Wiki z wosebitym poskitkom poručenje

póndźela, 20. měrca 2017
artikl hódnoćić
(0 )

Jubilejna přehladka WIR prezentuje Kamjenc jako dźěl rosćaceho regiona

Budyšin/Kamjenc (JK/SN). Hdyž so pjatk, 31. měrca, w Kamjencu lětuše hospodarske wiki WIR zahaja, změja organizatorojo a Lessingowe město wšu přičinu swjećić. Jubilejny 25. raz tam potom za region hižo njeparujomnu přehladku srjedźneho stawa a rjemjesła wokrjesa přewjedu.

Składnostnje jubileja su sej organizatorojo tójšto předewzali zajimcow přiwabić. Tak prezentuje so za čas wikow zawod Accumotive, kotryž wabi derje wukubłanych fachowcow za přichodnu swětłownju zapadneje Łužicy. Runočasnje předstaja na wikach pilotowy projekt „Do rosćaceho regiona Drježdźany“. Zhromadnje z kooperaciskimi partnerami prezentuje Kamjenc atraktiwne městnosće, w regionje žiwy być a bydlić. Dalši, hižo wot februara přistupny portal, skići přidatnje bydlenja kaž tež twarske a přemysłowe ležownosće w rosćacym regionje wokoło sakskeje stolicy. Portal, kotryž projekt skulojća a dźěłowe městna w regionje poskića, změje na wikach swoju předpremjeru.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND