8. integratiwny sportowy swjedźeń

Donnerstag, 02. Juli 2015
Artikel bewerten
(0 Stimmen)
Beachvolleyball swójbow dobychu Bartecy ze Smječkec.  Foto: Pětr Bart Beachvolleyball swójbow dobychu Bartecy ze Smječkec. Foto: Pětr Bart

ST Marijina hwězda bě minjeny kónc tydźenja na 8. integratiwny sportowy swjedźeń do Pančic-Kukow přeprosyło.

Młodźi koparjo pjatk wubědźowanja zahaji­chu. Młodźina F Marijineje hwězdy nastupi přećiwo HZ Habrachćicam (Ebers­bach). Hra skónči so 3:3. Tež třě­lenje jědnatkow wuńdźe njerozsudnje. Hakle w kałanju zawěsćichu sej hosćo dobyće. Dorostej přizamknychu so stari knježa. Tež tu wopokazachu so domjacy jako dobri hosćićeljo a popřachu přećiwnikej triumf. Drohotka Ramnow porazy ST Marijinu hwězdu ze 6:0.

Pod wěcywustojnym nawodom 17 pomocnikow Budyskeho powołanskošulskeho centruma wojowachu njedźelu do­poł­­dnja pěstowarske dźěći z Pančic-Kukowa kaž tež zbrašeni sportowcy z Kamjenca, Smječkec, Pančic a Lěskeje wo kóždy centimeter a kóždu sekundu. To bě wšeje česće hódne, z kajkej zahoritosću so mali a wulcy sportowcy prócowachu. Poskitk lochkoatletiskich wubědźowanjow wudospołnichu wšelake hry a jěchanje.

Veröffentlicht in Sport

Galerie

dalši wobraz (1) Dobyćer turněra bul pod powjaz WfbM swj. Mikławš z Kamjenca
Bitte anmelden, um einen Kommentar zu posten

Serbska debata

Neuheiten LND