Symboliski mozaik wo Janu Husu

Montag, 10. August 2015
Artikel bewerten
(0 Stimmen)

Před 600 lětami běchu čěskeho reformatora Jana Husa w Konstanzu spalili. W Praskim narodnym archiwje wote­wrěchu składostnje róčnicy wustajeńcu „Magister Jan Hus a jeho doba“, kotraž je wot minjeneho tydźenja hač do srjedź septembra tež w Budyskej Michałskej cyrkwi widźeć.

Budyšin (SN/CoR). Hačrunjež wobsedźi narodny archiw w Praze bohatu zběrku srjedźowěkowskich dokumentow, nimaja ani jenički dokument, kotryž so direktnje na žiwjenje a skutk čěskeho reformatora poćahuje. Hus, kotrehož bě romsko-katolska cyrkej 6. julija 1415 we wobłuku Konstanzskeho koncila na šćěpowcu spaliła, płaći jako předchadnik němskeho reformatora Martina Luthera. Tohodla zdźěła najwažniši archiw Čěskeje republiki składnostnje jeho lětušich 600. po­smjertnin w kooperaciji z dalšimi ar­chiwami pućowansku wustajeńcu. Jeje patronat přewza čěski generalny konsulat w Drježdźanach. Nastał je, kaž na jednej z dohromady 13 taflow čitaš, „symboliski mozaik“ wokoło podawkow do a po smjerći Jana Husa.

Veröffentlicht in Kultura
Bitte anmelden, um einen Kommentar zu posten

Serbska debata

Neuheiten LND