Rysujo a čitajo z Krabatom a Janom Šadowicom so rozestajeć
Kulow (AK/SN/MiR). Město Kulow je wudało molowansku čitanku „Krabat“, zo by dźěći hižo sčasom z powědku wo Krabaće a z historiskej wosobinu połkownika Jana Šadowica zeznajomiło. Jědnaćestronska brošurka předleži w němskej a serbskej rěči w nakładźe tysac eksemplarow. Srjedźoněmske předewzaće Energie AG envia a Marlis Graudußus z Kulowskeje apoteki stej projekt financowałoj. Moler, kamjenjećesar, restawrator a stukaterski mišter Jörg Tausch z Rownoho je wudaće ilustrował.
