Schrift vergrößern
Ławka prěnjeho koparskeho mustwa Sokoła Ralbicy/Hórki drje bě wčera w Kinsporku derje wobsadźena. Něhdyši trenar Thomas Schultz pak pobrachowaše. Tak je mustwowy nawoda Maik Brězan (třeći wotlěwa) zwonka hrajnišća zamołwitosć přewzał. Wjace zhoniće w rozprawje a kolumnje Jurja Bjeńša (druhi wotprawa). Foto: Jörg Stephan
ST Kinspork/Łužnica
– Sokoł Ralbicy/Hórki 0:3 (0:0)
Zestawa hosći: Ch. Gloxyn – Lulak, Zynda, B. Bjeńš, Šewc, S. Bjeńš (80. Korch), D. Gloxyn, Wałda (87. J. Bjeńš), Matka (67. Materna), Kurjat, Domaška
Prěnju hru bjez trenarja dyrbjachu koparjo Sokoła Ralbicy/Hórki pola njepřijomneho a robustneho přećiwnika z Kinsporka/Łužnicy přetrać. Tak přewza narěč w kabinje Chrystof Gloxyn, kiž docpě ze swojej měrnej žiłku kóždeho hrajerja. Z połnej motiwaciju tuž započachu.
Bosćij Lulak, stajny hrajer Sokoła Ralbicy/Hórki, wčera w Kinsporku
