Serbja wuspěšni po Krakečanskich wyšinach

Montag, 18. Mai 2015
Artikel bewerten
(0 Stimmen)
Larissa Měrćinkec (čisło 3057) z Chelna doby zašłu srjedu w Karkecach běh na distancy 2,1km.  Foto: Michał Nuk Larissa Měrćinkec (čisło 3057) z Chelna doby zašłu srjedu w Karkecach běh na distancy 2,1km. Foto: Michał Nuk
Minjenu srjedu je zaso wšo Krakecam jěło. Znate kusk hinak drje pisane přisłowo pak tu měnjene njeje, wšako přichadźeja běharjo, mjez nimi tójšto Serbow, lěto wob lěto rady do wsy za Budyšinom. 28. raz bě tudyše sportowe towarstwo MSV Módro-běli přeprosyło na swój tra­dicionalny wječorny běh a wjace hač 400 běharjow je so při słónčnym wjedrje wobdźělił­o. Kaž přeco zahajichu dźěći wubědźowanje. Mjez cyle małymi pod šěsć lětami doběža Jarek Schade z Bu­dyskeje Serbskeje pěstowarnje na 350­m-skim kole na 3. městno. Krótko po tym podachu so starše dźěći a młodostni na běh přez trochu skrótšene 2,1 km, při čimž bu serbska gymnaziastka Larissa Měrćinkec w swojej starobje WU14 prěnja, mjeztym zo Janoš Nuk (MU12) w kónčnym spurće podest snadnje misny. Tež w běhomaj za dorosćenych wojowachu Serbja wuspěšnje wo prědnje městna. Na čarje 5,1 km doby Jurij Nuk (BLV „Čerwjeno-běli 90“) swoju starobnu klasu M80+ we 38:40 min., runje tak kaž Michał Nuk (OSLV Budyšin,­ 20:09 min.) pola 35–40lětnych. Za SJ Chrósćicy startowa Anja Roharkec na samsnej čarje a wubědźi sej slěborne městno w starobje 20–29lětnych žonow (25:20 min.).
Veröffentlicht in Sport
Bitte anmelden, um einen Kommentar zu posten

Anzeige