Na dźensnišim zelenym štwórtku poskića tež Chróšćanska pjekarka Diana Pašcyna słódne kmótřiske całty jako rjany jutrowny postrow. W tutym zmysle přejetej redakcija Serbskich Nowin a Ludowe nakładnistwo Domowina wšitkim swojim čitarjam, awtoram a partneram wjesołe a žohnowane jutry. Přichodne wudaće SN dóstanjeće wutoru, 2. apryla. Foto: Feliks Haza

Před 25 lětami nowy sakski Serbski zakoń w Budyšinje ratifikowany

Drježdźany/Budyšin (SN/at). Aktualny Serbski zakoń je Sakski krajny sejm před štwórć lětstotkom schwalił. 20. januara 1999 su zapósłancy frakcijow CDU, SPD a PDS zakonjej jednohłósnje přihłosowali. Dwaj měsacaj pozdźišo, 31. měrca, bu naslědnik prěnički z 23. měrca 1948 w Budyskim Serbskim muzeju ratifikowany a w němskej a serbskej wersiji wozjewjeny.

Ratifikacija zakonja zwonka krajneje stolicy Drježdźan je jónkrótnosć w stawi­znach sakskeho parlamenta w zwjazkowej republice. Zakonjedawarski wukon hódnoći dr. Matthias Rößler (CDU), prezident Sakskeho krajneho sejma, jako „wupruwowanu kótwicu stability za škit serbskeho ludu a jeho kulturu“.

dale čitać…
štw., 28. měrca 2024

Kajka wjelika to gnada,schajdźa nowa nadźeja!Chwalćo Boga togo Kněza,až nam w nuzy pomaga!Cesć a chwalba bydźBogu nimjernje!Ha wjesele něnt powitajćo swědźeń jastrowny!Ha wjesele něnt zaspiwajmy kerluš radostny!Aleluja,aleluja.Ha wjesele něnt wótwěrajmy swóje wutroby!W kuždej dušy dźiwne styskanje aw kuždej dušy nuterne zradowanje:Gałuz zelona jo rozkwitła nam.Witaj, nalěto!Kajke žognowanje,lute spódobanje!Judaheja. Hync Rychtaŕ, 1997

štw., 28. měrca 2024

Sokoljo hraja dźensa domaPrěnje koparske mustwo Sokoła Ralbicy/Hórki změje dźensa wječor nachwatansku dypkowu hru přećiwo cyłkej z Wachauwa. Póndźelu ma FC Energija domjacu hru. Po wčerawšej přesłapjacej poražce w Lipsku dyrbja na kóždy pad połnje dypkować.28.03.  18:30  Sokoł Ralbicy/Hórki –  TSV Wachau30.03.  15:00  FSV Nowosólc-Hródk –  Rakečanske ST01.04.  13:00  FC Energija Choćebuz –  FC EilenburgPoslednje wolejbulowe hrySrjedź apryla přewjedu so we wokrjesnej klasy muži stafla wuchod poslednje dypkowe hry hrajneje doby 2023/2024. Šěstka Sokoła Budyšin nastupi dwójce we Wjazońcy a cyłk sportoweho towarstwa Marijineje hwězdy dwójce w Šumbachu (Schönbach).10.04.  18:30  Šumbachske VV –  ST Marijina hwězda10.04.  19:30  ST Bart –  ST Marijina hwězda12.04.  19:00  Sokolnik Wjazońca –  Sokoł Budyšin12.04.  20:00  ST Hnašecy-Dobruša –  Sokoł BudyšinPředpředań lisćikow startuje

štw., 28. měrca 2024

„Dźakowano Serbam změja Češa zaso móžnosć, jutry duchownje z Jězusom po puću woswjećić“Přednoški, knihi, časopis „Česko-lužický věstník“, přewodźenje serbskich skupinow po Praze, wustajeńcy, bjesady, kursy serbskeje rěče na uniwersiće kaž tež na lěćnych šulach, koncerty, wustajeńcy serbskeje wuměłskeje twórby, spřistupnjenje Hórnikoweje knihownje zjawnosći, podpěra čěskeje sorabistiki, přiho­towanje programa ze serbskej tematiku w čěskim rozhłosu a telewiziji, wuda­wanje podcastow (nic jenož) w serbskej rěči. Wšitke tute nadawki słušeja do aktiwitow čěskeho „Towarstwa přećelow ­Serbow“. We wustawkach towarstwa ­mjenujcy čitaš: „Nadawk Towarstwa je, ­zjednoćeć přećelow a přisłušnikow serbskeho ludu do hajenja narodnych, kulturnych, hospodarskich a towaršnostnych stykow ...“. Tež lětsa nas tójšto zajimawych akcijow wočakuje.

štw., 28. měrca 2024

Bataljon za logistiku 471 změje w přichodźe „domiznu“ we ŁužicyNadrózna Hrabowka (SN/MiP). We łužiskej holi, njedaloko produkciskich halow předewzaća TDDK w Nadróznej Hrabowce, běše wčera popołdnju njewšědnje wjele awtow na lěsnych pućikach po puću. Sylny wobchad „zawinił“ běše zwjazkowy minister za zakitowanje Boris Pistorius (SPD). Hromadźe z ministerskim prezidentom Sakskeje Michaelom Kretschmerom (CDU), je wón tu, na arealu něhdyšeje kaserny NLA, symbolisce natwar noweho stejnišća Zwjazkoweje wobory zahajił. Jeju přewodźachu dalši politikarjo z regiona, mjez nimi wjesnjanosta Njedźichowa Harry Habel (CDU), Wojerowski wyši měšćanosta Torsten Ruban-Zeh (SPD), Budyski krajny rada Udo Wićaz (CDU), serbski zapósłanc CDU w sakskim krajnym sejmje Alojs Mikławšk kaž tež w Baršću rodźena čłonka frakcije SPD w zwjazkowym sejmje Kathrin Michel.

