Strategija na dobro wsow poručenje

póndźela, 31. awgusta 2015
artikl hódnoćić
(0 )

Spěchowanski program Leader wočakuje po namołwje prěnje projekty

Stróža (SN/JK). Wuwićowa strategija za program spěchowanja aktiwitow k wuwiću hospodarskeho žiwjenja na wsach (Leader) hornjołužiskeje krajiny hole a hatow bu w aprylu wot sakskeho ratarskeho ministerstwa schwalena. Po tym zo je ju spěchowanske towarstwo hišće raz předźěłało, ma so prěni wotrězk spěchowanja prawdźepodobnje kónc oktobra zahajić.

Na prěnjej regionalnej konferency spěchowanskeje doby 2014 do 2020 Leade­roweho regiona Hornjołužiska krajina hole a hatow minjeny pjatk w Stróži předstaji předsyda towarstwa k spěchowanju hornjołužiskeje krajiny Marko Kowar hišće raz zakłady a směrnicy spěchowanskeho programa. Za nowu dobu je 12,5 milionow eurow k dispoziciji. Z nimi chce towarstwo předewšěm projekty k wuwiću regionalnych wosebitosćow łužiskeho regiona přewjesć. Wo roz­dźělenju a zasadźenju srědkow rozsudźi w tutej spěchowanskej dobje region sam. Při tym so wosebje wobkedźbuje, kak projekty na demografiske wužadanja našeho­ časa reaguja.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND