Wosebite spušćadło wuměnjenje za zapławjenje

srjeda, 07. junija 2017
artikl hódnoćić
(0 )
Braniborska ministerka za infrastrukturu a krajne planowanje Kathrin Schneider (nal., SPD) ma Choćebuski sewjerny jězor za hospodarsku šansu.  Foto: Andreas Kirschke Braniborska ministerka za infrastrukturu a krajne planowanje Kathrin Schneider (nal., SPD) ma Choćebuski sewjerny jězor za hospodarsku šansu. Foto: Andreas Kirschke

Z cyłkownje 19 kwadratnymi metrami płoniny, 288 milionami kubiknymi metrami wody a 26 kilometrami přibrjoha nastanje na sewjeru Choćebuza najwjetši kumštny jězor Němskeje. W zymje 2018/2019 chcedźa zapławjenje zahajić­. 2026 chcedźa to zakónčić.

Choćebuz (AK/SN). Tónle zaměr wozjewi čłon předsydstwa za hórnistwo koncerna LEAG Uwe Grosser na symboliskim prěnim zarywje wosebiteho spušćadła zašły pjatk w Choćebuzu. Po spušćadle woda do bywšeje brunicoweje jamy běži. Připrawa je wuměnjenje za zapławjenje jězora. Twarić budźe jón hłubokotwarske předewzaće Richarda Schulza tzwr ze Schwarzheide. Pjeć kubiknych metrow wody na sekundu ma do jězora běžeć. Přiwšěm budźe mnóstwo hdys a hdys trochu chabłać, dokelž wotwisuje wone zdobom­ wot móžneho wolumena wody w Sprjewi. 80 procentow wody je ze Sprjewje. Zbytne 20 proc. je dnowna woda. Předewzaće Łužiska energija a milinarnje (LEAG) je hižo 150 milionow eurow do přihotowanskich­ dźěłow inwesto­wało. „Doskónčnje pak budu to 300 mi­lionow eurow“, Grosser podšmórny.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND