Po pjeć krutych čarach čołmikować poručenje

srjeda, 29. měrca 2017
artikl hódnoćić
(0 )
Ćopliše nalětnje dny wabja čołmikowarjow do Błótow, zo bychu rjanosć tamnišeje krajiny wužiwali. Kónc apryla chcedźa w Bórkowach němsko-delnjoserbske tafle z mjenami groblow připrawić a pjeć krutych čołmikowanskich čarow ze zelenym, čerwjenym abo čornym symbolom woznamjenić.  Foto: Michael Helbig Ćopliše nalětnje dny wabja čołmikowarjow do Błótow, zo bychu rjanosć tamnišeje krajiny wužiwali. Kónc apryla chcedźa w Bórkowach němsko-delnjoserbske tafle z mjenami groblow připrawić a pjeć krutych čołmikowanskich čarow ze zelenym, čerwjenym abo čornym symbolom woznamjenić. Foto: Michael Helbig

Bórze nowy turistiski poskitk w Błótach

Bórkowy (SN/at). W błótowskich Bórkowach budu hač do kónca apryla wuměnjenja za čołmikowarjow dale polěpšene. „Hosćo běchu minjene lěta přeco zaso namjetowali, za čołmikowanje krute čary poskićeć, podobnje kaž za kolesowanske abo pućowanske šćežki“, rjeknje Nicole Schlenger, nawodnica wěcneho wobłuka turizm w Bórkowskim zarjedźe. Nětko je započatk sčinjeny. „Hromadźe z čołmowymi přistawami smy dohromady pjeć čarow – tři zelene, čerwjenu a čornu – definowali“, wona rozłožuje. Zelene čary po Wobsednych, Prizarskich a Kuparskich Bórkowach traja kóžda nimale dwě hodźinje. Dotal jenički poskitk čerwjeneje kategorije, kotraž je na štyri hodźiny čołmikowanja wusměrjena, wupřestrěwa so po Wobsednych a Prizarskich Bórkowach. Po najnaročnišej, čornej ćarje sy cyły dźeń na wodźe. Wona wjedźe čołmikarjow hač do Lipjeho.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND