W Radušu wotměja 14. žnjowodźakny swjedźeń

wutora, 24. januara 2017
artikl hódnoćić
(0 )
Wčera su Radušenjo staflowy stab za wuhotowanje 14. braniborskeho žnjowodźakneho swjedźenja přiwzali. Foto: Karin Tšukowa Wčera su Radušenjo staflowy stab za wuhotowanje 14. braniborskeho žnjowodźakneho swjedźenja přiwzali. Foto: Karin Tšukowa

Wjeršk w Braniborskej je kóžde lěto žnjowodźakny swjedźeń kraja. Na Zelenym tydźenju w Berlinje su Radušenjo wčera oficialnu zamołwitosć dóstali, lětuši swjatk wuhotować.

Berlin (HA/SN). „Sće hižo nětko do Raduša wutrobnje witani.“ Takle je wjesny chronist Raduša Manfred Klicha wčera w braniborskej hali na Berlinskim Zelenym tydźenju ludźi zbliska a zdaloka na 14. centralny Braniborski žnjowodźakny swjedźeń přeprosył. 9. a 10. septembra jón w němsko-serbskej wsy přewjedu. Přepodaće stafloweho staba wuhotowarjej žnjoweho swjedźenja 2017 bě jedyn z wjerškow w braniborskej hali na najwjetšej ratarskej wustajeńcy swěta.

Wjele tysac přihladowarjow je wčera dožiwiło, kak zastupjer gmejny Steinhöfel blisko Frankfurta nad Wódru, kotraž bě loni 13. nakład žnjowodźakneho swjedźenja wuhotowała, Radušanam zamołwitosć zarjadowanja oficialnje přepoda. Z teje přičiny njejsu do Berlina jenož Radušenjo přijěli, ale tež wobydlerjo Wětošowa a krajny rada wokrjesa Hornje Błóta-Łužica Siegurd Heinze (njestronjan).

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND