radworju, što zamóža. Zastup je darmotny. Za wudawki orchestra zběraja pjenježny dar.

Při jězoru hejsuja

wozjewjene w: Z městow a wsow

Němcy (SN/MWj). Za wutwar statneje dróhi S 95 w Němcach je město Wojerecy spěchowanske srědki přizwolene dóstało. Wotpowědne wopismo přepoda statny sekretar w sakskim ministerstwje za hospodarstwo, dźěło a wobchad Stefan Brangs dźensa Wojerowskemu wyšemu měšćanosće Stefanej Skorje. W Němcach chcedźa S 95 dospołnje wutwarić, a to po 1 120 metrach wot spočatka wsy ze směra Kulowca hač k awtowemu domej krótko­ do amploweho křižowanišća na zwjazkowej dróze B 97. Nimo toho matej tam chódnik nastać a mosćik nad Wincencowej hrjebju. Dohromady inwestuja do wutwara dróhi 3,45 milionow eurow. Kaž zdźělichu, chcedźa z twarskimi dźěłami klětu nalěto za­počeć.

Tohorunja dźensa je Stefan Brangs přepodał přirjadnicy Budyskeho kraj­neho rady Birgit Weber přizwolenske spěchowanske wopismo za wutwar wo­krjesneje dróhi K 9207 wot Mučowa do Hórnikec­.

wozjewjene w: Łužica

Serbska debata

nowostki LND