štw., 28. měrca 2024

„Pasion po Janje“ J. S. BachaBudyšin. Cyrkwinskohudźbny skutk Budyšin a tamniša ewangelska wosada swj. Pětra wuhotujetej jutře, pjatk, wospjet dojutrowny koncert. W cyrkwi Marje a Marty předstaja Ansambl Barok Drježdźany, Budyski wokalny ansambl swj. Pětra a spěwni solisća Franziska Bobe, Stefan Kunath, Florian Neubauer, Georg Finger kaž tež Markus SImon pod nawodom Michaela Vettera „Pasion po Janje“ Johanna Sebastiana Bacha, a to w rozšěrjenej II. wersiji z lěta 1725. Hižo dźensa, štwórtk, maja zajimcy składnosć, sej sobu najznaćišu twórbu mištra baroka we wobłuku zjawneje generalki w 19 hodź. naposkać. Wopytowarjo proby kaž tež koncerta „smědźa rady sobu spěwać“, zastup je stajnje darmotny. Šćedriwe dary pak so njewotpokazuja.Wjerški folklornych programow

štw., 28. měrca 2024

Jako Chróšćanscy křižerjo loni do směra na klóšter Marijinu hwězda wotjěchachu, wjedźeše jich puć hišće přez twarnišćo ­Cyrkwinskeje hory. Mjeztym je tam wšitko dotwarjene. Křižerjow kaž tež přihladowarjow wita tam nětko zeleny trawnik, na ­kotrymž nalětnje kwětki rjenje kćěja. Foto: Pětr Suchy

štw., 28. měrca 2024

Marcel BraumanŽurnalisća su hižo lětstotkaj zwučeni, zo kóždy čitar najlěpje wě, wo čim by nowina kak rozprawjeć dyrbjała. Fararjo, wučerjo, lěkarjo a druzy fachowcy su po­dobne nazhonjenje dawno nachwatali: Wěriwi, starši, pacienća a wědy lačni lajkojo so hižo njeboja, hdys a hdys na zakładźe přistupnych informacijow hinaše konkluzije ćahnyć hač powołanscy fachowcy. To je pózdni wupłód rozswětlerstwa w nowowěku. W tym rozeznawa so načasne žiwjenje wot srjedźowěka, wot hierarchiskeje towaršnosće stawow. Z nowym rjadom „Serbska debata“ přeprošujemy w tutym zmysle wšěch, zo jenož sobu njemysla, ale so tež zjawnje słowa jimaja. Wšako temy, kaž změna strukturow, kubłanje, sebjezrozumjenje našeho ludu a zastupnistwo serbskich zajimow, kóždeho potrjechja.

štw., 28. měrca 2024

Drježdźany (ML/SN). Podawk wokoło ­postawy Jězusdźěćatka blisko Wotrowa, z kotrehož wob­liča kapki čerwjeneje kapaliny padaja, je w Sakskej šěroki zajim zbudźił. Po tym zo rozhłós a telewizija MDR kaž tež Serbske Nowiny a Sächsische Zeitung wo tym rozprawjachu, sćěhowachu dalše dźeniki. Drježdźanska nowina Dresdner Morgenpost je tohorunja na třoch stronach wo tutym podawku pisała. Na prěnjej stronje wozjewi so hižo wot SN a SZ wužiwane ­foto a nowina so prašeše „Jutrowny dźiw we Łužicy?“ a wozjewi dale napismo ­„Hódančko wo krawjace Jězusdźěćatko“. Na dalšimaj nutřkownymaj stronomaj rozprawjeja pod „Potajnstwo krawjaceje madony“ wo „Wotrowskim dźiwje“.

štw., 28. měrca 2024

Budyšin (SN/bn). „Know your rights“ (Znaj swoje prawa) je hesło jutrowneho seminara Młodźiny europskich narodnych skupin (MENS), pod kotrymž je so dohromady něhdźe 60 zastupjerjow cyłkownje 16 narodnych resp. rěčnych mjeńšin w Budyšinje zešło. Nimo wjacorych čłonow hosćićelskeho towarstwa Pawk wobdźěla so na nim hosćo z Bretonskeje, Katalanskeje a Waliziskeje, młodźinskich zjednoćenstwow Korutanskich Słowjencow, Gradźišćanskich Chorwatow, Madźarow w Słowjenskej, Sewjeromacedonsklich Aromunow, Danow, Židow resp. Sintow a Romow w Němskej kaž tež němskich minoritow w Madźarskej, Ruskej, Rumunskej a Chorwatskej. Dosć wobšěrny program wopřijimaše dotal jědnaće dźěłarničkow w Serbskim domje, ekskursiju do Delnjeje Łužicy a wječoraj serbskeje hudźby a serbskich jutrownych tradicijow. Na workshopach rozjimachu prašenja kołowokoło čłowjeskich a mjeńšinowych prawow a kak hodźeli so na nje złožujo na přikład prezenca rěče w zjawnosći powyšić, na- resp. ...

Serbska debata

nowostki LND