Testowu partiju jasnje přěhrali

srjeda, 26. julija 2017
artikl hódnoćić
(0 )
Matej Cyž hraje nětko w prěnim mustwje SJC, do toho bu samo pola koparskeje wubranki za duel přećiwo Serbskim balokoparjam zasadźeny.  Foto:  Jörg Stephan Matej Cyž hraje nětko w prěnim mustwje SJC, do toho bu samo pola koparskeje wubranki za duel přećiwo Serbskim balokoparjam zasadźeny. Foto: Jörg Stephan

BSV Sebnitz

– SJ Chrósćicy 5:1 (2:0)

Zestawa hosći: Cyž – Dórnik, Sentivan, Runt, M. Zahrodnik, Domaška, Młynk, Kunze, F. Zahrodnik, Němec, Věchet

Zańdźenu sobotu podachu so koparjo 1. mustwa Chróšćanskeje SJ k testowej hrě do Sebnitza. Byrnjež tam poražku 1:5 poćerpjeli, běše duel tola cyłkownje wurunany. Hižo po někotrych hratych mjeńšinach měješe Radim Věchet po přihrawce Josefa Němeca, kiž bě so přećiwo škitarjej přesadźił, prěnju składnosć. Wrotar pak kop wotwobara. Wotnětka hosćićeljo na hrajnišću dominowachu. Tomáš Hurab, kiž bě před lětami z Chrósćic do Sebnitza šoł, třěli we 8. min. 1:0. Domjacy po nawjedowanju dale sylnje kombinowachu a wuhrachu sej tójšto móžnosćow. Přichodna šansa pak skićeše so Chróšćanskemu nowopřichadej Němecej. Jeho sylny kop dźěše jenož do žerdźe. Hosćićel drje měješe wjele składnosćow, młody wrotar Matej Cyž, kiž steješe prěni raz za 1. mustwo SJC w klětce, pak je solidnje a zdźěla sylnje wotwobara. W 35. min. pak prasny wón njezbožownje do nadběhowarja, a sudnik pokaza na dypk. Jědnatku přetwori Vladimir Semanco, kiž bě tež jónu w Chrósćicach hrał.

wozjewjene w: Sport
Prošu přizjewće so, chceće-li komentar podać

Serbska debata

nowostki LND