Čěske studentki w jězorinowym klinikumje praktikum wukonjeli
Wojerecy (SN/mwe). Štyri studentki mediciny z čěskeho Plzenja su wot minjeneje njedźele hač do wčerawšeho we Wojerowskim jězorinowym klinikumje praktikum absolwowali. Při tym wěnowachu so přichodne lěkarki specielnje swojemu wólnemu předmjetej „Mylenja dychanja w sparje a spanska medicina.“ We wobłuku tohole projekta Wojerowska chorownja zhromadne dźěło z Plzeňskej medicinskej fakultu, wotnožku Praskeje Karloweje uniwersity, w zmysle medicinskeho dorosta zaměrnje pohłubša.
