Ban Ki-moon namołwja wodźělenych k dialogej
Brüssel (dpa/SN/K). W belgiskej stolicy su so dźensa krótko do připołdnja wulkopósłancy z 28 statow NATO na próstwu Turkowskeje k wurjadnemu wjerškej zešli. Turkowska powołuje so na artikl 40 zrěčenja wo NATO, po kotrymž su konsultacije předwidźane, čuje-li so někajki čłonski kraj wohroženy.
Přičina zetkanja je chutnosć situacije w Turkowskej po terorowych nadpadach zašłe dny, při kotrychž je wjele dźesatkow ludźi zahinyło. Ze swojeje strony Turkowska za to pozicije teroristiskeje milicy Islamski stat (IS) w Syriskej bombarduje a w sewjernym Iraku zdobom zepěranišća zakazaneje kurdiskeje Dźěłaćerskeje strony PKK atakuje.