Safari po rezerwaće
Stróža. Štóž ma zajim, móže so jutře rano w šesćich z wuběrnym znajerjom přirody Gispertom Hille na ekskursiju po biosferowym rezerwaće Hornjołužiska hola a haty podać. Zetkanje je w Domje tysac hatow w Stróži. Kóšty na dorosćeneho wučinjeja 30 eurow, dźěći hač do 16 lět płaća połojcu.
Tura po měsće
Budyšin. Muzejowy nawoda a archeologa dr. Jürgen Vollbrecht poskići jutře, sobotu, kolesowansku turu k archelogiskim pomnikam a dalšim domiznowědnym wosebitosćam w južnym dźělu Budyšina. Kolesowanje započnje so w 10 hodź. před hłownym zachodom muzeja a traje tři do štyri hodźiny. Wobdźělnicy měli sej jědź a napoje sobu přinjesć a so wjedru wotpowědnje zdrasćić. Dyrbjało-li so dešćować, tura wupadnje.
Z busom a ćahom ke kulturje