Parlamentariska přirada Załožby za serbski lud žada sej zaručenje srědkow

Drježdźany (SN/at). Parlamentariska přirada Załožby za serbski lud je so na swojim 75. posedźenju wčera w Sakskim krajnym sejmje w Drježdźanach hižo štwórty raz z 5. financowanskim zrěčenjom za serbsku załožbu zaběrała. Zaručenje financow mjenuje Marko Šiman, předsyda přirady a zapósłanc sakskeho sejma, „jara wažne za wobstaće Załožby za serbski lud“. W přitomnosći prezidenta sakskeho parlamenta, dr. Matthiasa Rößlera (CDU), namołwjachu parlamentownicy Zwjazk, Braniborsku a Saksku, zo bychu swoje prócowanja pospěšili. Woni najebać přiwótřene budgetne połoženje „so nadźija, zo financne ćeže njebudu“. Za koordinaciju jednanjow je po słowach Šimana tónkróć Zwjazk zamołwity. „Přichod ma kalkulujomny wostać. Wočakujemy wot zwjazkoweho a krajneju knježerstwow jasny signal, kak dale póńdźe“, wón doraznje podšmórnje.

dale čitać…
srj., 27. měrca 2024

Spěwarki dźěćaceho chóra Serbskeje zakładneje šule Budyšin su wčera z krótkim programom jutrownje wupyšenu studnju na Mjasowych wikach wotkryli a tak jutrowny swjedźeń w sprjewinym měsće zahajili. Nimo wjacorych spěwow předstajichu tež rejku. Wyši měšćanosta Karsten Voigt dźakowaše so jim z wobrazom za wumolowanje. Foto: SN/Bojan Benić

srj., 27. měrca 2024

SJ Chrósćicy II –SZ Wjelećin 2:1 (0:1)Zestawa domjacych: Škoda – Sćapan, Rätze, Zynda, J. Donat, Wornar, Handrik (46. Paška), Wencl (89. Mark), Klemenc (58. Matik), B. Donat, ZahrodnikZašłu njedźelu witaše rezerwa Chróšćanskeje sportowje jednotki mustwo z Wjelećina do Hórkow. Bě to hižo třeće zetkanje wobeju mustwow w hrajnej dobje 2023/24, po tym zo běchu so Wjelećenjo w lize kaž tež we wokrjesnym pokalu stajnje z 2:1 přesadźili.

srj., 27. měrca 2024

Po zražce kontejneroweje łódźe do mosta w Baltimore w USA pytaja tam dale za přičinami njezboža, kotrež je sej drje šěsć smjertnych woporow žadał. Łódź bě w nocy na wutoru do 2,5 kilometrow dołheho železneho mosta zjěła. Tón so zwjeze a wjacore awta do morja storhny. Natwar traje wjacore měsacy a płaći něhdźe 500 milionow dolarow. Foto: pa/AP/Steve Helber

srj., 27. měrca 2024

Štóž sej z křižerjow za jutrońčku konja wupožči, dóstanje je zwjetša pjatk abo sobotu. Štóž sam konje wobsedźi, móže so tež zašo wo nje starać, tak kaž pola Čornakec w Konjecach. Jan Čornak (na wobrazu) je hižo 33 razow sobu jěchał. Nětko wón to synomaj Danielej a Frankej přewostaji. Do jutrow swójske konje wurjedźić pak je dale jedyn z jeho nadawkow. Foto: Feliks Haza

srj., 27. měrca 2024

28.3. – 3.4.2024Budyski filmowy ­palast:Chantal im Märchenland: wšědnje 16:50 a 20:00 | pj, nj a pó 11:15 | pj, so a nj 13:30 | štw, pó, wu a srj 14:00 | štw, pj, so a nj 22:45 Dune: Part Two: wšědnje 13:45, 17:00 a 19:30 (nimo srj) | štw, pj, so a nj 22:00 Ghostbusters: Frozen Empire: wšědnje 20:15 | štw, pó, wu a srj 13:30 | pj, nj a wu 16:00 | štw, pj a nj 22:45 Kung Fu Panda 4 w 3 D: wšědnje 16:00 Kung Fu Panda 4: wšědnje 11:15 (nimo štw a so), 13:30, 15:40, 16:00 a 17:50 | wu a srj 9:00 | štw, so, pó a srj 20:15 The Zone of Interest: wšědnje 18:10 a 20:30 (nimo pó a wu) Oh La La – Wer ahnt denn sowas?: wšědnje 11:30 (nimo štw a so) a 18:10 Paw Patrol – Das Oster-Special: wu a srj 12:30 | pj, so a nj 14:00 a 15:30 Imaginary: wšědnje 20:30 (nimo pj a pó) | štw, so a nj 22:45 Godzilla x Kong: The New Empire w 3 D: srj 20:00 Wunderland – Vom Kindheitstraum zum Welterfolg: wšědnje 11:45 (nimo štw a so) a 14:00 | pj a pó 20:30 Maria Montessori: štw, so, pó a srj 16:00 Sneak Preview: ...

srj., 27. měrca 2024

Wupruwowanje hrajki Lingufino je zakónčene. Klanka ze serbsce rěčacymi abo serbšćinu wuknjacymi dźěćimi serbuje. Załožba za serbski lud zdźěli, zo je serbskorěčny modul w kombinaciji z modulom „Lingufino wuknje serbšćinu“ nětko za wšitkich zajimcow w Serbskej kulturnej informaciji na předań. Sobudźěłaćerce Diana ­Matikowa a Jacqueline Bjeńšec (wotlěwa) ju zajimcam poručatej. Delnjoserbsku ­wariantu tuchwilu nahrawaja. Anna-Maria Bretschneiderec spožči klance Lingufino hłós, Jan Měškank projekt jako rěčespytnik přewodźa. Lětsa w lěću maja kubłanišća Delnjeje Łužicy produkt ewaluować. Foto: SN/Bojan Benić

srj., 27. měrca 2024

Marek Krawc rozprawja wo aktualnje rozjimanych temach w ČěskejPraha. Minjenu sobotu měješe kóždolětne wobswětowe zarjadowanje Čěskeho přirodoškitneho zwjazka (ČSOP) „Ukliďme svět“ (Wurjedźmy swět) swój zazběh. W přichodnych tydźenjach budu tysacy dobrowólnych w přirodźe, w městach a wsach po puću, zo bychu je wot wotpadkow „wuswobodźili“. Minjene lěto wobdźěli so wjace hač 22 000 čestnohamtskich pomocnikow, kotřiž nazběrachu na 170 tonow smjećow, na mjeztym hižo tradicionalnym nalětnim rjedźenju. Swětowa akcija za škit klimy „Earth hour“ (hodźina zemje), kotraž wotmě so zašłu sobotu, ma tež w Čěskej swojich přiwisnikow. Tak hasnychu wječor napoł dźewjećich we wjele bydlenjach po cyłym kraju swěcu a tež historiske twarjenja wostachu hodźinu njewobswětlene. Wuznamny podźěl za přirodoškit přinošuje tež Praska coologiska zahroda, hdźež zahaji zašłu sobotu čěski prezident Petr Pavel zhromadnje z mongolskim ministrom za wobswět Bat-Ulzii Bat-Erdene nowy areal „Gobi“ za dźiwje konje Przewalsk ...

Serbska debata

nowostki LND