Přihotuja program a drastu za ptači kwas

póndźela, 23. januara 2017
artikl hódnoćić
(0 )
Heidemarja Listowa šije dźěle drasty za serbsko-ewangelski kwasny ćah, kotryž dźěći Čornochołmčanskeje pěstowarnje zajutřišim předstaja.  Foto: Ulrike Herzger Heidemarja Listowa šije dźěle drasty za serbsko-ewangelski kwasny ćah, kotryž dźěći Čornochołmčanskeje pěstowarnje zajutřišim předstaja. Foto: Ulrike Herzger

Čorny Chołmc (UH/SN). Tež we Wojerowskim regionje so tele dny w mnohich pěstowarnjach a zakładnych šula z połnej paru na ptači kwas hotuja. Dźěći zhromadnje za njón pasla, lěpja a šija a wězo ptačokwasne pěsnje zwučuja. Tak je tomu tež w Čornochołmčanskej pěstowarni „Krabat“. Wot lěta 2008 tam kubłarka Silvia Stephanowa stajnje dwulětnje z holcami a hólcami něhdźe połhodźinski ptačokwasny program za zjawne předstajenje nazwučuje. Jeho wjeršk je serbski kwasny ćah w drasće Wojerowskich ewangelskich Serbow. 25. januara su hosćo tuž na žurlu Čornochołmčanskeho towarstwoweho domu přeprošeni, hdźež jim wot 15.30 hodź. kulturny program předstaja.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND