Wrotarjej pjeć razow žerdź pomhała

Donnerstag, 18. Juni 2015
Artikel bewerten
(0 Stimmen)

ST Wjelećin

– ST 1922 Radwor 0:2 (0:1)

Zestawa hosći: Wróbl – F. Šěrak (75. C. Šěrak), Buša, S. Henke, Karwinski, Šram, Mark, Nuk, Bauer, T. Henke, Schulze (77. Wjeńka)

K poslednjej dypkowej hrě sezony 2014/2015 nastupichu koparjo Radworskeho sportoweho towarstwa pola mištra wokrjesneje ligi, stafle I we Wjele­­­ći­nje. Trenar Pětr Bejmak dyrbješe ze­stawu mustwa jenož na jednej poziciji změnić. Byrnjež sej wón wot swojich chowancow połnu koncentraciju a bojownosć žadał, słušeše prěnja akcija w hrě domjacym. Kaž wohnjowa wobora woni wrota nadběhowachu. Na zbožo sadźichu prěni kop na žerdź. Radworčenjo skrótka předychachu a startowachu sami dobry nad­běh na prawym křidle, kotryž skónči so z jědnatku. Schulze ju k 0:1 (7.) přetwori. Strašnišo nadběhowaše pak dale­ Wjelećanske mustwo. Jeho derje za­hra­ty cyłk přinjese Radworski škit ča­sćišo do wuskosćow. W 20. min. kaž tež w 32. min. pomhaše Wróblej žerdź.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND