Dorostowe wubranki na koparskich turněrach wuspěšne

Montag, 06. Juli 2015
Artikel bewerten
(0 Stimmen)

Pod režiju Serbskeho Sokoła, třěšneho zwjazka serbskich sportowych jednotkow, su so kónc tydźenja tři serbske doro­stowe koparske wubranki na třoch turněrach wobdźělili. Dohromady je w Kubšicach, Bukecach a Liegauwje-Augustusbadźe 35 koparjow serbske barby zastupowało, telko kaž hišće ženje do to­ho w serbskich sportowych stawiznach.

Sobotu wobdźěli so w Liegauwje-Augustusbadźe při tropiskich temperaturach Serbska koparska wubranka młodźiny E (SKW-E), a to pod nawodom trenarja Franka Šnajdra z ST 1922 Radworja. Wurisanje měješe wosebity raz, dokelž bě wone na dobro dźěći, kotrež su na raka schorjeli. SKW-E wšitke hry doby. Tež kónčnu partiju přećiwo mustwu Sportoweho towarstwa Porchow serbscy bul­koparjo jasnje dominowachu a přesadźichu so po wrotach Konstantina Hrjehorja a Dawida Žura (wobaj Sokoł Ralbicy /Hórki) z 2:0.

Veröffentlicht in Sport

Galerie

dalši wobraz (1) dalši wobraz (2)
Wjeselo w rjadach najlěpšich serbskich koparjow starobneje klasy młodźina D bě wčera wulke. Nalěwo dósta Jakub Clausen wulki pokal, na srjedźnym wobrazu je Aaron Bjeńš z pokalom po puću a naprawo měritaj so Marvin Pěčka a Niclas Ričel z bowom wody na trenarske duwo. W pozadku widźeć je Emanuel Brühl.Jörg Stephan
Bitte anmelden, um einen Kommentar zu posten

Serbska debata

Neuheiten LND