Wobchadnej zwjazkaj zjednoćić hižo dawno planowane

Budyšin (SN/mwe). Budyski wokrjes je do dweju wobchadneju zwjazkow dźěleny: Stej to wobchadny zwjazk Hornje Łobjo (VVO) a zaměrowy zwjazk Hornja Łužica-Delnja Šleska (ZVON). Tale w Němskej skerje rědka situacija měła so po žadanju Budyskeho wokrjesneho zwjazka CDU pruwować. To rěka, zo dyrbjałoj so VVO a ZVON pod wobkedźbowanjom swojich strukturnych rozdźělow skónčnje na zjednoćenje přihotować.